పవర్ స్టార్ పవన్ కళ్యాణ్ తన కెరీర్‌లో ఇంతకుముందెన్నడూ చేయని విభిన్నమైన సినిమా చేస్తున్నాడు. అదీ టాలెంటెడ్ దర్శకుడు క్రిష్ జాగర్లమూడి (Pawan Kalyan Hari Hara Veera Mallu) దర్శకత్వంలో. పవన్ కళ్యాణ్‌కి అత్యంత సన్నిహితుడైన ప్రముఖ నిర్మాత ఏఎం రత్నం ఈ చిత్రాన్ని మెగా సూర్య ప్రొడక్షన్ పతాకంపై నిర్మిస్తున్న సంగతి తెల్సిందే.
ఈ సినిమాకి ‘హరిహర వీరమల్లు’ అనే టైటిల్ ఖరారు చేశారు. మెగాస్టార్ చిరంజీవి నటించిన ‘సైరా నరసింహారెడ్డి’ పోలికలు ఈ సినిమాలో కనిపిస్తున్నాయనే చర్చ సర్వత్రా జరుగుతోంది.
మహాశివరాత్రి సందర్భంగా ‘హరిహర వీరమల్లు’ టైటిల్‌తోపాటుగా, ఈ సినిమాకి సంబంధించిన గ్లింప్స్ (ఓ చిన్న వీడియో ప్రోమో) విడుదల చేసింది చిత్ర యూనిట్.
నిజంగానే, పవన్ కళ్యాణ్ ఇంతకు ముందెన్నడూ చేయని కథ ఇది. పవన్ కళ్యాణ్ లుక్ కూడా చాలా చాలా కొత్తగా కనిపిస్తోంది. అయితే, ఆయన కళ్ళలో పవర్ మాత్రం, అంతకు మించి.. అనే స్థాయిలోనే కన్పిస్తోంది. గ్లింప్స్ (వీడియో ప్రోమో) (Pawan Kalyan Hari Hara Veera Mallu) చివర్లో ఓ యాక్షన్ సీక్వెన్స్‌కి సంబంధించిన బిట్ పొందుపరిచారు.
పవన్ కళ్యాణ్ మార్షల్ ఆర్ట్స్ నైపుణ్యం.. యాక్షన్ సీక్వెన్సెస్ పట్ల ఆయన చూపించే డెడికేషన్.. ఇవన్నీ అందులో అభిమానులకి కనిపిస్తున్నాయి. నిధి అగర్వాల్ ఈ సినిమాలో హీరోయిన్‌గా నటిస్తోంది. 2022 జనవరిలో ఈ ‘హరిహర వీరమల్లు’ సినిమా ప్రేక్షకుల ముందుకు రానుంది.
కాగా, పవన్ కళ్యాణ్ ప్రస్తుతం ‘హరిహర వీరమల్లు’ (Pawan Kalyan Hari Hara Veera Mallu) సినిమాతోపాటు, మరో సినిమా షూటింగ్‌లో కూడా బిజీగా వున్నాడు. అదే ‘అయ్యపనుం కోషియం’ రీమేక్. ఇందులో పవన్ కళ్యాణ్ – రానా కలిసి నటిస్తున్నారు.
మరోపక్క, పవన్ నటించిన ‘వకీల్ సాబ్’ సినిమా త్వరలో ప్రేక్షకుల ముందుకు రానున్న సంగతి తెల్సిందే. బాలీవుడ్ సూపర్ హిట్ ఫిలిం ‘పింక్’ తెలుగు రీమేక్ ఇది.
