Nandamuri Mokshagna Heroine.. ఇదిగో పులి.. అంటే, అదిగో తోక.! ఇదీ సినీ నటుడు నందమూరి బాలకృష్ణ తనయుడు మోక్షజ్ఞ తెరంగేట్రం తీరు.!
మొన్నామధ్య, ప్రశాంత్ వర్మ దర్శకత్వంలో మోక్షజ్ఞ హీరోగా సినిమా.. అంటూ ప్రకటన లాంటిదొకటి వచ్చింది. ఫస్ట్ లుక్ లాంటిదొకటి విడుదల చేశారు కూడా.!
అయితే, అది ఏఐ జనరేటెడ్ పోస్టర్.. అనే విమర్శలొచ్చాయి. ప్రశాంత్ వర్మకీ, మోక్షజ్ఞకీ మధ్య ఏం జరుగుతోందో ఎవరికీ తెలియదు.!
సినిమా ప్రారంభోత్సవమైతే వాయిదా పడింది. రోజులు, నెలలు గడుస్తున్నాయ్.. అస్సలేమీ అర్థం కావడంలేదు ఎవరికీ.!
Nandamuri Mokshagna Heroine.. అప్పుడు శ్రీలీలతో.!
ఈలోగా, మోక్షజ్ఞ సరసన హీరోయిన్గా శ్రీలీల.. అంటూ గాసిప్స్ పుట్టుకొచ్చేశాయి. అంతా తూచ్, అని తేలిపోయింది.. ఆ వెంటనే.!
ఇప్పుడేమో, మళ్ళీ ఇంకో గాసిప్.! ఈసారి నటి రవీనా టాండన్ కుమార్తె రషా తథానీ హీరోయిన్గా నటించబోతోంది మోక్షజ్ఞ సరసన.. అంటూ పుకార్లు షికార్లు చేసేస్తున్నాయి.
రషా తథానీ గురించి తొలుత తెలుగులో గాసిప్స్ వచ్చింది ‘పెద్ది’ సినిమా గురించి. ఆమె మీద లుక్ టెస్ట్ చేసినట్లు కూడా అప్పట్లో గుసగుసలు వినిపించాయి.
Also Read: సమీక్ష: ‘8 వసంతాలు’.. కాస్త ఓపిక పడితే అత్యద్భుతమే.!
అయితే, అవన్నీ ఉత్త గాలి వార్తలుగానే మిగిలిపోయాయి. ప్రస్తుతం అజయ్ భూపతి దర్శకత్వంలో తెరకెక్కనున్న సినిమాలో హీరోయిన్గా ఎంపికైంది రసా తథానీ.
ఇంతకీ, బాలయ్య తనయుడు మోక్షజ్ఞ సినిమా పరిస్థితేంటి.? అసలంటూ, మోక్షజ్ఞ సినిమాల్లో నటించడానికి ఆసక్తి చూపించడడం లేదన్నది సినీ వర్గాల్లో వినిపిస్తున్న గుసగుసల సారాంశం.
మోక్షజ్ఞ, సినిమాల్లో నటించడానికి సిద్ధమయ్యాక.. ప్రశాంత్ వర్మ ప్రాజెక్ట్ ముందుకు కదిలే అవకాశముంది. ఈలోగా ప్రశాంత్ వర్మ మనసు మార్చుకుంటే, మోక్షజ్ఞ మరో దర్శకుడ్ని చూసుకోవాల్సిందే.
