Pawan Kalyan Fans Janasainiks.. జనసైనికులంటే, పవన్ కళ్యాణ్ అభిమానులే.! ఇందులో ఇంకో మాటకు తావు లేదు.
‘ఓజీ ఓజీ అని అరవకండి..’ అంటూ, స్వీట్ వార్నింగ్ ఇస్తూనే, ‘ఓజీ’ సినిమాతో చాలా పెద్ద హిట్ ఇచ్చారు పవన్ కళ్యాణ్. అభిమానులు ఏ స్థాయిలో ఆ సినిమాని భుజానికెత్తుకున్నారో ప్రత్యేకంగా చెప్పాలా.?
అదే సమయంలో, ‘ఓజీ’ సినిమా కోసం పవన్ కళ్యాణ్ పడ్డ కష్టం గురించి మాత్రం ప్రత్యేకంగా చెప్పుకోవాల్సిందే.! వానలో తడుస్తూ, ‘ఓజీ’ ప్రీ రిలీజ్ ఈవెంట్‌ని ఒంటి చేత్తో నడిపించారు పవన్ కళ్యాణ్.
ఇక, రాజకీయాల్లో జనసైనికుల పోరాట పటిమ గురించి పదే పదే పవన్ కళ్యాణ్ ప్రస్తావిస్తుంటారు. సినిమాల ప్రస్తావన తీసుకురావద్దని కొన్ని వేదికలపై పవన్ కళ్యాణ్ సున్నితంగా హెచ్చరిస్తుంటారు.
అదే సమయంలో, ‘జనసైనికుల పోరాట స్ఫూర్తి, కూటమికి అధికారం తెచ్చిపెట్టింది’ అని చెబుతారు పవన్ కళ్యాణ్. తాజాగా ఇంకోసారి ఇదే మాట, రాజోలు నియోజకవర్గ పర్యటనలో పవన్ కళ్యాణ్ చెప్పారు.
వైసీపీ ప్రభుత్వానికి ఎదురు తిరిగిన మీ తెగువ.. చాలా చాలా ప్రత్యేకం. మీరే నా బలం.. అంటూ పవన్ కళ్యాణ్ చెప్పుకొచ్చారు అభిమానుల నుంచి.
రాజోలు నియోజకవర్గం జనసేన పార్టీకి చాలా చాలా ప్రత్యేకం. ఎందుకంటే, జనసేన పార్టీ తొలి సారి గెలిచిన నియోజకవర్గం ఇది.
2015 ఎన్నికల్లో రాజోలు నియోజకవర్గంలో మాత్రమే జన సేనప పార్టీకి గెలుపు దక్కింది. కానీ, గెలిచిన ఎమ్మెల్యే పార్టీ ఫిరాయించేశారు.
అయితేనేం, కార్యకర్తలు రాజోలు నియోజకవర్గాన్ని చాలా చాలా బలంగా పట్టుకున్నారు. 2024 ఎన్నికల్లో జనసేన పార్టీకి ఘన విజయాన్ని ఇచ్చారుు.
ఇక, జన సేన కార్యకర్తలు, అభిమానులు చేసే హంగామాతో సెక్యూరిటీ పరంగా ఇబ్బందులు వస్తున్నాయనీ, ఉత్సాహం మంచిదేగానీ, కొన్ని సందర్భాల్లో అది ఇబ్బందికరంగా మారుతోందని పవన్ కళ్యాణ్ చెప్పుకొచ్చారు.
మరోపక్క, సముద్ర జలాల కారణంగా నష్టపోయిన కొబ్బరి చెట్ల విషయమై, తగిన కార్యాచారణ రూపొందించి, రైతుల్ని ఆదుకుంటామని పవన్ కళ్యాణ్ హామీ ఇచ్చారు.
గత ప్రభుత్వం రోడ్లు సరిగ్గా వేయలేకపోయిందనీ, సంక్షేమంతోపాటుగా రోడ్లు బాగు చేయడం కూడా ముఖ్యమేననీ, ఆ దిశగా తమ ప్రభుత్వం కష్టపడుతోందని ఏపీ డిప్యూటీ సీఎం పవన్ కళ్యాణ్ చెప్పారు.
ఒక్కటి మాత్రం నిజం.. అభిమానులే పవన్ కల్యాణ్‌కి బలం. అదే అభిమానులు, జనసేనాని పవన్ కళ్యాణ్ బలహీనత కూడా.! అయితే, పరిస్థితులు మారుతున్నాయి.
అధినేత ఆలోచనలకు తగ్గట్టుగా అభిమానులూ మారుతున్నారు. అభిమానం ఓ వైపు ఉప్పొంగుతున్నా, జనసైనికులుగా తమ బాధ్యతను గుర్తెరుగుతున్నారు.
కాగా, రాజోలు వేదికగా ఆంధ్ర ప్రదేశ్‌లో రెండో విడత ‘పల్లె పండుగ’ కార్యక్రమాన్ని ఏపీ డిప్యూటీ సీఎం పవన్ కళ్యాణ్ ప్రారంభించారు.
