Upasana Eggs Freezing Controversy.. గత కొద్ది రోజులుగా ‘ఎగ్ ఫ్రీజింగ్’ అంశం తెలుగు రాష్ట్రాల్లో హాట్ టాపిక్ అయి కూర్చుంది.
ఐఐటీ హైద్రాబాద్‌లో, ఎగ్ ఫ్రీజింగ్ అంశంపై ఉపాసన కొణిదెల చేసిన వ్యాఖ్యలే అందుక్కారణం.
అపోలో ఆసుపత్రిలో ఆమె భాగస్వామి. అపోలో ఆసుపత్రి తరఫున ఎగ్ ఫ్రీజింగ్ వ్యవహారానికి ఆమె బ్రాండ్ అంబాసిడర్‌గా వ్యవహరిస్తున్నారా.? అంటే, ఔననే అనుకోవాలి.
అసలేంటీ ఎగ్ ఫ్రీజింగ్.? అంటే, అనారోగ్య సమస్యలు.. ఇతరత్రా కారణాలతో మాతృత్వాన్ని వాయిదా వేసుకోవాలనుకునేవారికి, ెగ్ ఫ్రీజింగ్ అనేది ఓ వరం.
కాకపోతే, ఈ ఎగ్ ఫ్రీజింగ్ అత్యంత ఖరీదైన వ్యవహారం. సాధారణంగా ఓ మహిళ, నెలసరిలో ఓ అండం మాత్రమే విడుదలవుతుంది. ఆ అండమే, ఈ ఎగ్.
వివిధ రకాలైన మెడిసిన్స్ ద్వారా, డజను వరకు ఎగ్స్ వచ్చేలా చేసి, వాటిని ‘ఫ్రీజింగ్’ పద్ధతిలో భద్రపరుస్తారు. వాటిని, కావాలనుకున్నప్పుడు వినియోగించుకుంటారు.
అన్నీ ఉపయోగపడవు.. కొన్ని ఎగ్స్ ఫెయిలవుతాయి.. అందుకే, ఎక్కువ ఎగ్స్ ఫ్రీజింగ్ చేసుకోవాల్సి వుంటుంది. దీనికి బోల్డంత ఖర్చవుతుంది.
ఐవీఎఫ్ విధానం లేదా సరోగసీ ద్వారా ఈ ఎగ్స్‌ని మహిళ గర్బంలోకి పంపిస్తారు. ఇది మళ్ళీ అత్యంత ఖరీదైన ప్రక్రియ. లక్షల్లో ఖర్చవుతుంది.
అండాల్ని.. అనగా, ఎగ్స్‌ని ఎక్కువగా ఉత్పత్తి చేసేందుకు ఖర్చు, వాటిని ఫ్రీజ్ చేయడానికి ఖర్చు, తిరిగి వాటిని అవసరమైనప్పుడు వినియోగించడానికి ఖర్చు.. ఇదన్నమాట సంగతి.
ఆసుపత్రులకు లక్షల్లో.. కాదు కాదు కోట్లల్లో లాభాలొస్తాయి. అదే సమయంలో, మహిళల ఒళ్ళు గుల్లయిపోతుంది. కుటుంబాలు ఆర్థికంగా చితికిపోతాయి.!
పిల్లల్ని కనడమంటే, అదో గొప్ప అనుభూతి మామూలుగా అయితే. కానీ, ఇన్ని రకాల ఖర్చులు, ఇబ్బందులతో మాతృత్వమంటేనే భయంతో వణికిపోయే పరిస్థితి వస్తుంది.
కోట్లు.. వందల కోట్లు వెనకేసుకున్నవాళ్ళకి, ఈ ఎగ్స్ ఫ్రీజింగ్, ఐవీఎఫ్, సరోగసీ.. సరదాగా వుంటాయ్.! వాటిని, జనం మీద బలవంతంగా రుద్దకూడదు.!
ఐఐటీ లాంటి ప్రతిష్టాత్మక విద్యా సంస్థలకు వెళ్ళి, అక్కడి వేదికలపై నుంచి ఇలాంటి ప్రచార కార్యక్రమాలు చేయడమంటే, సభ్య సమాజానికి ఏం సందేశం ఇస్తున్నట్లు.?
నో డౌట్, మాతృత్వంపై ఉపాసన కొణిదెల తన అనుభవాల్ని జనంతో పంచుకోవచ్చు. కానీ, జనరలైజ్ చేయడం.. యువతకు ‘ఎగ్స్ ఫ్రీజింగ్’ సందేశాలు ఇవ్వడం.. సమాజానికి అత్యంత హానికరం.
