Table of Contents
Ys Jagan Blue Media.. ‘సన్నీలియోన్ ఏదన్నా షాప్ ఓపెనింగ్ వెళితే, వేలల్లో కాదు, లక్షల్లో జనం వస్తారు..’
ఈ మాటలు అన్నది గతంలో కొందరు వైసీపీ నేతలే.! రాజకీయ ప్రత్యర్థులపై విమర్శలు చేసే క్రమంలో వైసీపీ నాయకులు చేసిన కామెంట్స్ ఇవి.!
తెలంగాణ రాజకీయాల్లో ఎప్పుడో జెండా పీకేసిన వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి, తెలంగాణ రాజధాని హైద్రాబాద్‌లో నిన్న బల ప్రదర్శనకు దిగారు.
భారీగా జన సమీకరణ చేసింది వైసీపీ, తమ అధినేత హైద్రాబాద్ వస్తున్న నేపథ్యంలో. వచ్చిందేమో, అక్రమాస్తుల కేసు విచారణ సందర్భంగా కోర్టులో హాజరయ్యేందుకు. కానీ, జగన్ చేసింది బల ప్రదర్శన.
Ys Jagan Blue Media.. కుల భోజనాలతో జన సమీకరణ..
కార్తీక మాసం.. వన భోజనాల నేపథ్యంలో, ‘కుల భోజనాలు’ పెట్టి మరీ, జనాన్ని వైసీపీ సమీకరించిన విషయం, ‘పోస్టర్ల రూపంలో’ బయటకు వస్తోంది.
అసలు, తెలంగాణ రాజకీయాల్లో జెండా పీకేశాక, హైద్రాబాద్‌లో బల ప్రదర్శన చేయాల్సిన అవసరం వైఎస్ జగన్ మోహన్ రెడ్డికి ఏమొచ్చింది.? అన్న చర్చ ఇప్పుడు వైసీపీ శ్రేణుల్లోనే జరుగుతోంది.
ఇది, వైసీపీ నాయకుల్లో ‘గుండె దడ’కి కారణమవుతోంది. ‘ఏపీలో జెండా పీకేసి, తెలంగాణలో ఏమన్నా జెండా పాతాలని వైఎస్ జగన్ వ్యూహ రచన చేస్తున్నారా.?’ అన్నది ఏపీ వైసీపీ నాయకుల ఆందోళన.
అబ్బే, వైఎస్ జగన్ అంత రిస్క్ తీసుకునే పరిస్థితే లేదు.! తెలంగాణ ఉద్యమ సమయంలో ‘మానుకోట’ ఘటన ఆయన్ని పదే పదే హెచ్చరిస్తూ వుంటుంది.. తెలంగాణ రాజకీయాల విషయమై.
అసలంటూ, హైద్రాబాద్‌లోని తన నివాసం లోటస్ పాండ్‌కి వచ్చేందుకే వైఎస్ జగన్ చాలాకాలంగా భయపడుతున్న పరిస్థితిని చూస్తున్నాం.!
జన సమీకరణ, బల ప్రదర్శన.. వృధా ప్రయాస..
జన సమీకరణ, బల ప్రదర్శనతో రాజకీయాల్లో నెగ్గుకు రావడం కష్టం ఎవరైనా.! 2024 ఎన్నికల సమయంలో, సిద్ధం సభల పేరుతో వైసీపీ చేసిన జన సమీకరణ గురించి ఎంత చెప్పుకున్నా తక్కువే.
ఆయా సభల్లో, రాజకీయ ప్రత్యర్థుల బొమ్మలు పెట్టించి, వాటిని వైసీపీ కార్యకర్తలో కొట్టించారు వైసీపీ అధినేత వైఎస్ జగన్ మోహన్ రెడ్డి.. అదీ ముఖ్యమంత్రి హోదాలో వున్నప్పుడే.
కోట్లాది రూపాయలు ఖర్చు చేసి, ఇలాంటి వికృత పబ్లిసిటీ స్టంట్లు చేయగలరేమోగానీ, జనాదరణ పొందలేరు. ‘హైద్రాబాద్‌లో జగన్‌పై జనాదరణ’ అంటూ, నీలి కూలి మీడియా రాతల్లో అసలు అర్థమే లేదు.
అంత జనాదరణ తెలంగాణలో తనకుందని వైఎస్ జగన్ మోహన్ రెడ్డికి నమ్మకముంటే, గత ఎన్నికల్లో తెలంగాణలో ఎన్నో కొన్ని సీట్లలో పోటీ చేసేదే వైసీపీ.!
జనాదరణ లేక, కొనుక్కున్న ఓట్లు చాలక.. వైఎస్సార్ కాంగ్రెస్ పార్టీ, 2024 ఎన్నికల్లో ఆంధ్ర ప్రదేశ్‌లో చతికిలపడిపోయిన మాట వాస్తవం.!
రాజకీయ పర్యటనలకు జన సమీకరణ.. అనేది రాజకీయ నాయకులకు కొత్తేమీ కాదు. ‘డబ్బులిస్తే వస్తారు.. లేకపోతే రారు..’ అన్న ఖచ్చితమైన అభిప్రాయం రాజకీయ నాయకులకుంటుంది.
మునగ చెట్టెక్కిస్తున్న భజన మీడియా
భజన బృందం, వైఎస్ జగన్ మోహన్ రెడ్డిని ‘జనాదరణ’ ముసుగులో మునగచెట్టు ఎక్కించొచ్చుగాక.! అదంతా, ఆయా నీలి కూలి మీడియా సంస్థల పైత్యం మాత్రమే.!
ఈ నీలి కూలి మీడియాని.. పక్కన పెడితే తప్ప, వైఎస్ జగన్ వాస్తవాలు తెలుసుకునే పరిస్థితి వుండదు.. వాస్తవ ప్రపంచంలోకి వచ్చి, ఆత్మ విమర్శ చేసుకోకపోతే వైసీపీకి రాజకీయ భవిష్యత్తూ వుండదు.!
మాస్ లీడర్.. అంటే, ప్రజలకు దగ్గరగా వుండేవాడు.. ప్రజల్లో మమేకమయ్యే నాయకుడని అర్థం.
అంతేగానీ, తనను గెలిపించిన నియోజకవర్గ ప్రజలకు దూరంగా, పొరుగు రాష్ట్రంలో వుండేవాడు, నెలకోసారి కూడా సొంత నియోజకవర్గానికి వెళ్ళనివాడు మాస్ లీడర్ ఎలా అవుతాడు.?
