Home » ‘స్పిరిట్’ షురూ.! ప్రభాస్ ఎక్కడ.? ఇదిగో, ఇక్కడ.!

‘స్పిరిట్’ షురూ.! ప్రభాస్ ఎక్కడ.? ఇదిగో, ఇక్కడ.!

by hellomudra
0 comments
Chiranjeevi Sandeep Reddy Vanga Spirit

Spirit Prabhas Sandeep Chiranjeevi.. మెగాస్టార్ చిరంజీవి చేతుల మీదుగా ‘స్పిరిట్’ ప్రారంభమైంది.!

తన అభిమాన హీరోతో, దర్శకుడు సందీప్ రెడ్డి వంగా ‘స్పిరిట్’ సినిమా ప్రారంభోత్సవాన్ని నిర్వహించాడు.

ప్రభాస్, తృప్తి దిమ్రి జంటగా ‘స్పిరిట్’ సినిమా తెరకెక్కనున్న సంగతి తెలిసిందే. ఇది పాన్ ఇండియా ప్రాజెక్ట్ అని ప్రత్యేకంగా చెప్పాల్సిన పని లేదు కూడా.!

చాలాకాలంగా ‘స్పిరిట్’ సినిమా గురించి ఏవేవో వార్తలు వింటూ వస్తున్నాం. ఓ దశలో ప్రాజెక్ట్ ముందుకు నడవదన్న ప్రచారమూ జరిగింది.

Chiranjeevi Prabhas Spirit
Chiranjeevi Prabhas Spirit

తొలుత ఈ ప్రాజెక్ట్ కోసం హీరోయిన్‌గా బాలీవుడ్ నటి దీపిక పదుకొనే పేరుని ఖరారు చేశారు. అయితే, అనివార్య కారణాల వల్ల దీపిక స్థానంలోకి వచ్చింది తృప్తి దిమ్రి.

సందీప్ రెడ్డి వంగా గత చిత్రం ‘యానిమల్’లో, తృప్తి ఓ కీలక పాత్రలో నటించిన సంగతి తెలిసిందే. అలా చూస్తే, ఆ కాంబినేషన్ ఇంకోసారి రిపీట్ అవుతోందని అనుకోవాలంతే.

సరేగానీ, సినిమా ప్రారంభోత్సవంలో ప్రభాస్ కనిపించలేదేంటి.? ఇదే ఇప్పుడు అభిమానులకి పెద్ద డౌట్.! కానీ, దానికి సందీప్ రెడ్డి వంగా ఓ బలమైన కారణం కూడా చెప్పాడు.

Spirit Prabhas
Spirit Prabhas

ప్రభాస్ వచ్చాడు.. కానీ, ప్రభాస్‌కి సంబంధించిన ఫొటో ఏదీ బయటకు రాలేదు. కేవలం ‘చేతులు’ మాత్రమే కనిపించాయి. ‘చేతులు సరిపోతాయ్ కదా..’ అంటూ సందీప్ రెడ్డి వంగా ఓ ఇంట్రెస్టింగ్ పోస్ట్ పెట్టాడు.

అసలు విషయమేంటంటే, ప్రభాస్ లుక్ రివీల్ కాకుండా వుండేందుకే, ఫొటోల్లో ఎక్కడా ప్రభాస్ లేకుండా సందీప్ రెడ్డి వంగా అండ్ టీమ్ జాగ్రత్త పడినట్లు తెలుస్తోంది.

అన్నట్టు, ఈ సినిమాలో మెగాస్టార్ చిరంజీవి ఏమైనా నటిస్తున్నారా.? ఏమో.. సందీప్ రెడ్డి వంగా తలచుకుంటే, అదీ జరుగుతుంది.!

Chiranjeevi Sandeep Reddy Vanga Spirit
Chiranjeevi Sandeep Reddy Vanga Spirit

కానీ, చిరంజీవి గెస్ట్ రోల్ కాదు.. చిరంజీవితో పూర్తిస్థాయి సినిమా చేయాలని వుంది.. అంటూ, ఇటీవల ఓ ఇంటర్వ్యూలో సందీప్ రెడ్డి వంగా చెప్పిన సంగతి తెలిసిందే.

ఇదిలా వుంటే, ప్రభాస్ తన తదుపరి రిలీజ్ ‘ది రాజా సాబ్’ కోసం ఎదురుచూస్తున్నాడు. సంక్రాంతికి ‘ది రాజా సాబ్’ విడుదల కానుంది. మారుతి దర్శకుడు.

You may also like

Leave a Comment

Welcome to Mudra369, your one-stop destination for stories that matter, trends that inspire, and updates that keep you ahead. At Mudra369, we believe in delivering content that informs, entertains, and empowers.

Edtior's Picks

Latest Articles

Website Hosting Sponser

Fully Managed WordPress Hosting

© 2020-25, Mudra369 – All rights reserved. Designed By: KiTek Group