రాజకీయాలన్నాక గెలుపోటములు సహజం. సినీ పరిశ్రమలో సక్సెస్, ఫెయిల్యూర్.. అనే లెక్కలేసుకోకుండా సాగింది పవన్ కళ్యాణ్ కెరీర్. కానీ, రాజకీయాల్లో అలా కుదరదు. ఆ విషయం ఇప్పటికే జనసేన అధినేత పవన్ కళ్యాణ్ (Jana Sena Chief Pawan Kalyan Has To Act Smart) అర్థం చేసుకుని వుండాలి.
2024 ఎన్నికల నాటికి జనసేన పార్టీ ఎలా రాజకీయంగా సిద్ధమవుతుంది పవన్ కళ్యాణ్ (Pawan Kalyan) నాయకత్వంలో.? అన్న చర్చ సర్వత్రా జరుగుతోంది. లక్షలాదిమంది అభిమానులు పవన్ కళ్యాణ్ సొంతం. వీళ్ళెవరూ జనసేనను కాదని ఇంకో పార్టీకి ఓటేసే అవకాశమే లేదు. కానీ, పవన్ కళ్యాణ్ అభిమానులమని చెప్పుకునే కొందరు మాత్రం, పైకి ఒకలా నటిస్తూ, తెరవెనుకాల ఇంకో తరహా రాజకీయం చేయగలరు.
Also Read: రీల్ & రియల్ హీరోయిజం.. Mega ఆపన్నహస్తం.?
నిజానికి, కేవలం పవన్ కళ్యాణ్ అభిమానుల వల్లనే జనసేన పార్టీ (Jana Sena Party) ఇప్పుడు ఈ రోజు ఈ స్థాయిలో నిలబడింది. ఇందులో ఇంకో మాటకు తావు లేదు. జనసైనికులంటే, పవన్ కళ్యాణ్ అభిమానులే. ఎంతమంది ఓటర్లను వీళ్ళంతా ప్రభావితం చేయగలుగున్నారు.? అన్నదానిపైనే పార్టీ భవితవ్యం ఆధారపడి వుంది.
2014 ఎన్నికల్లో జనసేన పోటీ చేయకపోయినా, టీడీపీ – బీజేపీ కూటమికి మద్దతిచ్చింది. కానీ, 2019 ఎన్నికల నాటికి ఈక్వేషన్స్ మారిపోయాయి. ప్రస్తుతం కేవలం బీజేపీతోనే జనసేన ప్రయాణం కొనసాగుతోంది. ఇది, ఇంకో మూడేళ్ళపాటు ఇలాగే కొనసాగుతుందా.? అన్న ప్రశ్నకు సరైన సమాధానం ఇప్పుడే చెప్పడం తొందరపాటు అవుతుంది.
Also Read: ది పవర్ కింగ్‌.. పవన్ కళ్యాణ్.!
కరోనా నేపథ్యంలో కొంతకాలం రాజకీయాల నుంచి ‘విరామం’ తీసుకున్న పవన్ కళ్యాణ్ (Janasenani Pawan Kalyan), తిరిగి రాజకీయాల్లో యాక్టివ్ అవబోతున్నారు. ఓ వైపు సినిమాలు, ఇంకో వైపు రాజకీయాలు.. రెండు పడవల ప్రయాణం పవన్ కళ్యాణ్ (Power Star Pawan Kalyan) కొత్తగా చేస్తున్నదేమీ కాదు. కానీ, ఈసారి చాలా చాలా ప్రత్యేకం.
రెండేళ్ళు గడిచిపోయింది.. ఇంకో మూడేళ్ళు.. ఈ మూడేళ్ళు అత్యంత కీలకం. ఇంకో రెండున్నరేళ్ళలోనే తెలంగాణలో అసెంబ్లీ ఎన్నికలు జరుగుతాయి. ఈలోగా రెండు తెలుగు రాష్ట్రాల్లోనూ జనసేన బలపడాలంటే, మిత్రపక్షంతో మరింత సఖ్యత అవసరం. లేదా, మిత్రపక్షం బీజేపీని కాదని ఒంటరిగా.. మరింత ధైర్యంగా (Jana Sena Chief Pawan Kalyan Has To Act Smart) ముందడుగు వేయాల్సిందే.
