Table of Contents
Bears Snakes Hibernation Winter.. చిన్నప్పుడు పుస్తకాల్లో చదువుకున్నాం.! ఎంచక్కా ఎలుగుబంట్లు చలికాలంలో హాయిగా నిద్రపోయే వుంటాయట.
ఎలాంటి వేట పనులు పెట్టుకోకుండా గుహ నుంచి బయటకి రావల్సిన అవసరం లేకుండా గాఢ నిద్రపోతుంటాయట.. అని చదువుకున్నాం కదా.!
కేవలం ఎలుగు బంట్లు మాత్రమే ఇలా శీతాకాలంలో నిద్ర పోతుంటాయా.? ఇంకా ఏ జంతువులు అలా శీతాకాలంలో ఎక్కువగా నిద్రపోతుంటాయ్.?
నిజానికి వింటర్ వచ్చిందంటే చాలు.. అందరికీ ముసుగు తన్ని పడుకోవాలనే అనిపిస్తుంది చలికి తట్టుకోలేక. కానీ, మనుషులకి అది కుదరదనుకోండి అది వేరే సంగతి.
Bears Snakes Hibernation Winter.. హైబర్నేషన్ అంటే..
కొన్ని రకాల జంతువులు ముఖ్యంగా ఎలుగు బంట్లు, పాములు మాత్రమే అలా గాఢ నిద్రలోకి వెళతాయ్. ఎలుగు బంట్లు పుష్టిగా తిని డీప్ స్లీప్‌లోకి వెళ్లిపోతాయ్. ఈ నిద్రనే ‘హైబర్నేషన్’ అంటారు.
ఈ సమయంలో ఎలుగు బంట్లు తమ శరీరంలోని కొవ్వు నిల్వలను యూజ్ చేసుకోవడం ద్వారా శక్తిని పొందుతాయ్.
ఎలుగు బంట్లు నిద్రాణ వ్యవస్థ నుంచి త్వరగానే కోలుకుని ఏదైనా ప్రమాదం వచ్చినప్పుడు వాటిని ఎదుర్కొనేలా శరీర ఉష్ణోగ్రతని బ్యాలెన్స్ చేసుకోగలవు.
పూర్తి నిద్రాణ స్థితిలో వున్నప్పటికీ ఎలుగు బంట్లలో ఆడ ఎలుగు బంట్లు పిల్లల్ని కనడం వంటి ప్రత్యుత్పత్తి కార్యకలాపాలు కూడా యాక్టివ్‌గానే చేస్తుంటాయట.
పాములకే ఎందుకలా.?
కానీ, పాముల పరిస్థితి వేరే. ఇవి కోల్డ్ బ్లడెడ్ ఏనిమల్స్. అంటే వాటి శరీర ఉష్ణోగ్రత బయటి వాతావరణంపై ఆధారపడి వుంటుంది.
పక్షులు, క్షీరదాల్లా పాములు తమని తాము వెచ్చగా వుంచుకోవడానికి అంతర్గతంగా వేడిని ఉత్పత్తి చేసుకోలేవు.
శీతాకాలంలో చలి ఎక్కువగా వుండడం వల్ల పాముల శరీర ఉష్ణోగ్రత బాగా పడిపోతుంది. శరీర ఉష్ణోగ్రత తగ్గిపోతే జీవక్రియలు ఆగిపోయి, ఆ జీవులు చనిపోతాయ్. పాముల పరిస్థితి అదే.
అందుకే ఈ సీజన్‌లో పాములు తమ మనుగడని కాపాడుకోవడానికి ఓ ప్రత్యేకమైన జీవన వ్యూహాన్ని పాటిస్తాయ్. అదే ‘బ్రూమేషన్’.
బ్రూమేషన్ అంటే..
ఈ టైమ్‌లో వాటి జీవ క్రియ మందగిస్తుంది. కదలికల్లో వేగం తగ్గిపోతుంది. ఆహారం జీర్ణం కావడం దాదాపుగా ఆగిపోతుంది.
తద్వారా వేటాడే సామర్ధ్యం పూర్తిగా పోతుంది. దాంతో, అవి బయట చురుకుగా తిరిగితే, ఆకలితో లేదా.. ఇతరత్రా కారణాలతో వాటినవి రక్షించుకోలేక చనిపోయే ప్రమాదముంది.
అందుకే బ్రూమేషన్.. పద్ధతిలో ఆహారాన్ని తీసుకోకుండా.. నిద్రకు ఎక్కువగా ప్రాధాన్యత ఇస్తాయ్. అలాగని, బ్రూమేషన్ సమయంలో పాములు పూర్తిగా గాఢ నిద్రలో వుండవు.
కాస్త మందకొడిగా తిరుగుతాయ్. ఈ సమయంలో వాటిలోని శక్తిని సంరక్షించుకోవడానికే నిద్రలోకి వెళతాయంతే.
బ్రూమేషన్ కోసం ఏం చేస్తాయ్.?
బ్రూమేషన్ టైమ్‌లో పాములు తమ శరీరాన్ని వెచ్చగా వుంచుకునేందుకు భూమి లోపల బొరియల్లోనూ, ఇళ్ల బేస్‌మెంట్స్‌లోనూ ఇరుకైన గాలి చొరబడని వెచ్చని ప్రదేశాల్లో తల దాచుకుంటాయ్.
బయటి వాతావరణం వేడెక్కాక మళ్లీ బయటికి వచ్చి సాధారణ స్థితిలో తిరుగుతాయ్.
