పెద్దిరెడ్డి కోట బద్దలుగొట్టిన పవన్ కళ్యాణ్.? జగన్ ఎక్కడ.?

Pawan Kalyan Peddireddy War.. పెద్దిరెడ్డి రామచంద్రా రెడ్డి.. రాయలసీమలో మోస్ట్ పవర్ ఫుల్ పొలిటీషియన్లలో ఒకరు.!

ఒకప్పుడు కాంగ్రెస్ పార్టీకి, ఆ తర్వాత వైఎస్సార్ కాంగ్రెస్ పార్టీకీ.. బలమైన నాయకులుగా చెలామణీ అయిన, అవుతున్న నాయకుడు పెద్దిరెడ్డి రామ చంద్రా రెడ్డి.

పెద్దిరెడ్డి రామ చంద్రా రెడ్డి పుంగనూరు అసెంబ్లీ నియోజకవర్గానికి ప్రాతినిథ్యం వహిస్తున్నారు. ఆయన కుమారుడు పెద్దిరెడ్డి మిథున్ రెడ్డి లోక్ సభకు ప్రాతినిథ్యం వహిస్తున్న సంగతి తెలిసిందే.

ప్రధానంగా పుంగనూరు నియోజకవర్గంలో, ఇతర రాజకీయ పార్టీలకు ఆస్కారమే లేకుండా చేయడంలో పెద్దిరెడ్డి తనదైన రాజకీయ చాణక్యాన్ని ప్రదర్శిస్తుంటారు.

పైకి మాత్రం, అత్యంత సౌమ్యుడిలా కనిపించే పెద్దిరెడ్డి రామచంద్రా రెడ్డి లోపల చాలామందికి తెలియని ‘కర్కోటకుడు’ వున్నాడన్న విమర్శ ఎప్పటినుంచో వుంది.

ఇక, ఇప్పుడు పెద్దిరెడ్డి దురాక్రమణ.. అంటూ, పెద్ద రచ్చ జరుగుతోంది ఆంధ్ర ప్రదేశ్ రాజకీయాల్లో.

Pawan Kalyan Peddireddy War.. పెద్దిరెడ్డి అక్రమ సామ్రాజ్యపు కోటలకు బీటలు..

‘పెద్దిరెడ్డి అక్రమంగా నిర్మించుకున్న సామ్రాజ్యానికి’ పవన్ కళ్యాణ్ వల్ల బీటలు వారాయ్.. అంటూ, జనం చర్చించుకుంటున్నారు.

నిజానికి, పెద్దిరెడ్డి చాలా పవర్‌ఫుల్.. విద్యార్థి దశలోనే చంద్రబాబుని కొట్టి, రౌడీ రాజకీయాలు చేశారు.. అన్నది వైసీపీ శ్రేణులే స్వయంగా.. చాలా గొప్పగా చెప్పుకునే విషయం.

చంద్రబాబు ముఖ్యమంత్రిగా వున్నప్పుడూ.. అంటే, 2014-19 మధ్యకాలంలో పెద్దిరెడ్డిని కనీసం ‘టచ్’ చేయలేకపోయారు. కానీ, ఇప్పుడు కథ మారింది.

అంతా చట్టబద్ధమేననే వాదన పెద్దిరెడ్డి రామ చంద్రా రెడ్డి వైపు నుంచి వినిపిస్తోంది.. అటవీ భూముల్ని ఆక్రమించలేదనీ, ప్రైవేటు భూముల్ని కొనుగోలు చేవామన్నది పెద్దిరెడ్డి వాదన.

కానీ, దట్టమైన అటవీ ప్రాంతంలో ‘మధ్యన’ ప్రైవేటు భూములెలా వుంటాయి.. అన్నది మినిమమ్ కామన్‌సెన్స్ వున్నవారెవరికైనా వచ్చే సాధారణమైన డౌటానుమానం.

మంగళంపేట ప్రాంతంలో పెద్దిరెడ్డి ఆక్రమించిన అటవీ భూముల వ్యవహారంపై కన్నెర్రజేశారు ఏపీ డిప్యూటీ సీఎం పవన్ కళ్యాణ్.!

అయితే, చట్టాల్లోని లొసుగుల్ని ఉపయోగించుకుని తప్పించుకోవడం రాజకీయ నాయకులకు కొత్త కాదు.

ఇంతకీ, పెద్దిరెడ్డి రామచంద్రా రెడ్డి భూ కబ్జా వ్యవహారం ఎలాంటి మలుపులు తిరగనుంది.? అదైతే ప్రస్తుతానికి సస్పెన్స్

పవన్ కళ్యాణ్ ధైర్యమేంటి.? ఆ బెదిరింపుల అర్థమేంటి.?

ఒక్కటి మాత్రం నిజం.. జనసేనాని, ఏపీ డిప్యూటీ సీఎం పవన్ కళ్యాణ్ ధైర్యం చేశారు.! ఈ విషయంలో ఇంకో మాటకు తావు లేదు.

ఈ క్రమంలో పెద్దిరెడ్డి సానుభూతిపరుల నుంచి సోషల్ మీడియా వేదికగా పవన్ కళ్యాణ్‌కి ‘డెత్ థ్రెట్స్’ కూడా వస్తుండడం గమనార్హం.

పెద్దిరెడ్డి ‘పవర్’కి ఇంతకంటే నిదర్శనం ఇంకేం కావాలి.? పెద్దిరెడ్డి కోట బద్దలుగొట్టేందుకు పవన్ కళ్యాణ్ ప్రయత్నిస్తున్న దరిమిలా, పెద్దిరెడ్డి నుంచీ స్పంద.. అదే స్థాయిలో వుంటుందా.?

ఇంతకీ, ఈ మొత్తం వ్యవహారంపై వైసీపీ అధినేత వైఎస్ జగన్ మోహన్ రెడ్డికి ఎందుకు మౌనం దాల్చినట్లు.?