Bhagyashri Borse Hattrick Flops.. ‘అబ్బచ్చా.. అబ్బచ్చా..’ అంటూ, తెలుగు ప్రేక్షకుల్ని తనదైన గ్లామర్‌తో కట్టి పడేసింది అందాల భామ భాగ్యశ్రీ బోర్సే.!
హరీష్ శంకర్ దర్శకత్వంలో రవితేజ హీరోగా తెరకెక్కిన ‘మిస్టర్ బచ్చన్’ సినిమాతో తెలుగు తెరకు పరిచయమైంది భాగ్యశ్రీ బోర్సే.!
తొలి సినిమా డిజాస్టర్ రిజల్ట్‌నే ఇచ్చింది తెలుగులో భాగ్యశ్రీ బోర్సేకి.! అయితేనేం, ‘అబ్బచ్చా.’ అంటూ ఆమె చేసిన సినిమా ప్రమోషన్స్, ఆమెకి బోల్డంత ఫాలోయింగ్‌ని తెచ్చిపెట్టాయ్.
ఫ్లాపుల మీద ఫ్లాపులు..
రెండో సినిమా, విజయ్ దేవరకొండ సరసన నటించిన ‘కింగ్డమ్’.! ఈ సినిమా కూడా భారీ అంచనాల నడుమ ప్రేక్షకుల ముందుకొచ్చినా, బాక్సాఫీస్ వద్ద బొక్కబోర్లా పడింది.
‘కింగ్డమ్’ డిజాస్టర్ అవడం ఓ యెత్తు, సినిమాలో ఆమె పాత్రకి అస్సలేమాత్రం ప్రాధాన్యత లేకపోవడం ఇంకో యెత్తు.!
పైగా, భాగ్యశ్రీ బోర్సే – విజయ్ దేవరకొండ మధ్య చిత్రీకరించిన రొమాంటిక్ సాంగ్ లేకుండానే, సినిమాని రిలీజ్ చేశారు. అలా, భాగ్యశ్రీ బోర్సేకి దెబ్బ మీద దెబ్బ తగలింది.
ముచ్చటగా మూడోస్సారి తన అదృష్టాన్ని పరీక్షించుకునేందుకు ‘కాంత’ సినిమాతో ప్రేక్షకుల ముందుకొచ్చిందీ బ్యూటీ.!
తమిళ సినిమానే అయినా, తెలుగులోనూ ‘కాంత’పై ప్రీ రిలీజ్ బజ్ బాగానే వుందంటే, అందుక్కారణం దుల్కర్ సల్మాన్ మాత్రమే కాదు, భాగ్యశ్రీ బోర్సే కూడా.!
ఏం లాభం.? సినిమా ‘సాగతీత’ విమర్శల్ని, సినిమా రిలీజ్‌కి ముందే ఎదుర్కొంది. ‘సినిమాలో భాగ్యశ్రీ చాలా బాగా నటించింది’ అన్న పాజిటివ్ రివ్యూలు, ఆమెకు కాస్తంత ఊరట అంతే.!
ఫ్లాపులొస్తే మాత్రం.. ఆమె తప్పేంటి.?
ఎలా చూసుకున్నా, బ్యాక్ టు బ్యాక్ డిజాస్టర్స్ వచ్చాయి భాగ్యశ్రీ బోర్సే నుంచి.! సినిమా సక్సెస్, ఫెయిల్యూర్‌కి అనేక కారణాలుంటాయ్.
ఫ్లాపొస్తే హీరోయిన్ ఖాతాలో వేసెయ్యడమూ కరెక్ట్ కాదు.! కాకపోతే, కథల ఎంపికలోనూ.. సినిమాలో తన పాత్ర విషయంలోనూ భాగ్యశ్రీ బోర్సే మరింత అప్రమత్తంగా వుండాల్సిందే.!
గ్లామరుంది.. నటనా ప్రతిభ వుంది.. అన్నిటికీ మించి, సినిమాని ప్రమోట్ చేసుకోవడానికి అవసరమైనన్ని తెలివితేటలూ వున్నాయ్.. భాగ్యశ్రీ బోర్సేకి.!
బెటర్ లక్ నెక్స్‌ట్ టైమ్ భాగ్యశ్రీ..!
