Home » మైథిలీ ఠాకూర్.! బీహార్ ఎన్నికల్లో ‘యువ’ సంచలనం.!

మైథిలీ ఠాకూర్.! బీహార్ ఎన్నికల్లో ‘యువ’ సంచలనం.!

by hellomudra
0 comments
Mythili Thakur

Mythili Thakur BJP Bihar.. ఎవరీ మైథిలీ ఠాకూర్.!? ఆమె ఓ సింగర్.. భారతీయ జనతా పార్టీ నుంచి, బీహార్ అసెంబ్లీ ఎన్నికల్లో అలీనగర్ నియోజకవర్గం నుంచి పోటీ చేశారు.!

21వ శతాబ్దపు యువ సంచలనంగా బీహార్ రాజకీయాలు, మైథిలీ ఠాకూర్ గురించి చెబుతున్నాయి. ఆమె వయసు జస్ట్ పాతికేళ్ళు మాత్రమే.!

దేశంలోని ఇతర రాష్ట్రాలతో పోల్చితే, బీహార్ రాజకీయాలు చాలా చాలా సంక్లిష్టంగా వుంటాయి. అక్కడి రాజకీయాల్లో మహిళలు రాణించడం అంత సులువైన వ్యవహారం కాదు.

Mythili Thakur
Mythili Thakur

ఎన్నికల ప్రచారంలో మైథిలీ ఠాకూర్ చాలా చాలా ట్రోలింగ్ ఎదుర్కొన్న సంగతి తెలిసిందే. ఓ దశలో, ఆమె రాజకీయాల్ని వదిలేస్తుందనే ప్రచారం కూడా ప్రత్యర్థుల నుంచి జరిగింది.

కానీ, మైథిలీ అత్యంత ధైర్యంగా ముందడుగు వేసింది. రాజకీయ ప్రత్యర్థుల విమర్శల్ని తనదైన స్టైల్లో ఎదుర్కొంది. ఫలితం, బీహార్ అసెంబ్లీ ఎన్నికల్లో విజయం.

Mythili Thakur BJP Bihar.. మంత్రి పదవి దక్కుతుందా.?

ఎన్డీయే కూటమి బీహార్ అసెంబ్లీ ఎన్నికల్లో విజయం సాధించిన సంగతి తెలిసిందే. కూటమిలో ప్రధాన పార్టీ అయిన, బీజేపీ నుంచి మైథిలీ ఎమ్మెల్యేగా గెలిచారు.

బీహార్ అసెంబ్లీ ఎన్నికల్లో గెలిచిన అతి పిన్న వయస్కురాలిగా మైథిలీ ఠాకూర్ గురించి అక్కడి రాజకీయ విశ్లేషకులు అభిప్రాయపడుతున్నారు.

Mythili Thakur
Mythili Thakur

‘మైథిలీ ఠాకూర్‌కి మంత్రి పదవి ఇవ్వాలి’ అనే డిమాండ్లూ పెరుగుతున్నాయి. ముస్లిం ఓటు బ్యాంకు ఎక్కువగా వున్న ప్రాంతంలో, బీజేపీ నుంచి మైతిలీ గెలవడం నిజంగానే సంచలనం.

ఎమ్మెల్యేగా, నియోజకవర్గంలో విద్యపై ఎక్కువ దృష్టి పెడతాననీ, మహిళా సాధికారత సహా, కీలక అంశాలపై ఎమ్మెల్యేగా తన బాధ్యతల్ని సక్రమంగా నిర్వహిస్తానని మైథిలి ఠాకూర్ చెబుతున్నారు.

మైథిలి గెలుపు నేపథ్యంలో దేశవ్యాప్తంగా ఆమె ధైర్యాన్ని అందరూ కొనియాడుతున్నారు. దేశం నలుమూలల నుంచీ ఆమెకు అభినందనలు వెల్లువెత్తుతున్నాయి.

ఎప్పుడు ఎక్కడ ఏ ఎన్నికలు జరిగినా.. అక్కడ ఒకటీ అరా అద్భుతాలు చోటు చేసుకుంటుంటాయ్. ఎన్నికలంటేనే అద్భుతం. ఈసారి బీహార్ ఎన్నికల్లో అద్భుతం మైథిలీ ఠాకూర్.!

You may also like

Leave a Comment

Welcome to Mudra369, your one-stop destination for stories that matter, trends that inspire, and updates that keep you ahead. At Mudra369, we believe in delivering content that informs, entertains, and empowers.

Edtior's Picks

Latest Articles

Website Hosting Sponser

Fully Managed WordPress Hosting

© 2020-25, Mudra369 – All rights reserved. Designed By: KiTek Group