Devara OG Salaar Sequels.. ‘బాహుబలి’ రెండు పార్టులు చూశాం. ‘పుష్ప’ కూడా రెండు పార్టులు చూసేశాం.
‘ఇస్మార్ట్ శంకర్’ పార్ట్ 1, పార్ట్ 2’ వచ్చి పోయాయ్. రెండు పార్టులుగా వచ్చిన ‘కథానాయకుడు’, ‘మహానాయకుడు’ డిజాస్టర్లు.
ఇప్పుడు ‘అఖండ 2’ వస్తోంది. ‘దేవర 2’ సంగతేంటీ.? ‘ఓజీ 2’ పరిస్థితేంటీ.? ఇంకా ‘కింగ్‌డమ్’ సీక్వెల్ గురించి చర్చ జరుగుతూనే వుంది. ఈ మధ్య ఏ సినిమా తెరకెక్కినా.. సీక్వెల్‌కి లీడ్ వదులుతున్నారు.
కానీ, సీక్వెల్ అంటే భయపడే పరిస్థితులు నెలకొన్నాయ్. కారణాలు చాలా వున్నాయ్. ఒక డైరెక్టర్ దగ్గరే హీరో ఆగిపోవల్సి వస్తోంది.
అన్నట్లు, ‘సలార్’ కూడా సీక్వెల్ రావాలి. కానీ, ప్రస్తుతానికి సస్పెన్సే. ఫలానా సీక్వెల్ అటకెక్కిందంటూ ఎవరో గాసిప్ పుట్టించారు.
ఈ గాసిప్ నిజమా.? అబద్ధమా.? అన్న మీమాంస అందరిలోనూ వుంది. కొరటాల శివ ‘దేవర’ తర్వాత దాదాపు అజ్ఞాతంలోకి వెళ్లిపోయాడు.
300 కోట్ల వసూళ్లు అని ప్రచారం చేసుకున్నా.. ఆ సినిమాకి అంత సీను లేదు. అందుకే ‘దేవర’ సీక్వెల్ మీద ఎవ్వరికీ ఇంట్రెస్ట్ లేదు.
‘సలార్’ బాగానే వున్నా.. సీక్వెల్ ముందుకు కదల్లేదు. ‘ఓజీ’ తర్వాత దర్శకుడు సుజిత్ నానితో సినిమాకి కమిట్ అయ్యాడు.
‘ఓజీ’ హీరో పవన్ కళ్యాణ్ ‘ఉస్తాద్ భగత్ సింగ్’ తర్వాత ఏ సినిమా చేస్తారనేది పెద్ద సస్పెన్స్. ‘ఓజీ’ సీక్వెల్ చేస్తానని పవన్ కళ్యాణ్ మాటిచ్చినా కానీ, పరిస్థితులు అనుకూలంగా కనిపించట్లేదు.
ఇదీ గ్రౌండ్ రియాలిటీ. అందుకే, సీక్వెల్ ఆలోచనే వద్దంటూ సినీ వర్గాల్లో గట్టి మాట ఒకటి వినిపిస్తోంది. ముందు ముందు సీక్వెల్స్ తెలుగు తెరపై పెద్దగా వుండకపోవచ్చు.
రావల్సిన సీక్వెల్స్‌లో ఒకటో రెండో వస్తే.. గొప్పే.!
