Rashmika Mandanna Victim Card.. రష్మిక మండన్న ప్రధాన పాత్రలో తెరకెక్కిన ‘ది గర్ల్ ఫ్రెండ్’ ఇటీవల ప్రేక్షకుల ముందుకొచ్చిన సంగతి తెలిసిందే.
రాహుల్ రవీంద్రన్ దర్శకత్వంలో తెరకెక్కిన ‘ది గర్ల్ ఫ్రెండ్’ సినిమాలో దీక్షిత్ శెట్టి, రష్మిక మండన్న సరసన నటించాడు.
సినిమాపై భిన్నాభిప్రాయాలున్నాయి. సినిమా ప్రమోషన్లలో మాత్రం, ‘ది గర్ల్ ఫ్రెండ్’ టీమ్ చాలా చాలా బిజీగా వుంది. ఇదంతా సహజమే.
ఓ అమ్మాయితో, సినిమా థియేటర్లోనే ‘దుపట్టా విసిరేయించారు’ సినిమా పబ్లిసిటీ కోసం.! ఆ వీడియో క్లిప్ వైరల్ అయ్యింది. చిత్ర యూనిట్‌‌పై తిట్ల వర్షం కురుస్తోంది.
దర్శకుడు రాహుల్ రవీంద్రన్ పైనా ఈ విషయమై పెద్దయెత్తున విమర్శలు వెల్లువెత్తుతున్నాయి. ‘అమ్మాయిలు దుపట్టా విసిరేయడం’ కోసమేనా ఈ సినిమా అన్నట్లు తయారైంది పరిస్థితి.
Rashmika Mandanna Victim Card.. బన్నీ వాసు.. హెల్మెట్ కామెడీ.. టూ వల్గర్.!
ఇక, తాజాగా చిత్ర యూనిట్ సినిమా ఘన విజయం సాధించిందంటూ ఓ ఈవెంట్ నిర్వహించింది. విజయ్ దేవరకొండ ఈ కార్యక్రమానికి ముఖ్య అతిథిగా హాజరయ్యారు.
నిర్మాత బన్నీ వాసు, ‘హెల్మెట్’ ప్రస్తావన తీసుకొచ్చాడు.. వల్గర్ కామెడీ చేశాడు. ‘నెత్తి మీద పెట్టుకునే హెల్మెట్’ అంటూ, కవర్ చేశాడు.
సినిమా ఏ కాన్సెప్ట్ మీద తెరకెక్కించారు.? విమెన్ ఎంపవర్మెంట్.. అంటూ, ఈ ‘హెల్మెట్’ కామెడీ ఏంటి.? అన్న విషయాలపై విపరీతమైన ట్రోలింగ్ జరుగుతోంది.
ఇంకోపక్క, రష్మిక మండన్న తన జీవితంలో జరిగిన సంఘటనలే, సినిమా కథాంశం.. అని పెద్ద బాంబు పేల్చడం గమనార్హం.
‘అప్పట్లో నా కోసం నిలబడేందుకు ఏ ప్రొఫెసర్ లేరు.. దుర్గ లాంటి స్నేహితురాలూ లేదు’ అని రష్మిక వ్యాఖ్యానించడం సంచలనంగా మారింది.
‘దుర్గ’ పాత్రలో అనూ ఇమ్మాన్యుయేల్ నటిస్తే, ప్రొఫెసర్ పాత్రలో రాహుల్ రవీంద్రన్ నటించాడు. అయినా, రష్మిక జీవితంలో, ‘ది గర్ల్ ఫ్రెండ్’ సినిమాలోని సంఘటనలే జరగడమేంటి.?
విక్టిమ్ కార్డ్.?
ఇదేదో విక్టిమ్ కార్డ్ పబ్లిసిటీ స్టంట్‌లా వుందే.. అన్న వాదన ఓ వైపు వినిపిస్తోంటే, కన్నడ సినీ ప్రముఖుడు రక్షిత్ శెట్టి మీద రష్మిక పరోక్షంగా బురద చల్లిందన్న వాదన ఇంకోటి తెరపైకొచ్చింది.
రష్మిక – రక్షిత్ శెట్టి ప్రేమించుకున్నారు, పెళ్ళి చేసుకుందామనుకున్నారు.. కానీ, అంతలోనే విడిపోయారు. ఈ వ్యవహారంపై ఇప్పటికీ రష్మిక ట్రోల్ అవుతుంటుంది.
సినిమా షూట్ జరుగుతున్న సమయంలో, చాలా ఎమోషనల్ అయ్యేదాన్ననీ, సన్నివేశం గురించి విన్న వెంటనే తాను వేరే ప్రపంచంలోకి వెళ్ళిపోయేదాన్ననీ రష్మిక చెప్పింది.
ఈ క్రమంలో రష్మిక ఎమోషనల్‌గా ఆఫ్ స్క్రీన్ అత్యద్భుతమైన నటన ప్రదర్శించిందనే విమర్శల్ని ఎదుర్కొనాల్సి వస్తోంది.
Also Read: స్నేక్ బ్యూటీ.! టచ్ చేస్తే, కాటేస్తది జాగ్రత్త.!
ఏమో, రష్మిక తన జీవితంలో ఎలాంటి ఇబ్బందుల్ని ఎదుర్కొందో ఆమెకి మాత్రమే తెలుసు.. ఈ విషయంలో ఆమెని తప్పు పట్టేయడానికేమీ లేదు.
కాకపోతే, అదంతా ఓ సినిమా పబ్లిసిటీ కోసమే వాడుకుంటోందనే వాదనొకటి, ఆమె చెప్పే మాటల్లో విశ్వసనీయతపై అనుమానాలకు కారణమవుతున్నాయి.
ఏది ఏమైనా, ‘ది గర్ల్ ఫ్రెండ్’ సినిమా చుట్టూ, జరగకూడని రీతిలో.. ఓ నెగెటివ్ పబ్లిసిటీ.. స్వయానా చిత్ర యూనిట్ చేస్తుండడం.. అందర్నీ విస్మయానికి గురిచేస్తోంది.! కాదేదీ పబ్లిసిటీకి అనర్హం.!
