Pawan Kalyan Vizag Fishermen.. ఎక్కడ కష్టం వుంటే, అక్కడ ‘సాయం’ వుంటుంది.! ఆ సాయం పేరు పవన్ కళ్యాణ్.! ఔను, జనసేనాని పవన్ కళ్యాణ్ అంటేనే, సాయానికి నిలువెత్తు నిదర్శనం.!
విశాఖపట్నంలో అగ్ని ప్రమాదం సంభవించి దాదాపు 60 బోట్లు కాలిపోయాయి. రెక్కాడితేనేగానీ, డొక్కాడని మత్స్యకార బతుకుల్లో ఈ ఘటన పెను విషాదం నింపింది.
ఇంతటి ఘోర దుర్ఘటనపై జనసేన అధినేత పవన్ కళ్యాణ్ వేగంగా స్పందించారు. ఒక్కో బోటుకి 50 వేల రూపాయల చెప్పున మొత్తం 60 బోట్లకుగాను 30 లక్షల రూపాయల సాయాన్ని ప్రకటించారు.
సాయాన్ని స్వయంగా జనసేన అధినేత పవన్ కళ్యాణ్, బాధిత కుటుంబాలకు అందించనున్నారు. ఈ విషయాన్ని ఆయనే ట్విట్టర్ ద్వారా వెల్లడించారు.
Pawan Kalyan Vizag Fishermen.. నాయకుడు అలా.. జన సైన్యం ఇలా.!
పవన్ కళ్యాణ్ సినిమాల్లో కొనసాగుతున్నది పేరు ప్రఖ్యాతుల కోసం కాదు. రికార్డుల కోసం అసలే కాదు.! డబ్బు కోసం.! ఔను, నిజంగానే డబ్బు కోసం.
అయితే, ఆ డబ్బుని జనసేన అధినేత పవన్ కళ్యాణ్, తన వ్యక్తిగత అవసరాల కోసమే.. అని సరిపెట్టుకోవట్లేదు. జనసేన పార్టీ కోసం, ప్రజల కోసం ఖర్చు చేస్తున్నారు.
‘నా సినిమాలు చూడండి..’ అని పవన్ కళ్యాణ్ ఏనాడూ తన సినిమాల్ని, ఇతరుల్లా ప్రమోట్ చేసుకోలేదు. ‘నచ్చితేనే చూడండి..’ అనేవారాయన.
సినిమాల ద్వారా సంపాదిస్తున్న సంపాదన నుంచి కొంత మొత్తాన్ని కౌలు రైతుల కోసం వెచ్చిస్తున్న వైనం అందరికీ తెలిసిందే.
మిగిలిన సొమ్ములోంచి కూడా సేవా కార్యక్రమాలకే వెచ్చిస్తున్నారు జనసేనాని పవన్ కళ్యాణ్. అందుకే, అభిమానులూ ఆయన బాటలోనే పయనిస్తున్నారు.
జనసేన పార్టీకి పవన్ కళ్యాణ్ అభిమానులు అప్పుడూ, ఇప్పుడూ అని కాకుండా.. ఎప్పటికప్పుడు డొనేషన్స్ చేస్తూనే వున్నారు.
Also Read: స్నాక్స్ అండ్ గా‘చిప్స్’.! ఇక మొదలెడదామా.?
పది రూపాయల నుంచి పది వేల రూపాయల వరకూ.. ఆ పైనా.. తమకు తోచినంత సాయాన్ని జనసేన పార్టీకి అందిస్తున్న నిఖార్సయిన జనసైన్యం.. పవన్ కళ్యాణ్ అభిమానులు.
ఏం చేసినా, ప్రజల కోసమే.! ఇదీ జనసేన సిద్ధాంతం.! జనం కోసం జనసేన.!
అధికారంలో వుండి, ప్రజాధనాన్ని సొంత పబ్లిసిటీ చేసుకుంటూ ప్రజలకు కేటాయించడానికే ‘నాయకులనబడ్డవారు’ ఏడుస్తోంటే, స్వార్జితాన్ని జనం కోసం వెచ్చించడం అంటే చిన్న విషయం కాదు.
సాయం చేయడానికి అధికారంతో సంబంధమేముంది.? అని నిరూపించిన నిఖార్సయిన నాయకుడు జనసేన అధినేత పవన్ కళ్యాణ్.
