Balakrishna Samyuktha Jajikaya Akhanda2.. సినిమా అంటేనే గ్లామరు.! గ్లామరంటేనే సినిమా.!
కమర్షియల్ సినిమాకి, గ్లామర్ లేకపోతే ఎలా.? పైగా, బోయపాటి సినిమా అన్నాక.. గ్లామర్ వుండి తీరాల్సిందే.!
బోయపాటి శీను దర్శకత్వంలో, నందమూరి బాలకృష్ణ హీరోగా ‘అఖండ-2’ సినిమా విడుదలకు సిద్ధమవుతున్న సంగతి తెలిసిందే. తమన్ ఈ చిత్రానికి సంగీతం అందిస్తున్నాడు.
తాజాగా, ఈ సినిమా నుంచి ఓ పోస్టర్ బయటకు వచ్చింది. ‘జాజికాయ జాజికాయ’ అంటూ సాగే సాంగ్‌కి సంబంధించిన పోస్టర్ అది.!
నందమూరి బాలకృష్ణతో ఈ పాటలో ఆడిపాడుతోంది సంయుక్త మీనన్.! పోస్టర్ చూస్తున్నారు కదా.! నెటిజన్లు ట్రోల్ చేయడానికి కావాల్సినంత కంటెంట్ ఈ పోస్టర్‌లో వుంది.
Balakrishna Samyuktha Jajikaya Akhanda2.. ఈ వయస్సులో.. ఈ జాజికాయ వేషాలేంటి.?
నందమూరి బాలకృష్ణ వయసు, ఏడు పదులకు చేరవవుతోంది. సంయుక్త మీనన్ వయసెంతో తెలుసు కదా.. బాలయ్య వయసులో సగం కూడా లేదాయె.!
కూతురు కాదు, మనవరాలి వయసున్న సంయుక్త మీనన్‌తో నందమూరి బాలకృష్ణ ‘జాజికాయ..’ అంటూ కొంటె వేషాలెయ్యడమేంటి.? అన్న ప్రశ్న తెరపైకొస్తోంది.
ఈ మధ్య సీనియర్ హీరోలు ఏ సినిమాల్లో నటించినా, ఈ తరహా ట్రోలింగ్ సర్వసాధారణమైపోయింది.
చిరంజీవి మీద బాలయ్య అభిమానులు ట్రోల్ చేస్తే, కౌంటర్ ఎటాక్‌గా బాలయ్య మీద చిరంజీవి అభిమానుల నుంచి ట్రోలింగ్ జరుగుతుంది మరి.
చూడాల్సింది పాత్ర తాలూకు వయసు కదా.?
ముందే చెప్పుకున్నాం కదా, సినిమా అంటేనే గ్లామర్.! ఇక్కడ నందమూరి బాలకృష్ణ వయసు కాదు చూడాల్సింది, తెరపై బాలయ్య పాత్ర వయసు.!
చిరంజీవి విషయంలోనూ ఇదే వర్తిస్తుంది. ఎవరెంతలా ట్రోల్ చేసినా, ‘మీసాల పిల్ల’ సాంగ్ ఎంత పెద్ద హిట్ అయ్యిందో ప్రత్యేకంగా చెప్పాల్సిన పనిలేదు.
ట్రోల్ చేస్తే, సినిమాలు ఫెయిల్ అవుతాయనుకోవడం మూర్ఖత్వం. సినిమాలో కంటెంట్ వుంటే, ఏ సినిమా అయినా విజయం సాధిస్తుంది.
అయినా, స్క్రీన్ మీద ఆడి పాడటానికి హీరో హీరోయిన్లకు లేని అభ్యంతరం, ఈ నెటిజన్లకేంటి.? బాలయ్య అలా చిందులేస్తోంటే, అభిమానులు ఊగిపోతారు. చిరంజీవి విషయంలో అయినా అంతే.!
