BiggBossTelugu9 Nagarjuna Ashamed.. డబ్బులొస్తే సరిపోతుందా.? సినీ నటుడిగా, నిర్మాతగా సంపాదించుకున్న పేరు ప్రఖ్యాతులు పాడైపోతున్నా ఫర్లేదా.?
బిగ్ బాస్ తెలుగు రియాల్టీ షో తొమ్మిదో సీజన్ ముగింపు దశకు వచ్చేసింది.! హోస్ట్‌గా వ్యవహరిస్తున్న అక్కినేని నాగార్జున, మునుపెన్నడూ లేనంత నెగెటివిటీని చూస్తున్నారు.
తాజా వీకెండ్‌లో, కంటెస్టెంట్ సంజనకి క్లాస్ పీకాడు హోస్ట్ నాగార్జున. తోటి కంటెస్టెంట్లయిన రీతౌ చౌదరి, పవన్ మీద సంజన చేసిన కామెంట్లు వివాదాస్పదమయ్యాయి.
నిజానికి, సంజన అలా అని వుండకూడదు. సినీ నటి అయిన సంజనకి, ‘ఆడ, మగ’ మధ్య సంబంధ బాంధవ్యాలు ఎలా వుంటాయో తెలియదని ఎలా అనుకోగలం.?
రీతూ చౌదరి, పవన్ మధ్య బిగ్ బాస్ ఓ రొమాంటిక్ ట్రాక్ డిజైన్ చేసిన మాట వాస్తవం. అది ఫోర్స్‌డ్ రొమాంటిక్ డ్రామా.! నిజానికి, ఎబ్బెట్టుగానే వుంది.
కానీ, తప్పదు. బిగ్ బాస్ కంటెస్టెంట్లు అంటే, నటీనటులే. బిగ్ బాస్ డైరెక్షన్‌లో నటిస్తారంతే. హోస్ట్ నాగార్జున కూడా నటించాల్సిందే. సంజన కూడా అదే చేసి వుండొచ్చు.
ఈ మొత్తం వ్యవహారంలో సంజనకి క్లాస్ పీకుతూ, ‘గేట్స్ ఓపెన్’ అన్నాడు నాగార్జున. గేట్స్ నిజంగానే ఓపెన్ అయ్యాయి.
సంజన ఔట్.. అని ఎవరూ అనుకోలేదు.! ఎందుకంటే, బిగ్ బాస్ డ్రామాలు.. అందరికీ తెలిసినవే. నాగార్జున కూడా హోస్ట్‌గా ఇలాంటి డ్రామాల్ని ప్రతి సీజన్‌లోనూ చూస్తూనే వున్నాడు.
తేలిగ్గా సంజన సారీ చెప్పేస్తే ఏముంటుంది.? అనుకుని, డ్రామాని నడిపించినట్లున్నారు. కాదు కాదు, ఇదంతా రియాల్టీ షో.. అని నాగార్జున తెగ నటించేసి, బుల్లితెర వీక్షకుల్ని నమ్మించే ప్రయత్నం చేస్తుంటాడు.
ఎట్టి పరిస్థితుల్లోనూ క్షమాపణ చెప్పే ప్రసక్తే లేదని సంజన తేల్చేసింది. కానీ, మధ్యే మార్గంగా.. ప్రేక్షకులు బాధపడి వుంటే, క్షమాపణలు.. అనేసింది.
అక్కడితో వివాదం ముగిసింది. ఇంట్లోంచి పోతానంటూ సంజన ఎంత మొత్తుకున్నా, ఇంట్లోంచి బయటకు వెళ్ళనివ్వలేదు నాగార్జున.
అంతకు ముందేమో, ఇంట్లోంచి పో.. అంటే, ‘గేట్స్ ఓపెన్’ అన్నాడు హోస్ట్ అక్కినేని నాగార్జున. చివరికి, సంజనే గెలిచింది. రీతూ, పవన్.. ఇద్దరూ ఏడ్చిన ఏడుపూ వృధా అయ్యింది.
ఈ మొత్తం ఎపిసోడ్‌లో వెర్రి వెంగళప్ప అయ్యింది కూడా హోస్ట్ అక్కినేని నాగార్జునే.! ఇవన్నీ నాగార్జునకి అవసరమా.? ఇదీ అభిమానుల ఆవేదన.
