RGV AI Death Education.. రామ్ గోపాల్ వర్మ బుర్ర చెడిపోయింది.! ఇదిప్పుడు కొత్తగా చెప్పేదేముంది.? పాత మాటే.!
పనీ పాటా లేకుండా, ఖాళీగా కూర్చుంటే.. పనికిమాలిన ఆలోచనలే వస్తాయనడానికి రామ్ గోపాల్ వర్మ ఓ ఉదాహరణ.!
లేకపోతే, చదువు చచ్చిపోవడమేంటి.? అలాగని స్టేట్మెంట్లు ఇవ్వడమేంటి.? పైగా, చదువు చచ్చిపోయిన శుభ సందర్భంలో సెలబ్రేషన్స్ చేసుకోమంటూ పిచ్చి వాగుడు వాగడమేంటి.?
RGV AI Death Education.. పబ్లిసిటీ పిచ్చ.!
దటీజ్ రామ్ గోపాల్ వర్మ.! అందరూ తన గురించి మాట్లాడుకోవాలన్న ‘పబ్లిసిటీ పిచ్చి’తో సోషల్ మీడియాలో ఏదేదో వాగుతుంటాడు.
అది నిజమనుకునే గొర్రెలు వున్నాయి కాబట్టే, ‘సిద్దాంతి’లా సోషల్ మీడియా వేదికగా లెక్చర్లు దంచేస్తుంటాడు రామ్ గోపాల్ వర్మ.
అసలు విషయమేంటంటే, ఆర్టిఫీషియల్ ఇంటెలిజెన్స్ రాకతో, చదువు చచ్చిపోయిందని పేర్కొంటూ, ‘వైద్య విద్య – వైద్యం’ని ఉదాహరణగా చూపించాడు.
ఆరేళ్ళు.. ఆ పైన ఎంబీబీఎస్, ఉన్నత వైద్య విద్య.. ఇవన్నీ పూర్తయ్యేలోపు, వైద్య రంగంలో ఏఐ అనూహ్యమైన మార్పులు వస్తాయన్నది వర్మ ఉవాచ.
ఇందులో నిజం వుంది. కానీ, విద్య లేకుండా.. పూర్తిగా ఆర్టిఫీషియల్ ఇంటెలిజెన్స్‌ని నమ్ముకోగలమా.? ఏఐ డేటా సాయంతో మెరుగైన వైద్య చికిత్స అందించొచ్చు. కానీ, వైద్య విద్య లేకపోతే.?
వర్మ అంటేనే ఖర్మ..
ఆరేళ్ళలో చదువుకునే చదువు, అర గంటలో ఏఐ ద్వారా చదివేయడం సాధ్యమవుతుందా.? అరగంట, ఆరు నెలలు.. సరిపోవు.! ఇది రామ్ గోపాల్ వర్మకి ఎప్పటికీ అర్థం కాదు.
అంతెందుకు, సినిమాల్నే తీసుకుంటే.. పూర్తిగా ఏఐ సాంకేతితతో సినిమాలు తీస్తే, అవి బొమ్మల సినిమాలవుతాయిగానీ.. సాధారణ సినిమాలెలా అవుతాయి.?
ఆర్టిఫీషియల్ ఎమోషన్స్‌తో సినిమా తీసేసి, ప్రేక్షకుల్ని మెప్పించడం సాధ్యమవుతుందా.? ఛాన్సే లేదు. తొలుత ముచ్చటపడతాం, ఆ తర్వాత చిరాకు పడతాం.
ఎప్పటికప్పుడు సరికొత్త సాంకేతిక పరిజ్ఞానాన్ని విద్యకు జత చేసుకుంటూ వెళుతున్నాం. అన్ని రంగాల్లోనూ ఇదే జరుగుతోంది.!
ఏఐ సాంకేతిక ఆల్రెడీ అందుబాటులోకి వచ్చేసింది. దాని సాయంతో వర్మ సూపర్ హిట్ సినిమాలు తీసెయ్యొచ్చు కదా.? ప్చ్.. అలా తీస్తే, చివరికి ఆ సినిమాల్ని ఏఐ బొమ్మలు కూడా దేకవు.
Also Read: అధరామృతం.. అవ్వకూడదు విషపూరితం.!
ఏ వైద్యుడు ఆర్జీవీతో, ‘ఏఐ రాకతో వైద్య విద్య చచ్చిపోయింది.. వైద్యం కూడా చచ్చిపోతుంది’ అని చెప్పాడోగానీ, అతనికీ ఓ పెద్ద దండం.!
నిజానికి, అక్కడ ఏ వైద్యుడూ వుండడు.. ఒకవేళ వున్నా, ఆర్జీవీలా పబ్లిసిటీ పిచ్చోడై వుంటాడు. అంతే.! పుస్తకాలకు అదనంగా డిజిటల్ టెక్నాలజీ తోడయ్యింది. ఇప్పుడు ఏఐ సాంకేతికత తోడవుతోంది. అంతే తేడా.
విద్య లేని వాడు వింత పశువు.! ఏఐ మాత్రమే విద్య.. అనుకునేవాడు అంతకన్నా వింత పశువు.!
