Ibomma Ravi Worst NRI Example.. ఐబొమ్మ రవి అరెస్టయ్యాడు.! అంతకు ముందు ఇంకో ఎన్నారై అరెస్టయ్యాడు.! ముందు ముందూ మరికొంతమంది ఎన్నారైలు అరెస్టవుతారు.!
నేరాలకు పాల్పడితే, విదేశాల్లో వున్నా తప్పించుకోలేరు.! ఎప్పుడో ఒకప్పుడు, స్వదేశానికి రావాల్సిందే కదా.! అరెస్టు కాస్త ఆలస్యమవుతుందేమోగానీ, ఖచ్చితంగా అరెస్టవుతారు.
సోషల్ మీడియాలో వెకిలి కామెంట్లు.. భార్య లేదా భర్తపై వేధింపులు.. ఆర్థిక నేరాలు.. వాట్ నాట్.. చాలా జరుగుతున్నాయి.. ఎన్నారైలు ఆయా కేసుల్లో అరెస్టవుతున్న సందర్భాల్ని చూస్తున్నాం.
ఐబొమ్మ రవినే తీసుకుంటే, నేరపూరిత ఆలోచనతోనే విదేశాల్లో ‘కుంపటి’ పెట్టుకున్నాడు. లక్షలు ఖర్చు చేసి, అక్కడి పౌరసత్వమూ సంపాదించాడు.
కట్ చేస్తే, విడాకుల కేసు నిమిత్తం.. స్వదేశానికి వచ్చి, పోలీసులకు చిక్కాడు.! సోషల్ మీడియా వేదికగా పిచ్చి కామెంట్ల కేసులో పలువురు ఎన్నారైలు, స్వదేశానికి వస్తూనే అరెస్టయిన సందర్భాలున్నాయి.
ఎన్నారైలు అయితే.. తప్పించుకోగలరా.?
ఎన్నారైలు.. అంటే, అందరూ దేశాన్ని వదిలి శాశ్వతంగా విదేశాల్లో సెటిలైపోయినవాళ్ళేమీ కాదు కదా.!
ఒకవేళ శాశ్వత నివాసం విదేశాల్లో వున్నా, చెవులు పట్టుకుని వాళ్ళని అక్కడి నుంచి స్వదేశానికి తీసుకొచ్చేందుకు వీలుగా చట్టాలున్నాయ్.
సో, నేరం చేస్తే తప్పించుకోలేరు.. ఈ భూమ్మీద ఎక్కడ దాక్కున్నా సరే.! ఐ బొమ్మ రవి విషయంలో ఇదే నిరూపితమయ్యింది.
సోషల్ మీడియాని బాధ్యతగా ఉపయోగించండి. ఇటీవలి కాలంలో సోషల్ వేధింపుల అంశం తీవ్రమైన చర్చకు దారి తీస్తోంది.
ముందు ముందు, సోషల్ మీడియాలో పిచ్చి వేషాలకు సంబంధించి కఠిన చట్టాలు అమల్లోకి వచ్చినా ఆశ్చర్యపోవాల్సిన పనిలేదు.!
ఆర్థిక నేరాలూ ఎప్పటికప్పుడు కొత్త పుంతలు తొక్కుతున్నా, ఆ నేరం ఎల్లకాలం సజావుగా సాగదు.! 20 కోట్లకు పైగానే సంపాదించిన ఐబొమ్మ రవి విషయంలో ఏం జరిగిందో చూస్తున్నాం కదా.!
Ibomma Ravi Worst NRI Example.. తస్మాత్ జాగ్రత్త ఎన్నారైలూ.!
ఎన్నో ఆశలతో.. దేశం వదలి, విదేశాలకు వెళ్ళి ఉద్యోగ, ఉపాధి అవకాశాలు అంది పుచ్చకుని, జన్మభూమికి ఘన కీర్తిని తెచ్చిపెట్టే ఎన్నారైలూ వున్నారు.
కానీ, ఎన్నారైలు అంటేనే.. క్రిమినల్స్.. అనే స్థాయికి ఐబొమ్మ రవి లాంటోళ్ళు కొత్త అర్థం చెబుతున్నారు. కులాల కుంపట్లు, మతోన్మాదాలు.. వీటి జోలికి అస్సలు వెళ్ళొద్దు.
ఆయా దేశాల్లో వున్నప్పుడు, అక్కడి చట్టాల్ని గౌరవించండి. మాతృ భూమి మీద మమకారంతో ఇక్కడి చట్టాల్నీ గౌరవించండి.!
చివరగా.. ఐబొమ్మ రవి ఏం సంపాదించాడు.? కన్న తండ్రి కూడా అతన్ని చీదరించుకుంటున్నాడు.! సోషల్ మీడియాలో బూతులు తిట్టే ఎన్నారైలను, వారి కుటుంబ సభ్యులూ సమర్థించలేరు.
