Power Star Pawan Kalyan

ఫీల్‌ ది పవర్‌: కోటి కొల్లగొట్టిన ‘పవనిజం’

349 0

పవన్‌ కళ్యాణ్‌.. (Power Star Pawan Kalyan) ఆ పేరులోనే ‘పవర్‌’ కనిపిస్తుంటుంది. ఆ పవర్‌ని ఫీలవడమెలాగో పవన్‌ కళ్యాణ్‌ అభిమానులకి బాగా తెలుసు. సినిమా హిట్టయినా, ఫ్లాపయినా.. ఆ ‘పవర్‌’ అలా అలా పెరుగుతూనే వుంటుంది తప్పదు.

పోటీ చేసి రెండు చోట్లా ఓడిపోయినా పవన్‌ కళ్యాణ్‌, తన లక్ష్యం వైపు వేయాలనుకున్న అడుగుని వెనక్కి తీసుకోలేదు. అభిమానులూ అంతే, తమ అభిమాన నటుడ్ని, అభిమాన నాయకుడిగా మరింత అభిమానిస్తున్నారు తప్ప, నిరాశ చెందడంలేదు.

నిన్నటి ఓటమి, రేపటి విజయానికి తొలి మెట్టు.. అనే భావనతోనే జనసైన్యం కన్పిస్తోంది. తమ అభిమాన నటుడు, నాయకుడి పుట్టినరోజుని ఓ పండగలా చేసుకుంటోన్న అభిమానులు, సోషల్‌ మీడియాని తమ అభిమానంతో పోటెత్తించేస్తున్నారు.

పవనిజం దెబ్బకి సోషల్‌ మీడియా హోరెత్తిపోతోంది. ట్వీట్లు సునామీలా దూసుకొస్తున్నాయ్‌. అక్షరాలా కోటి ట్వీట్లు పడ్డాయి ‘హ్యాపీ బర్త్‌ డే పవన్‌ కళ్యాణ్‌’ అంటూ. మరోపక్క, జనసేన పార్టీకి (Jana Sena Party) విరాళాలు సైతం పోటెత్తాయి.. ఆ స్థాయిలో అభిమానులు తమకు తోచిన మొత్తాన్ని డొనేట్‌ చేస్తూ వచ్చారు పవన్‌ కళ్యాణ్‌ పుట్టినరోజు వేడుకల నేపథ్యంలో.

అభిమానం మరింత ముందడుగు వేసింది.. సెలబ్రిటీలూ అభిమానుల్లా మారిపోయారు. మెగా కుటుంబం నుంచి చరణ్‌, వరుణ్‌, తేజు, అల్లు అర్జున్‌.. పవన్‌ కళ్యాణ్‌కి శుభాకాంక్షలు అందించడం మామూలే. హరీష్‌ శంకర్‌ నుంచి సాయి రాజేష్‌ (కొబ్బరి మట్ట) వరకూ.. పవన్‌ కళ్యాణ్‌ మీద ఓ రేంజ్‌లో తమ అభిమానాన్ని చాటేసుకున్నారు సోషల్‌ మీడియా వేదికగా.

బాబా సెహగల్‌ పవన్‌ కళ్యాణ్‌ కోసం రూపొందించిన స్పెషల్‌ పాటతో వీడియో చేసి, సోషల్‌ మీడియాలో వుంచాడు. పవన్‌ కళ్యాణ్‌తో పనిచేసిన నటీనటులు, పనిచేయాలనుకున్నవారు.. ఆయన పుట్టినరోజు నేపథ్యంలో శుభాకాంక్షలు అందిస్తూ సోషల్‌ మీడియాని ఉర్రూతలూగించేశారనడం అతిశయోక్తి కాదేమో.

‘రాజకీయాలు సరే.. మా కోసం ఒక్క సినిమా చెయ్యవా అన్నయ్యా..’ అంటూ ప్రేమతో అడుగుతోన్న అభిమానుల కోసమైనా పవర్ స్టార్ పవన్ కళ్యాణ్ (Power Star Pawan Kalyan) ఓ సినిమా చేస్తే బావుంటుందేమో. సినిమా చేస్తే మాత్రం ఆ ‘పవర్‌’ ఇంకోలా వుంటుందన్నది నిర్వివాదాంశం.

Related Post

Savyasachi Review, Savyasachi Preview,

ప్రివ్యూ: ‘సవ్యసాచి’ ఒక్కడేగానీ.!

Posted by - November 1, 2018 0
‘సవ్యసాచి’ అంటే అర్జునుడు అని. ఇక్కడ ఈ ‘సవ్యసాచి’ ఒక్కడే.. కానీ, ఇద్దరు. ఒక్కడేంటి, మళ్ళీ ఇద్దరేంటి.! అదే ‘సవ్యసాచి’ సినిమా. తల్లి గర్భంలో రెండు కవల…
Payal Rajput Pillow Challenge

షాకింగ్‌ ఔట్‌ఫిట్‌: పాయల్‌ రాజ్‌పుత్‌ అదరహో.!

Posted by - April 16, 2020 0
కరోనా వైరస్‌ కారణంగా వచ్చిపడ్డ ‘లాక్‌ డౌన్‌’ సరికొత్త ఛాలెంజ్‌లను తెరపైకి తీసుకొస్తోంది. తాజాగా ‘పిల్లో ఛాలెంజ్‌’ పుట్టుకొచ్చింది. ఈ ఛాలెంజ్‌లో భాగంగా, ‘ఆర్‌ఎక్స్‌100’ ఫేం పాయల్‌…

మృగాళ్లకు ‘మీ టూ’తో మూకుతాడు.!

Posted by - October 16, 2018 0
అన్యాయం జరిగింది’ అని గళం విప్పలేని దుస్థితి. అవకాశాల పేరుతో శీలం దోచేసినా, పెదవి విప్పలేని దుర్ఘతి. అరవయ్యేళ్ల ముసలాడు 18 ఏళ్ల యువతిపై అఘాయిత్యానికి పాల్పడినా…

దేవదాస్‌ ప్రివ్యూ: కిర్రాక్‌ మల్టీస్టారర్‌

Posted by - September 26, 2018 0
తెలుగులో మల్టీస్టారర్‌ చిత్రాలు చాలా చాలా అరుదుగా వస్తుంటాయి. కొత్త తరహా కథలు తెలుగు తెరపై సినిమాలుగా అలరించాలంటే మల్టీస్టారర్స్‌ ఎక్కువగా రావాల్సి వుంది. ఆ దిశగా…

Leave a comment

Your email address will not be published. Required fields are marked *