Keerthy Suresh AI Morphing.. సోషల్ మీడియా తెరిస్తే చాలు, ‘ఏఐ మార్ఫింగ్’ ఫొటోలు, వీడియోలు ఈ మధ్య ఎక్కువగా కనిపిస్తున్నాయి.
ఏదన్నా కొత్త సినిమా వస్తోందంటే, ఆ సినిమాలో హీరో హీరోయిన్ల గెటప్స్ ఇలా వుండొచ్చన్న కోణంలో ఏఐ ద్వారా ఫొటోలు, వీడియోలు తయారు చేసేస్తున్నారు ఔత్సాహికులు.
ఈ క్రమంలో కొందరు ప్రదర్శిస్తున్న పైశాచికానందం అంతా ఇంతా కాదు. ఆర్టిఫీషియల్ ఇంటెలిజెన్స్ టూల్స్‌తో తయారు చేసిన కొన్ని వీడియోలు, ఫొటోలు.. ఇంట్రెస్టింగ్‌గానే వుంటాయ్.
మరికొన్ని మాత్రం, అత్యంత జుగుప్సాకరంగా వుంటున్నాయి. మరీ ముఖ్యంగా, హీరోయిన్ల పొటోలు, వీడియోలు అత్యంత అసభ్యకరంగా రూపొందుతున్నాయి.
ఏఐ ఫొటోలు, వీడియోలపై కీర్తి సురేష్ గుస్సా..
తాజాగా, ఏఐ ఫొటోలు, వీడియోలపై సినీ నటి కీర్తి సురేష్ అసహనం, ఆవేదన వ్యక్తం చేస్తుంది. కొన్నాళ్ళ క్రితం సోషల్ మీడియా వేదికగా కొన్ని ఫొటోలు చూశానని, అవి చాలా ఇబ్బందికరంగా అనిపించాయని చెప్పింది.
‘నేనా.? ఈ దుస్తులు ధరించానా.? ఇదెప్పుడు జరిగింది.?’ అని తొలుత ఆశ్చర్యపోయాననీ, ఆ తర్వాత బాధ కలిగిందని కీర్తి సురేష్ వ్యాఖ్యానించింది.
‘ఏఐ టూల్స్ ద్వారా రూపొందించిన జుగుప్సాకరమైన ఫొటోలు, వీడియోలతో పైశాచికానందం తప్ప, ఉపయోగమేమీ లేదు’ అని కీర్తి సురేష్ అభిప్రాయపడింది.
అభ్యంతకరమైన వీడియోలు, అడల్త్ కంటెంట్ తరహాలో తయారు చేస్తున్నారు కొందరు. ఫొటోలూ అంతే.! పెద్దగా కష్టపడాల్సిన పనీలేదు.. జస్ట్ ఫింగర్ టిప్ వ్యవహారం. ప్రాంప్ట్ తెలిస్తే చాలు.
మొన్నీమధ్యనే మాజీ కేంద్ర మంత్రి, మెగాస్టార్ చిరంజీవి ఈ తరహా ఫొటోలు, వీడియోలపై న్యాయస్థానాల్ని ఆశ్రయించిన సంగతి తెలిసిందే. అక్కినేని నాగార్జున కూడా కోర్టు మెట్లెక్కక తప్పలేదు.
ఇటీవలే, బాలీవుడ్ నటి ఒకరు, సోషల్ మీడియాలో ఏఐ టూల్స్ ద్వారా చేస్తున్న అభ్యంతకర వీడియోలు, ఫొటోలపై ఆవేదన వ్యక్తం చేస్తూ ఓ వీడియో విడుదల చేశారు.
ఇదిలా వుంటే, కీర్తి సురేష్ ‘రివాల్వర్ రీటా’ సినిమాతో త్వరలో ప్రేక్షకుల ముందుకు రానుంది.
ఈ ‘రివాల్వర్ రీటా’ సినిమా ప్రమోషనల్ ఈవెంట్‌లోనే, ‘ఏఐ మార్ఫింగ్ ఫొటోలు, వీడియోల’ వ్యవహారంపై కీర్తి సురేష్ పై వ్యాఖ్యలు చేసింది.
