చోద్యం.! గాడిద పాలతో ఘనమైన యాపారం.!

Donkey Milk New Business.. ఖరము.. క్షీరము.. పసందైన వ్యాపారము.! గాడిద గుడ్డు గురించి మాట్లాడుకుంటాం.. మరి, గాడిద పాల గురించి మాట్లాడుకోవద్దా.?

గాడిద గుడ్డు.. అనేది వెటకారం, ఖండన.. కానీ, గాడిద పాలు.. నిజం.! ఔను, గాడిద నిజంగానే పాలు ఇస్తుంది.

పాత కాలంలో, గాడిద పాలని ఔషధంగా భావించేవారు. ఇప్పుడు, ‘ఔషధం’ పేరుతో, వ్యాపారం చేస్తున్నారు.!

మామూలుగా అయితే, గాడిదని బరువులు మోయడానికి ఉపయోగిస్తుంటారు. అప్పట్లో, గాడిదలు విరివిగా కనిపించేవి. ఇప్పుడు మాత్రం అరుదుగానే కనిపిస్తున్నాయి.

గాడిదలతో ‘మోత’ మోయించే పరిస్థితులు లేవు. మోటారు బండ్లు వుండగా, గాడిదలు ఎందుకు దండగ.? అన్నది చాలామంది అభిప్రాయం.

నిజమే కదా.! కానీ, తప్పు కదా.! ఇదే కొనసాగితే, గాడిదలు కూడా అంతరించిపోయే జంతుజాలం లిస్టులోకి ఎక్కేస్తాయ్.!

Donkey Milk New Business.. గాడిద పాలలో ఔషధ గుణాలున్నాయా.?

సైన్స్ వేరు, నమ్మకాలు వేరు.. పాలల్లో ‘శక్తి’ లేకపోతే, మనుషులైనా.. జంతువులైనా.. అవి తాగి ఎలా బతికి బట్టగలుగుతాయి.?

క్షీరదాలు తమ పిల్లల కోసం పాలను ఉత్పత్తి చేస్తాయి. ఇది అందరికీ తెలిసిన విషయమే. ఆవు, గేదె.. ఎలా అయితే పాలు ఇస్తాయో.. మేక, గాడిద కూడా అంతే.

కాకపోతే, గాడిద పాలు అంటే.. ఒకింత చులకన కొందరికి. ‘గంగి గోవు పాలు గరిటెడైన చాలు.. గాడిద పాలు ఎన్ని వున్నా దండగ’ అంటుంటారు.

కానీ, దాని అర్థం మారిపోయిందిప్పుడు. గాడిదల్ని వెంటేసుకుని నగరాల్లోకి, పట్టణాల్లోకి వచ్చేస్తున్నారు కొందరు.. గాడిద పాలను విక్రయిస్తూ.

భలే రంజైన వ్యాపారం..

ఉత్తరాదిలో, కొన్ని చోట్ల గాడిద పాలకు మంచి గిరాకీ వుంది. గాడిద పాలు, అనేక అనారోగ్య సమస్యల్ని దూరం చేస్తాయన్నది కొందరి నమ్మకం.

ఈ క్రమంలో, గాడిద పాలకు డిమాండ్ పెరిగిపోయింది.. రేటు సైతం, అమాంతం ఆకాశాన్నంటేసింది. లీటర్లలో ఏమీ దొరకవు గాడిద పాలు.!

పది పదిహేను మిల్లీ లీటర్ల రూపంలో మాత్రమే లభ్యమవుతున్నాయ్.. గాడిదల్ని తీసుకొచ్చేవారి దగ్గర.. ఒక్కొక్కరికీ. దాని మీద పెరుగుతున్న నమ్మకాలు, భలే రంజైన వ్యాపారానికి మార్గం సుగమం చేసింది.

ఏ పనీ చేతకాకపోతే, పాలిచ్చే గాడిదను మేపుకుంటే చాలు.. అన్న భావన కూడా కొందరిలో పెరిగిపోతోంది. నమ్మినోడికి నమ్మినంత.. అన్నట్లు తయారైంది పరిస్థితి.

Also Read: కామంతో కళ్ళు మూసుకుపోయిన స్టూడెంట్స్.!

ఇంతకీ, గాడిద పాలల్లో ఔషధ గుణాలున్నాయా.? ఇది మళ్ళీ చిక్కు ప్రశ్న. వైద్యులైతే, అనవసర అనారోగ్య సమస్యల్ని గాడిద పాలతో కొనితెచ్చుకోవద్దనే చెబుతున్నారు.

సో.. గాడిద పాలతో జర జాగ్రత్త.! సరేగానీ, మార్కెట్‌లో దొరుకుతున్న పాలు.. వాటి కల్తీ వ్యవహారం సంగతేంటి.? ఆ ఒక్కటీ అడక్కూడదు.!

ఆ కల్తీతో పోల్చితే, గాడిద పాలు చేసే నష్టం అంతకు మించి ఏమీ వుండకపోవచ్చేమో.. అనే వాదనా లేకపోలేదు.