Divya Bharathi Tollywood Controversy.. హీరోయిన్ దివ్యభారతితో ఓ తెలుగు సినీ దర్శకుడు చాలా అభ్యంతరకరంగా బిహేవ్ చేస్తున్నాడట.
‘ట్విట్టర్‌లో సెటైరికల్‌గా నా మీద పోస్టులు పెడుతున్నాడు.! అంతే కాదు, షూటింగ్ టైమ్‌లో సెట్స్‌లోనూ అభ్యంతరకరంగానే ప్రవర్తిస్తూ వచ్చాడు.!
పక్కనే వుండి, అంతా చూస్తున్నా సరే, హీరో మాత్రం ఏం స్పందించలేదు. తనపై డైరెక్టర్ అంతలా సెటైర్లు వేస్తున్నా హీరో మౌనంగా వుండిపోయాడు..’ అంటూ ఓ హీరోయిన్ రచ్చకెక్కింది.
ఏంటీ రచ్చ.! ఎవరీ హీరోయిన్.! అనుకుంటున్నారా.? పేరు దివ్య భారతి. తమిళ ఇండస్ట్రీకి చెందిన హీరోయిన్. తెలుగులో సుడిగాలి సుధీర్ హీరోగా ఓ సినిమాలో నటిస్తోంది.
Divya Bharathi Tollywood Controversy.. తమిళ మీడియా గుస్సా..
నరేష్ లీ దర్శకత్వంలో తెరకెక్కుతోన్న ‘గోట్ ది మూవీ’ అనే సినిమా హీరోయిన్ అయిన దివ్య భారతి చేసిన వ్యాఖ్యలే ఇవి. ఇప్పుడీ వ్యాఖ్యలు ఇండస్ట్రీలో పెద్ద దుమారమే రేపుతున్నాయ్.
ఓ దర్శకుడి గురించి, హీరో గురించి హీరోయిన్ ఇలాంటి వ్యాఖ్యలు చేయడం ఎంత వరకూ సబబు.! ఈ వ్యాఖ్యలపై తమిళ మీడియా గుర్రు మంటోంది. తెలుగు సినిమా ఇండస్ట్రీనపై దుమ్మెత్తి పోస్తోంది.!
మొన్నీ మధ్యనే ‘డ్యూడ్’ సినిమా హీరో ప్రదీప్ రంగనాధన్‌ని వుద్దేశిస్తూ.. ఓ తెలుగు లేడీ జర్నలిస్టు ‘హీరో మెటీరియలేనా మీరు.!’ అని అడిగిన ప్రశ్నకు అప్పుడు కూడా తమిళ మీడియా గుస్సా అయ్యింది.
ఆ సందర్భంలో తమిళ సినీ ప్రముఖులు, తెలుగు సినీ మీడియాని ఏకి పారేసిన సంగతి తెలిసిందే.
ఈ దుస్థితి తొలిసారి..
నేను చాలా సినిమాల్లో నటించా.. పలువురు డైరెక్టర్లూ, హీరోలతో పని చేశా.! కానీ, నాకెప్పుడూ ఇలాంటి అనుభవం ఎదురు కాలేదు.. అంటూ నటి దివ్య భారతి వాపోతోంది.
ఇంత రచ్చ జరుగుతున్నా.. హీరో సుడిగాలి సుధీర్ ఇంతవరకూ ఈ విషయంపై స్పందించలేదు. అలాగే సదరు డైరెక్టర్ నరేష్ కూడా మౌనం దాల్చాడు.
అదే సమయంలో, ఓ హీరోయిన్ అలా ఆరోపణలు చేయడం.. తమిళ మీడియా దానికి ఆజ్యం పోయడంపై భిన్న వాదనలు వినిపిస్తున్నాయి.
మన తెలుగు మీడియా ఎటు పోతోంది.! ఇప్పటికే ఎన్నో సమస్యలతో సతమతమవుతున్న తెలుగు సినిమాకి కోత్తగా ఎందుకింతలా మకిలి పట్టించే ప్రయత్నం చేస్తున్నారు.?
