Rasha Thadani Tollywood Debut.. అప్పుడెప్పుడో, తెలుగు మీడియాలో రషా తదానీ పేరు ప్రముఖంగా వినిపించింది.
బుచ్చిబాబు సన దర్శకత్వంలో రామ్ చరణ్ హీరోగా తెరకెక్కనున్న సినిమా కోసం బాలీవుడ్ నటి రవీనా టాండన్ కుమార్తెను తీసుకొస్తున్నారని గాసిప్పులు గుప్పుమన్నాయ్.!
కానీ, ఆ సినిమాలో హీరోయిన్‌గా జాన్వీ కపూర్‌ని తీసుకొచ్చారు. రషా తదానీ మీద టెస్ట్ షూట్ కూడా జరిగిందన్న ప్రచారం జరిగిన సంగతి తెలిసిందే ‘పెద్ది’ సినిమా కోసం.!
Rasha Thadani Tollywood Debut.. ఆజాద్ సాంగ్.. ఓ ఊపు ఊపేసింది..
బాలీవుడ్‌లో ‘ఆజాద్’ అనే సినిమా చేసింది రషా తదానీ. ఆ సినిమాలోని ఓ పాట.. దేశమంతా ఓ ఊపు ఊపేసిందనడం అతిశయోక్తి కాదేమో.!
అలా రషా తదానీ పేరు మార్మోగిపోయింది దేశవ్యాప్తంగా. ఇప్పుడీ బ్యూటీ, తెలుగు తెరపై తెరంగేట్రానికి సిద్ధమైపోయింది.
‘ఆర్ఎక్స్ 100’ ఫేం అజయ్ భూపతి దర్శకత్వంలో తెరకెక్కనున్న సినిమాతో తెలుగు సినీ పరిశ్రమలోకి ఎంట్రీ ఇవ్బబోతోంది రషా తదానీ.
ప్రముఖ సినీ నటుడు మహేష్‌బాబు సోదరుడైన రమేష్‌బాబు తనయుడు ఘట్టమనేని జయకృష్ణ హీరోగా ఈ సినిమా తెరకెక్కబోతోంది.
Also Read: బ్యాక్‌గ్రౌండ్ స్కోర్ ‘బాదుడు’కి మారు పేరు ‘టెడ్డీ’ తమన్.!
హీరో జయకృష్ణ ఘట్టమనేనికి కూడా ఇదే తొలి సినిమా. జయకృష్ణ తండ్రి రమేష్‌బాబు, తన తండ్రి కృష్ణతో కలిసి పలు సినిమాల్లో నటించారు. సోలో హీరోగానూ కొన్ని సినిమాలు చేశారు.
కొన్నాల్ళ క్రితం రమేష్‌బాబు అనారోగ్యంతో అకాల మరణం చెందిన సంగతి తెలిసిందే.
ఇక, రషా తథానీకి వెల్‌కమ్ చెబుతూ, అజయ్ భూపతి టీమ్.. ఓ ఇంట్రెస్టింగ్ పోస్టర్ రివీల్ చేసింది. బైక్ మీద హొయలొలికిస్తూ, రషా తథానీ స్టన్నింగ్ పోజులో కుర్రకారుని కవ్విస్తోంది.
తెలుసు కదా, ‘ఆర్ఎక్స్ 100’ సినిమాలో కార్తికేయ, పాయల్ రాజ్‌పుత్ మధ్య నడిచిన ఆన్ స్క్రీన్ కెమిస్ట్రీ.. ఆ సినిమా పాయల్ రాజ్‌పుత్‌కి ఇచ్చిన హాట్ మైలేజ్.!
ఈసారి అంతకు మించి వుండబోతోందేమో.!
