Hyper Aadi Trolling Rajamouli.. ‘గ్లోబ్ ట్రోటర్’ ఈవెంట్‌లో ‘వారణాసి’ టైటిల్ గ్లింప్స్ రివీల్ సందర్భంగా, హనుమంతుడిపై అనుచిత వ్యాఖ్యలు చేశాడు రాజమౌళి.. అంటూ విమర్శలు వెల్లువెత్తుతున్నాయి.
ఓ వైపు దేవుడి మీద నమ్మకం లేదంటూనే, ఇంకో వైపు హనుమంతుడు టైటిల్ గ్లింప్స్ విడుదలకు ఆటంకాలు కలిగించాడన్నది రాజమౌలి ఉవాచ.
‘నా భార్య, నా తండ్రి చెప్పినట్లు.. హనుమంతుడు నా వెనక నిలబడలేదు’ అన్నది రాజమౌళి చెప్పిన మాట. ‘దేవుడిపై నమ్మకం లేదు’ అన్న మాట రాజమౌళి అనకుండా వుండి వుంటే, ఇంత వివాదం జరిగేది కాదు.
హిందువుల మనోభావాలు దెబ్బతిన్నాయి, రాజమౌళి వ్యాఖ్యలతో. దేవుడి మీద నమ్మకం వుండటం, వుండకపోవడం రాజమౌళి వ్యక్తిగత విషయం.
కానీ, హనుమంతుడిని ఎందుకు నిందించాలి.? అన్నదే హిందూ సమాజం సంధిస్తున్న ప్రశ్న. కొందరు ఈ మేరకు, రాజమౌళిపై పోలీసులకు ఫిర్యాదు చేశారు కూడా.
సోషల్ మీడియాలో, రాజమౌలి మీద కామెంట్లు.. ట్రోలింగ్.. ఇవన్నీ మామూలే. ఓ సినీ వేదికపై రాజమౌలిని వెనకేసుకొచ్చాడు హైపర్ ఆది. దాంతో, వివాదం మళ్ళీ మొదటికొచ్చింది.
రాజమౌళి, హనుమంతుడి మీద అనుచిత వ్యాఖ్యలు చేయలేదు.. ఎంతో కష్టపడి ప్లాన్ చేసుకున్న ఈవెంట్‌లో సాంకేతిక సమస్యలు రావడంతో, రాజమౌళి హనుమంతుడి మీద అలిగాడంటూ హైపర్ ఆది చెప్పుకొచ్చాడు.
పనిలో పనిగా చిరంజీవి, బాలకృష్ణ, జూనియర్ ఎన్టీయార్, రామ్ చరణ్.. ఇలా సినీ నటులందరిపైనా జరగుతున్న ట్రోలింగ్ గురించి ప్రస్తావించాడు.
ఏమాటకామాటే చెప్పుకోవాలంటే, వెటకారం ముదిరితే ట్రోలింగ్ అవుతుంది. ఆ వెటకారాన్ని నమ్ముకునే హైపర్ ఆది రచయిత అయ్యాడు, నటుడయ్యాడు కూడా.!
హైపర్ ఆది చేసేది కూడా ట్రోలింగే కదా.? అంటూ, నెటిజనం.. హైపర్ ఆది పాత ట్వీట్లు, వీడియోల్ని వైరల్ చేస్తున్నారిప్పుడు.!
రాజమౌళి విషయంలో జరుగుతున్నది నిజానికి, ట్రోలింగ్ కాదు.! హిందూ సమాజం, తమ నిరసనని తెలియజేస్తోంది. ఓ ట్వీటుతో ఈ వివాదానికి ముగింపు పలకొచ్చు రాజమౌళి. కానీ, ఆయనలా చేయడంలేదు
ఏతావాతా చెప్పేదేంటంటే, రాజమౌళిని వెనకేసుకొచ్చే క్రమంలో, ‘అలిగాడు’ అంటూ, రాజమౌళినే హైపర్ ఆది ‘ట్రోల్’ చేస్తున్నట్లు తయారైంది పరిస్థితి.
హైపర్ ఆది చెప్పినట్లు, రాజమౌళి తెలుగు సినిమాకి అంతర్జాతీయ ఖ్యాతి తెచ్చిన దర్శకుడు. ఇందులో ఎవరికీ ఎలాంటి సందేహాల్లేవు.
జుగుప్సాకరమైన ట్రోలింగ్ ఎవరి మీద చేసినా తప్పే.! దాన్నీ కాదనలేం. చిరంజీవి స్థాయి గురించి హైపర్ ఆది చెప్పిన మాటలూ నిజమే.!
సమస్య అది కాదు.. దేవుడి మీద నమ్మకం లేదని ప్రకటించుకుని, టెక్నికల్ సమస్యలకి దేవుడిని తప్పు పట్టడమే రాజమౌళి చేసిన పెద్ద నేరం. ఘోర తప్పిదం.!
హిందూ సమాజం మనోభావాలు దెబ్బ తినకముందే, రాజమౌళి క్షమాపణ చెప్పి వుంటే, రాజమౌళికే అది హుందాతనం.
