త్వరలో ‘ఓటీటీ’ కాల గర్భంలో కలిసిపోనుందా.?

Family Man OTT Ads.. ఓటీటీదే భవిష్యత్తు అంతా.. అని ఒకప్పుడు చర్చించుకున్నాం.! కాలం ఎప్పుడూ ఒకేలా వుండదు. లెక్కలు ఎప్పటికప్పుడు మారిపోతుంటాయ్.!

ప్రముఖ ఓటీటీ సంస్థల్లో ‘కంటెంట్ క్వాలిటీ’ ఈ మధ్య బాగా తగ్గిపోయింది. ఒకప్పుడు.. అంటే, కోవిడ్ సమయంలో ‘ఓటీటీ’ మాత్రమే దిక్కు.! అదీ, కొత్త సినిమాలకు సంబంధించి.

వెబ్ సిరీస్‌ల విషయంలో కూడా, ఓటీటీ సంస్థలు ఒకదాన్ని మించి ఇంకోటి, ‘క్వాలిటీతో కూడిన కంటెంట్’ ఇచ్చేవి. ఇప్పుడు ఆ పరిస్థితి లేదు.

వచ్చిన వెబ్ సిరీస్, వచ్చినట్లే ఢమాల్.. అయిపోతోంది.! సినిమాల సంగతి సరే సరి.! థియేటర్లలో చూడటం దండగ.. ఓటీటీ సబ్‌స్క్రిప్షన్ అంత కంటే దండగ.. అన్న పరిస్థితి వచ్చేసింది.

Family Man OTT Ads.. నాసి రకం కంటెంట్.. ఆపై చెత్త ప్రకటనలు..

సినిమాలు, వెబ్ సిరీస్‌లు.. అన్నీ నాసిరకంగా మారిపోయాయి. ప్రధానంగా కంటెంట్ మధ్యలో యాడ్స్.. ఈ మధ్య చాలా చాలా చిరాకు తెప్పిస్తున్నాయి.

కంటెంట్ మధ్యలో యాడ్స్ కాదు.. యాడ్స్ మధ్యలో అప్పుడప్పుడూ కంటెంట్.. అనేలా తయారైంది పరిస్థితి. ఓటీటీ ఎందుకు చూస్తాం.? ఉత్కంఠ భరితమైన కంటెంట్, ఎలాంటి అవాంతరం లేకుండా వుంటుందని.

కానీ, టీవీ సీరియళ్ళను తలపించేలా తయారవుతున్న కంటెంట్, దానికి మధ్యలో బోల్డన్ని యాడ్స్.. వెరసి, ఓటీటీ అంటేనే అసహస్యమేస్తోన్న పరిస్థితిని చూస్తున్నాం.

తాజాగా, ‘ఫ్యామిలీ మ్యాన్’ థర్డ్ సీజన్.. స్ట్రీమింగ్ అవుతోంది. చాలామంది, దీన్ని పైరసీ సైట్స్ నుంచి డౌన్ లోడ్ చేసుకుని చూస్తున్నారంటే, పరిస్థితి తీవ్రతను అర్థం చేసుకోవచ్చు.

యాడ్స్ మధ్యలో కంటెంట్ అంటే, చిరాకొస్తోంది.! అలాగని, ప్రీమియమ్ సబ్‌స్క్రిప్షన్ కోసం వెళ్ళలేం.. అన్నది, ఓటీటీ యూజర్స్ అభిప్రాయంగా కనిపిస్తోంది.

ముందు ముందు కంటెంట్ మధ్యలో ప్రకటనలు మరింత పెరుగుతాయి తప్ప, తగ్గే పరిస్థితి వుండదు. అప్పడేంటి పరిస్థితి.? బ్యాక్ టు రెగ్యులర్ టెలివిజన్.. అంతేనా.?

ఏమోగానీ, ఓటీటీ సంస్థలు ఈ ప్రమాదాన్ని పసిగట్టి, వినియోగదారుల కోణంలో సానుకూల చర్యలు చేపట్టకపోతే, అతి త్వరలో ఓటీటీ అనేది కాలగర్భంలో కలిసిపోనుంది.!