Table of Contents
JEE Mains Registration.. దేశంలో ప్రతిష్టాత్మక విద్యా సంస్థల్లో ఒకటైన ఎన్ఐటీలు, గవర్నమెంట్ ఫండెడ్ టెక్నికల్ ఇనిస్టిట్యూట్స్ల\ ఇంజనీరింగ్ విద్య కోసం నిర్వహించే పరీక్ష జేఈఈ మెయిన్.
ఏటా రెండు దఫాలు ఈ జేఈఈ మెయిన్స్ పరీక్షను నిర్వహిస్తుంటారు. మొదటి సెషన్ జనవరి నెలాఖరున, రెండోది ఏప్రిల్ నెలలో జరుగుతుంటుంది.
వచ్చే ఏడాది.. అంటే, 2026లో నిర్వహించే తొలి సెషన్‌కి సంబంధించిన రిజిస్ట్రేషన్ ప్రక్రియను నేషనల్ టెస్టింగ్ ఏజెన్సీ ప్రారంభించింది.
వేల సంఖ్యలో కాదు, లక్షల సంఖ్యలో విద్యార్థులు జేఈఈ మెయిన్స్ కోసం ప్రిపేర్ అవుతుంటారు. అందులోంచి దాదాపు రెండున్నర లక్షల మంది మాత్రమే, క్వాలిఫై అవుతుంటారు.
వివిధ రిజర్వేషన్ల కేటగిరీకి అనుగుణంగా క్వాలిఫైయింగ్ మార్క్స్ వుంటాయి. మార్కుల్లా కాకుండా పర్సంటైల్ రూపంలో, విద్యార్థులు క్వాలిఫై అవుతారు.
రిజిస్ట్రేషన్ కోసం.. ఇలా సిద్ధమవ్వండి..
ఫొటో, విద్యార్హత, ఆధార్ కార్డ్, క్యాస్ట్ సర్టిఫికెట్.. వంటివన్నీ అందుబాటులో వుంచుకోండి.. రిజిస్ట్రేషన్ ప్రక్రియ ప్రారంభించేముందు.
స్కాన్డ్ డాక్యుమెంట్స్ అందుబాటులో పెట్టుకుంటే, రిజిస్ట్రేషన్ ప్రక్రియ తేలికవుతుంది. అప్పటికప్పుడు స్కాన్ చేసుకోవడం గందరగోళానికి దారి తీస్తుంది.
ఎగ్జామ్ ఫీజ్ చెల్లించేందుకోసం.. ఆన్‌లైన్ బ్యాంకింగ్ లేదా యూపీఐ సేవల్ని వినియోగించుకోవచ్చు.
నమోదు చేసిన ప్రతి వివరాన్నీ ఒకటికి నాలుగు సార్లు క్రాస్ చెక్ చేసుకోవాలి. రిజిస్ట్రేషన్ చేశాక, లాగిన్ ఐడీ – పాస్‌వర్డ్ జాగ్రత్త చేసుకోవడం తప్పనిసరి.
ఇ-మెయిల్ ఐడీ, మొబైల్ నెంబర్ ఎంటర్ చేసేటప్పుడు, అవి మీకు నిత్యం అందుబాటులో వుంటాయో లేదో క్రాస్ చెక్ చేసుకోండి.
చివరి నిమిషం వరకు వేచి చూడకుండా, గడువు తేదీ కంటే, కొన్ని రోజుల ముందరే రిజిస్ట్రేషన్ ప్రక్రియ పూర్తి చేసుకోవడం ఉత్తమం.
మెయిన్స్ క్వాలిఫై అయితేనే, అడ్వాన్స్‌డ్ పరీక్ష రాసేందుకు అర్హత..
జేఈఈ మెయిన్స్ క్వాలిఫై అవడమంటే, జేఈఈ అడ్వాన్స్‌డ్ పరీక్ష రాసేందుకు అర్హత సంపాదించుకున్నట్లే.
జేఈఈ అడ్వాన్స్‌డ్‌లో ఉత్తీర్ణులయ్యేవారికి, ఐఐటీల్లో సీటు దొరికేందుకు మార్గం సుగమం అవుతుంది. అయితే, పోటీ చాలా ఎక్కువగా వుంటుంది.
సో, మెయిన్స్‌లోనే మంచి పర్సంటైల్ స్కోర్ చేస్తే, ఎన్ఐటీల్లో అలాగే పైన పేర్కొన్న ఇతర ప్రతిష్టాత్మక విద్యా సంస్థల్లో సీటు ఖాయమైపోతుంది.
ఆ తర్వాత, ఐఐటీల్లో చేరేందుకోసం, అడ్వాన్స్‌డ్ ఎగ్జామ్ రాసుకోవచ్చు. మెయిన్స్ ప్రిపరేషన్, మెయిన్స్‌లో వచ్చిన ర్యాంక్, అడ్వాన్స్‌డ్ ఎగ్జామ్ రాసేందుకు, ఉపయోగపడుతుంది.
ఈసారి విద్యార్థులకు చివరి నిమిషంలో ఇబ్బందులు రాకుండా, ఆధార్ అప్డేట్ వంటి విషయాలపై ఎన్టీయే ముందస్తుగానే అప్రమత్తం చేసింది.
దాంతో, ఆశావహులైన విద్యార్థులు.. ముందుగానే, అన్ని వివరాలూ సరి చూసుకున్నారు. ఆ కారణంగా, రిజిస్ట్రేషన్ ప్రక్రియ తేలికయ్యిందని విద్యార్థులు, వారి తల్లిదండ్రులు చెబుతున్నారు.
కొంచెం సులువుగానే రిజిస్ట్రేషన్ ప్రక్రియ..
విద్యార్థులు తమంతట తాముగానే, అప్లయ్ చేసుకునే విధంగా రిజిస్ట్రేషన్ ప్రక్రియను వెబ్ పోర్టల్ ద్వారా, అత్యంత సులువుగా అందుబాటులోకి తెచ్చింది నేషనల్ టెస్టింగ్ ఏజెన్సీ.
సాధారణంగా మొదటి సెషన్ పట్ల విద్యార్థులు అంతగా ఆసక్తి చూపరు. పరీక్ష రాసేందుకు అప్లయ్ చేసి కూడా, పూర్తిస్థాయిలో సన్నద్ధం అవరు.
కొంతమంది మాత్రం, ఫస్ట్ సెషన్‌లోనే మెయిన్స్ క్లియర్ చేసేస్తే, అడ్వాన్స్‌డ్‌కి ఎక్కువ టైమ్ దొరుకుతుందని భావిస్తుంటారు.
ఎవరి స్టామినాకి అనుగుణంగా విద్యార్థులు తమ తమ వ్యూహాల్ని అమలు చేస్తుండడం చూస్తుంటాం.
జేఈఈ మెయిన్స్‌కి సంబంధించి మరిన్ని అప్డేట్స్, విశ్లేషణలు.. ఆర్టికల్స్ రూపంలో రెగ్యులర్‌గా అప్డేట్ అవుతుంటాయి.. ఇదే స్పేస్‌ని చూస్తూ వుండండి.
గమనిక: అందుబాటులో వున్న సమాచారాన్ని క్రోడీకరించి, విద్యార్థులు వారి తల్లి దండ్రుల అవగాహన కోసమే ఈ ఆర్టికల్స్ రూపొందించడం జరుగుతోంది.
అధికారిక సమాచారం కోసం ఎప్పటికప్పుడు నేషనల్ టెస్టింగ్ ఏజెన్సీ వెబ్‌సైట్‌ని చూసి తెలుసుకోండి.
