రివ్యూ అండ్‌ రేటింగ్‌: మహర్షి

390 0

సినిమా టైటిల్‌: మహర్షి (Maharshi Review)

నటీనటులు: మహేష్‌బాబు, పూజా హెగ్దే, అల్లరి నరేష్‌, జగపతిబాబు, ప్రకాష్‌ రాజ్‌, రావు రమేష్‌, జయసుధ, వెన్నెల కిషోర్‌ తదితరులు.

సినిమాటోగ్రఫీ: కె.యు.మోహనన్‌

సంగీతం: దేవిశ్రీ ప్రసాద్‌

ఎడిటింగ్‌: ప్రవీణ్‌ కె ఎల్‌

రచన: వంశీపైడిపల్లి, హరి, ఆహిషోర్‌ సాల్మన్‌

స్క్రీన్‌ప్లే-దర్శకత్వం: వంశీ పైడిపల్లి

నిర్మాణం: శ్రీ వెంకటేశ్వరక్రియేషన్స్‌, వైజయంతీ మూవీస్‌, పీవీపీ

నిర్మాతలు: దిల్‌ రాజు, సి.అశ్వనీదత్‌, ప్రసాద్‌ వి.పొట్లూరి

విడుదల తేదీ: 09 మే 2019

రేటింగ్‌: 3/5

ముందుగా..  Maharshi Review

టాలీవుడ్‌ సూపర్‌ స్టార్‌ మహేష్‌బాబు కెరీర్‌లో 25వ సినిమా కావడంతో, ఈ సినిమాపై భారీ అంచనాలే ఏర్పడ్డాయి. ‘ల్యాండ్‌ మార్క్‌’ అనదగ్గ స్థాయిలో ఈ సినిమాని వుంచేందుకు దర్శకుడు, నిర్మాతలు చాలా గట్టి ప్రయత్నాలే చేశారు.

హీరో మహేష్‌ సైతం, తన 25వ సినిమా ఎలా వుండాలన్నదానిపై ఖచ్చితమైన అభిప్రాయంతో దర్శకుడు వంశీ పైడిపల్లికి ఆ ఛాన్స్‌ ఇచ్చాడు. ‘బృందావనం’, ‘ఎవడు’, ‘ఊపిరి’ లాంటి విలక్షణ చిత్రాలు అందించిన వంశీ పైడిపల్లి, మహేష్‌తో ఎలాంటి సినిమా తీశాడు.? మహేష్‌ కెరీర్‌లో ఈ సినిమా ల్యాండ్‌ మార్క్‌ అవుతుందా? 100 కోట్ల పైబడి ప్రీ రిలీజ్‌ బిజినెస్‌ జరిగిందనే ప్రచారం నేపథ్యంలో ఈ సినిమా సాధించబోయే విజయం ఎలా వుంటుంది.? ఈ అంశాల గురించి తర్వాత మాట్లాడుకుందాం. ముందైతే, కథలోకి వెళ్ళిపోదామా.!

కథేంటి.?  Maharshi Review

అమెరికాలో ఓ పెద్ద కంపెనీకి సీఈఓ రిషి. కలలు కంటాడు, వాటిని నిజం చేసుకోవడానికి కష్టపడతాడు. అలా అంచలంచెలుగా జీవితంలో ఎదుగుతాడు. మధ్యతరగతి నేపథ్యం నుంచి అత్యున్నత స్థాయికి ఎదిగిన రిషి, తన జీవితంతోపాటు తాను సాధించిన విజయాల వెనుక తన స్నేహితుల కష్టం కూడా వుందని గుర్తిస్తాడు. ఆ స్నేహితులు (పూజా హెగ్దే, అల్లరి నరేష్‌).

గెలవడమంటే డబ్బు సాధించడంతోపాటు స్థాయిని పెంచుకోవడం మాత్రమేనని భావించే రిషి, అసలు సిసలు విజయమంటే ఏంటో ఎలా తెలుసుకుంటాడు? ఈ క్రమంలో అతనికి ఎదురైన అనుభవాలేంటి? రిషి స్నేహితుల సంగతేంటి? వంటి ప్రశ్నలకు సమాధానం తెలియాలంటే సినిమా చూడాల్సిందే.

ఎవరెలా చేశారు.?

ఇప్పుడు కొత్తగా మహేష్‌లోని నటనా ప్రతిభ గురించి ఏం చెప్పుకుంటాం? బాల నటుడిగానే సత్తా చాటిన మహేష్‌, ఎన్నో సినిమాల్లో తన నటనతో అందర్నీ ఆశ్చర్యపరిచాడు. ఎలాంటి ఎక్స్‌ప్రెషన్‌ని అయినా తేలిగ్గా పలికించేయగల మహేష్‌, ఈ సినిమాని ఒంటిచేత్తో తన భుజాల మీద నడిపించాడు.

మూడు విభిన్నమైన స్థాయిల్లో మహేష్‌ నటన అత్యద్భుతం. సీఈఓ, కాలేజ్‌ స్టూడెంట్‌, సమాజం పట్ల బాధ్యత కలిగిన వ్యక్తి.. ఇలా ఈ మూడు పాత్రల్లో మహేష్‌ చూపిన వేరియేషన్స్‌కి హేట్సాఫ్‌ చెప్పాల్సిందే. నటుడిగా ఇంకోసారి మహేష్‌ ఈ సినిమాతో మెస్మరైజ్‌ చేశాడు.

పూజా హెగ్దే అందంగా కన్పించింది. అంతకు మించి, ఆమె గొప్పగా నటించిందనడానికి తగినంత ప్రాధాన్యత ఆమెకు దక్కలేదు. కాలేజ్‌ బ్యాక్‌ డ్రాప్‌ సీన్స్‌లో మాత్రం ఆకట్టుకుంది.

అల్లరి నరేష్‌ చాలా మంచి నటుడని ఇంతకు ముందే చాలా సినిమాలతో ప్రూవ్‌ అయ్యింది. నరేష్‌కి ఈ సినిమాలో మంచి పాత్ర దక్కింది. కథకి మూల స్తంభంగా అతని పాత్ర వుంటుంది. కామెడీ హీరోగానే కాదు, ఎలాంటి పాత్రలోనైనా ఒదిగిపోగలనని అల్లరి నరేష్‌ ఇంకోసారి నిరూపించాడు.

జగపతిబాబు విలనిజం ఓకే. ఆ పాత్రని ఇంకాస్త జాగ్రత్తగా దర్శకుడు డిజైన్‌ చేసి వుండాల్సింది. మిగతా పాత్రధారులంతా తమ పాత్ర పరిధి మేర బాగానే చేశారు.

టెక్నికల్‌ సపోర్ట్‌..

టెక్నికల్‌ విషయాలకొస్తే ముందుగా సినిమాటోగ్రపీ గురించి మాట్లాడుకోవాలి. సినిమాని మూడు టోన్స్‌లో సినిమాటోగ్రాఫర్‌ అత్యద్భుతంగా చూపించాడు. ప్రతి ఫ్రేమ్‌ చాలా రిచ్‌గా కనిపించింది. సంగీతం ఓకే. పాటలు వినడానికీ, చూడ్డానికీ బాగానే వున్నాయి. బ్యాక్‌గ్రౌండ్‌ స్కోర్‌ కూడా ఓకే. పాటల్లో సాహిత్యం ఆలోచింపజేస్తుంది. డైలాగ్స్‌ బావున్నాయి.

ఎడిటింగ్‌ విషయంలోనే ఇంకొన్ని జాగ్రత్తలు తీసుకుని వుండాల్సింది. సెకెండాఫ్‌కి వచ్చేసరికి కత్తెర పదును తగ్గిపోయినట్లే అనిపిస్తుంది. నిర్మాణపు విలువలు చాలా రిచ్‌గా వున్నాయి. కాస్ట్యూమ్స్‌, ఆర్ట్‌ డిపార్ట్‌మెంట్స్‌ తమవంతుగా మంచి పాత్ర పోషించాయి.

 

ప్లస్సులు

కాలేజ్‌ ఎపిసోడ్స్‌

మహేష్‌బాబు

నిర్మాణపు విలువలు

ఫస్టాఫ్‌

 

మైనస్‌లు

సెకెండాఫ్‌లో ఎక్కువైన ఎమోషనల్‌ కంటెంట్‌

సాగతీత అనిపించే సన్నివేశాలు

నిడివి ఎక్కువ కావడం

 

విశ్లేషణ (Maharshi Review)

కథ, కథనాల (Maharshi Review) పరంగా వంక పెట్టలేకపోయినా, సన్నివేశాలకొచ్చేసరికి సినిమా చూస్తున్నంతసేపూ ఏదో ఒక సినిమాలోని సన్నివేశం రిఫరెన్స్‌గా అనిపిస్తుంది. మహేష్‌ పాత సినిమాలూ గుర్తుకొస్తాయి. శ్రీమంతుడు, భరత్‌ అనే నేను, ఖైదీ నెంబర్‌ 150.. ఇలాంటి సినిమాల ప్రస్తావన ప్రేక్షకుడి మెదడులో ఆటోమేటిక్‌గా వచ్చేస్తుందంటే, ‘కొత్తదనం’ విషయంలో దర్శకుడి ఆలోచనలు కొంత వెనుకబడినట్లే అనుకోవాలేమో.

కొన్ని సీన్స్‌ని చాలా బాగా ఎలివేట్‌ చేయగలిగిన దర్శకుడు, ఆ వెంటనే రొటీన్‌ సన్నివేశాల్ని జొప్పించి, బోర్‌ కొట్టించేయడం పెద్ద మైనస్‌. మహేష్‌ని కాలేజీ కుర్రాడిలా చూపించడంలో మాత్రం దర్శకుడు సఫలమయ్యాడు. ఆ సన్నివేశాల్లో మహేష్‌ ఎనర్జీ సూపర్బ్‌.

మెసేజ్‌ ఓరియెంటెడ్‌ కమర్షియల్‌ ఎంటర్‌టైనర్స్‌ తెరకెక్కించడం అంత తేలిక కాదు. కాన్‌ఫ్లిక్ట్‌ విషయంలో చాలా జాగ్రత్తలు తీసుకోవాల్సి వుంటుంది. తడబడ్డాడని చెప్పలేంగానీ, డల్‌గా సాగే కొన్ని సన్నివేశాలు కథా గమనానికి అడ్డుపడ్డాయి. దాంతో, సినిమా లెంగ్త్‌ పెరిగి, రిషి జర్నీని (Maharshi Review) సుదీర్ఘంగా మార్చేశాయి.

ఫైనల్‌ టచ్‌ (Maharshi Review): జర్నీ విత్‌ రిషి, కొంచెం లెంగ్తీ!

Related Post

sarkar, sarkar telugu, sarkar tamil, vijay, thalapathy vijay, keerthy suresh

రివ్యూ అండ్‌ రేటింగ్‌: – సర్కార్‌

Posted by - November 6, 2018 0
సినిమా టైటిల్‌: సర్కార్‌ నటీనటులు: విజయ్‌, కీర్తి సురేష్‌, వరలక్ష్మి శరత్‌కుమార్‌, యోగి బాబు, రాధా రవి, తులసి, వైశాలి ధనిక, జస్వంత్‌ కన్నన్‌ తదితరులు. సినిమాటోగ్రఫీ:…

ఎన్టీఆర్‌ మ్యాజిక్‌.. సూపర్‌ హిట్‌ టాక్‌.!

Posted by - October 9, 2018 0
యంగ్‌ టైగర్‌ ఎన్టీఆర్‌ దూసుకొస్తున్నాడు ‘అరవింద సమేత’ సినిమాతో. హిట్టు మీద హిట్టు కొడుతూ మంచి జోరు మీదున్న ఈ యంగ్‌ టైగర్‌, తన పేరిట సరికొత్త…

రివ్యూ.. యూ టర్న్‌: సమంత హిట్‌ టర్న్‌

Posted by - September 18, 2018 0
సినిమా టైటిల్‌: యూ టర్న్‌ నటీనటులు: సమంత, భూమిక, ఆది పినిశెట్టి, రాహుల్‌ రవీంద్రన్‌, నరేన్‌ తదితరులు సంగీతం: పూర్ణ చంద్ర సినిమాటోగ్రఫీ: నికెత్‌ బొమ్మిరెడ్డి ఎడిటింగ్‌:…

Leave a comment

Your email address will not be published. Required fields are marked *