Rich Beggar Shiva Jyothi.. పిచ్చి.. ఇది పబ్లిసిటీ పిచ్చి.! రీల్స్ పైత్యం.! యూ ట్యూబ్ పోయేకాలం.! వాట్ నాట్.! ఎంత చెప్పుకున్నా తక్కువే.!
‘సావిత్రి’గా ఓ న్యూస్ ఛానల్‌లో కామెడీ వార్తలు చెప్పుకుని, బిగ్ బాస్ రియాల్టీ షో కంటెస్టెంట్‌గా మారి, పాపులారిటీ పెంచుకున్న శివ జ్యోతి, తిరుమలలో ఘోర అపచారానికి పాల్పడింది.
కలియుగ ప్రత్యక్ష దైవం శ్రీ వెంకటేశ్వర స్వామి భక్తులకు, నిత్యం తిరుమలలో అనేక ప్రసాదాలు అందుబాటులో వుంటాయి. లడ్డూ ప్రసాదమే కాదు, అందరి ఆకలి తీర్చే అన్న ప్రసాదం కూడా ఎంతో పవిత్రమైనది.
క్యూ లైన్లలో భక్తుల క్షుద్భాద తీర్చేందుకోసం, సాంబార్ రైస్ సహా, అనేక ఆహార పదార్థాలు శుచిగా, శుభ్రంగా వండి వడ్డిస్తుంటారు. ఆ ప్రసాదాన్ని ‘రిచ్ బెగ్గర్’ శివ జ్యోతి ఎగతాళి చేసింది.
శివజ్యోతి తన సోదరుడు, తన భర్తతో కలిసి తిరుమలకు దైవ దర్శనం నిమిత్తం వెళ్ళింది. క్యూ లైన్లో ఆమె సోదరుడు ప్రసాదం తీసుకుంటున్న సమయంలో, శివజ్యోతి వెకిలి కామెంట్లు చేసింది.
Rich Beggar Shiva Jyothi.. పవిత్ర ప్రసాదం.. రిచ్ బిచ్చగాళ్ళకెందుకు.?
‘రిచ్ బెగ్గర్స్..’ అంటూ తమ గురించి తామే అత్యంత హేయమైన కామెంట్లు చేసింది శివజ్యోతి. శివజ్యోతితోపాటు ఆమె వెంట వున్న ఇద్దరు బెగ్గర్స్ (సోదరుడు, భర్త) కూడా అవే వెకిలి వ్యాఖ్యలు చేశారు.
దీనికి సంబంధించిన వీడియో ఒకటి సోషల్ మీడియాలో వైరల్ అవుతోంది. వెంకన్న భక్తులు, శివ జ్యోతిపై తీవ్రస్థాయిలో ధ్వజమెత్తుతుండడంతో, ఆమె దిగొచ్చి క్షమాపణలు చెప్పింది.
‘నా ఉద్దేశ్యం అది కాదు.. అయినాసరే, ఎవరైనా బాధపడి వుంటే..’ అంటూ, క్షమాపణలు చెబుతూ ఓ వీడియో విడుదల చేసింది శివ జ్యోతి.!
ఎవరైనా బాధపడటమేంటి.? చేసింది ముమ్మాటికీ తప్పే.! తప్పు కాదు, మహాపచారం. రిచ్ బెగ్గర్స్ ఏంటి.? ప్రసాదం అడుక్కోవడమేంటి.?
ఇంతలా ప్రసాదం గురించి వెకిలితనం ప్రదర్శించిన ‘రిచ్ బెగ్గర్’ శివ జ్యోతికి, భవిష్యత్తులో తిరుమలలో ఎంట్రీ లేకుండా చేయాల్సిన బాధ్యత తిరుమల తిరుపతి దేవస్థానం పాలక మండలి మీదనే వుంది.
సోషల్ మీడియాలో లైక్స్ వస్తాయనో, యూ ట్యూబ్ రీచ్ పెరుగుతుందనో.. వెంకన్న ప్రసాదంపై అవాకులు చవాకులు పేలడం అత్యంత హేయం.!
హిందూ ధర్మానికి, హిందువుల ముసుగేసుకున్న ‘రిచ్ బెగ్గర్’ శివ జ్యోతి లాంటివాళ్ళతోనే ఎక్కువ ముప్పు వుందన్న చర్చ అంతటా జరుగుతోంది.
గమనిక: రిచ్ బెగ్గర్స్ ఎవరూ తిరుమలకు వెళ్ళొద్దు.! అక్కడి ప్రసాదాన్ని అడుక్కోవద్దు.! అన్నిటికీ మించి, తాము హిందువులం.. అని పబ్లిసిటీ స్టంట్లు చేయొద్దు.!
సప్త శనివారాల వ్రతం చేశానని ఘనంగా చెప్పుకుంటోంది రిచ్ బెగ్గర్ శివ జ్యోతి.. ఆ ప్రసాదమే తన కడుపులో పడ్డ బిడ్డ.. అని కూడా చెప్పుకుంటోంది.
వ్రతం ముసుగులో వీడియో చేసి, తద్వారా యూ ట్యూబ్ ఛానల్ నుండి ఆదాయాన్ని ఆర్జించడానికే కదా.?
అన్నట్టు, హిందువులెవరూ ప్రసాదంపై వెకిలితనం ప్రదర్శించరు. వెకిలితనం ప్రదర్శిస్తే ఏమవుతుందో వాళ్ళకి తెలుసు. హిందువు అయి వుంటే, శివ జ్యోతికీ ఆ విషయం తెలిసి వుండేది.
– yeSBee
