‘వారణాసి’ గ్లోబ్ ట్రోటర్ ఈవెంట్: రాజమౌళి అట్టర్ ఫ్లాప్ షో.!

Globetrotter Event Rajamouli Flop Show.. రాజమౌళి అంటే ఎవరు.? జక్కన్న అంటాం.! సినిమాకి సంబంధించి, మార్కెటింగ్ గురు.. అని రాజమౌళిని అభివర్ణిస్తాం.!

రాజమౌళి కుమారుడు కార్తికేయకి, మార్కెటింగ్ టెక్నిక్స్ బాగా తెలుసు. రాజమౌళి తండ్రి, విజయేంద్ర ప్రసాద్ కథా రచయిత.! కీరవాణి, రాజమౌళికి సోదరుడు.

చెప్పుకుంటూ పోతే, రాజమౌళి కుటుంబమే, ఓ సినిమా యూనిట్.! సినిమా మొత్తాన్నీ, ‘రాజమౌళి కుటుంబం’ నడిపిస్తుంటుంది.! ఇది అందరికీ తెలిసిన విషయమే.

నార్త్ నుంచి ఓ యాంకర్‌ని తీసుకొచ్చారు.. నేషనల్ రీచ్ కోసం.. సుమ కనకాల సంగతి సరే సరి.! ఇకనేం, ఈవెంట్ అదిరిపోతుందని అనుకున్నారంతా.!

Globetrotter Event Rajamouli Flop Show.. గ్లోబ్‌ట్రోటర్ ఈవెంట్.. ఎందుకిలా.?

వేల చదరపు అడుగుల ఎల్ఈడీ స్క్రీన్ ఏర్పాటు చేశారు. అంతా పక్కాగా ప్లాన్ చేసుకున్నారు. సాంకేతిక సమస్య తలెత్తింది. ఆ సమస్య నుంచి బయటపడ్డానికి చాలా సమయమే పట్టింది.

అదేంటీ, రాజమౌళి ఇలాంటి విషయాల్లో పక్కాగా వుంటాడు కదా.? అంటే, రాజమౌళి ఈసారి కుంటి సాకులు వెతుక్కున్నాడు.

‘లీక్’ భయంతో.. అని ఓ కుంటి సాకు చెప్పాడు.! ఇంకో కుంటి సాకు, ‘హనుమంతుడు నా వెనకాల నిలబడలేదు’ అని చెప్పాడు.! దాంతో, అంతా షాకయ్యారు.

ముందు రోజు రాత్రి, అత్యంత పకడ్బందీగా ఆ ఎల్ఈడీ స్క్రీన్ మీద, ‘వారణాసి’ గ్లింప్స్ ప్లే చేశారు. దాన్ని ఎవరో కాపీ చేసి, సోషల్ మీడియాలో పారేశారనుకోండి.. అది వేరే సంగతి.

ఆల్రెడీ ఓ సారి చూసుకున్నారు గనుక, సాంకేతిక సమస్య రావడం.. జరగదు మామూలుగా అయితే. కానీ, సమస్య వచ్చింది. సరే, సాంకేతిక సమస్యలు చెప్పి రావు కదా.!

కొంప ముంచిన రాజమౌళి ఫ్రస్ట్రేషన్..

రాజమౌళికి కోపమొచ్చింది.. రమా రాజమౌళికీ కోపమొచ్చింది.. కార్తికేయ కూడా కోప్పడ్డాడు.. సుమ కనకాల కూడా కోప్పడింది.. ఇలా ఒక్కో విషయం బయటకు వస్తోందిప్పుడు.

ఎవరి మీద కోప్పడ్డారు.? మహేష్ సినిమా విషయంలో ఎందికిన్ని పొరపాట్లు జరిగాయి.? ఎద్దు మీద, మహేష్‌బాబుని త్రిశూలంతో కూర్చోబెట్టాలన్న ఐడియా ఎవరిది.? అసలీ పని చేసి వుండకూడదు.

నిజమే, మహేష్ ఫ్యాన్స్ కూడా, ఆ ఎద్దు మీద త్రిశూలంతో వచ్చిన సన్నివేశాన్ని ఇష్టపడలేదు. మహేష్ కూడా అంత కంఫర్ట్‌గా ఫీలవలేదు. ఆ ఇబ్బంది కనిపించింది.

మహేష్ వస్త్రధారణ, దానిపై మహేష్ వేసుకున్న సెటైర్.. ఇచ్చుకున్న వివరణ.. ఇవి కూడా, కనెక్ట్ కాలేదు.! అలా మహేష్ చేసి వుండకపోతేనే బావుండేదేమో.!

బూడిదలో పోసిన పన్నీరు..

కోట్లు ఖర్చు చేశారు ‘గ్లోబ్‌ట్రోటర్ ఈవెంట్’ కోసం.! ‘బూడిదలో పోసిన పన్నీరు’ అనే కామెంట్ వినిపిస్తోంది.! నిజానికి, ఈ విషయాల్ని రాజమౌళి సీరియస్‌గానే తీసుకోవాలి.

ముందు ముందు ఈ సినిమాకి సంబంధించి రాజమౌళి చాలా ఈవెంట్స్ చేయాల్సి వుంది. గతంలోనూ, రాజమౌళి చాలా ఈవెంట్స్ చేశాడు. పొరపాట్లు దొర్లాయ్.. కానీ, ఏనాడూ అసహనాన్ని బాహాటంగా చాటుకున్నది లేదు.

ఎప్పుడైతే, అసహనం కట్టలు తెంచుకుందో.. తమ వైఫల్యాన్ని ఇతరుల మీద నెట్టాయలని అనుకుంటారో.. ఆ తర్వాత ఔట్‌పుట్ అనేది సరిగ్గా రాదు. క్రియేటివిటీ అటకెక్కిపోతుంది.

ఇది, నిజంగానే రాజమౌళికి మొదటి ప్రమాద హెచ్చరిక.! ఈ హెచ్చరికని, సానుకూలంగా పరిగణనలోకి తీసుకుని, రాజమౌళి జాగ్రత్త పడతాడనే కోరుకుందాం.

టైటిల్ ‘వారణాసి’ అని, కొద్ది నెలల క్రితమే లీక్ అయ్యింది. అప్పుడే, రాజమౌళి అధికారిక ప్రకటన చేసేసి వుండాల్సింది.

ఈ మధ్యనే ‘వారణాసి’ టైటిల్‌తో ఇంకో సినిమా టీమ్ పోస్టర్‌ని కూడా రిలీజ్ చేసేసింది. దానర్థం, రాజమౌళి నిర్లక్ష్యంతో వ్యవహరించడమే కదా.?