Bud Wiser Auto Rani.. పేరు తెలియదు.. ఊరు తెలియదు.. అసలు మనిషో కాదో కూడా తెలియదు.! కానీ, కేవలం రెండు సెకెన్ల వీడియోతో, కోట్లలో వ్యూస్ రాబట్టేసింది.
ఇది ఆర్టిఫీషియల్ ఇంటెలిజెన్స్ యుగం.! ఆపై, సోషల్ మీడియా యుగం.! ఏ ఫొటో ఎందుకు వైరల్ అవుతుందో తెలియదు.. ఏ వీడియోకి ఎందుకు లక్షల్లో వ్యూస్ వస్తాయో తెలియదు.!
రెండంటే రెండే సెకెన్ల వీడియో, 10 కోట్లకు పైగా వ్యూస్ సాధిస్తుందని ఎవరూ కలలో కూడా ఊహించి వుండరు.! అది కూడా, ఊరూ పేరూ తెలియని అమ్మాయికి సంబంధించిన వీడియో.!
ఆగండాగండీ.. కుంభ మేళా సందర్భంగా ఓ అమ్మాయి ఫొటోలు, వీడియోలు వైరల్ అయినప్పుడూ ఇదే పరిస్థితి. పూసలమ్ముకునే అమ్మాయిని, హీరోయిన్‌గా మార్చేశాం ఇప్పుడు.
ఏమో, ఇక్కడ మనం మాట్లాడుకుంటున్న ‘ఆటో రాణి’ కూడా, రేపో మాపో ఏదన్నా సినిమాలో హీరోయిన్‌గా నటించేస్తున్నట్లు ప్రకటన వచ్చేస్తుందేమో.!
ప్రస్తుతానికైతే, ‘ఆటో రాణీ’ అనీ, ‘బడ్ వైజర్ గర్ల్’ అనీ, ‘బడ్ వైజర్ బ్యూటీ’ అనీ, ‘బడ్ వైజర్ ఆటో రాణీ’ అనీ.. రకరకాల పేర్లతో పిలుస్తున్నారు, పైన ఫొటోలో వున్న అమ్మాయిని.
‘ఎక్స్’ (ఒకప్పటి ట్విట్టర్)లో ఈ బడ్ వైజర్ బ్యూటీ వీడియోకి 10 కోట్ల వ్యూస్ వచ్చాయి. ఆ తర్వాత మరికొన్ని ట్వీట్లూ వేసింది. అందులో, ఇక్కడ పోస్ట్ చేసిన ఇంకో ఫొటో కూడా వుంది.
బ్లూ టిక్ కూడా వెంటనే వచ్చేసింది.. ఇంతలోనే, ‘ఎక్స్’ అకౌంట్‌కి లాక్ వేసేసుకుంది ‘బడ్ వైజర్’ భామ.! ఎందుకు లాక్ వేసుకుందన్నది ప్రస్తుతానికి సస్పెన్స్.
బహుశా, ఆమె ట్వీటు కింద అసభ్యకరమైన కామెంట్లు ఎవరైనా చేస్తున్నారేమో.! అదీ, ఓ కారణం అయి వుండొచ్చు.
ఇంతకీ, బడ్ వైజర్ బ్యూటీ ఎంత మొత్తంలో డబ్బు సంపాదించి వుండొచ్చు ‘పే ఔట్’ ద్వారా.? అదైతే మిలియన్ డాలర్ క్వశ్చన్?!
ఒక్కటి మాత్రం నిజం.. సోషల్ మీడియాలో వైరల్ అవడానికి.. పెద్దగా కంటెంట్ ఏమీ అవసరం లేదు. లక్కు కలిసి రావాలంతే.!
‘ఈ రోజు మేకప్ బాగా కుదిరింది’ అంటూ పోస్ట్ చేసిన రెండు సెకెన్ల వీడియో, అంతర్జాలాన్ని ఓ కుదుపు కుదిపేస్తోంది.!
ఆమె తన సోషల్ మీడియా హ్యాండిల్‌కి తాళం వేసుకున్నా, ఆ వీడియోని ఆల్రెడీ చాలామంది డౌన్ లోడ్ చేసేసుకుని, సోషల్ మీడియాని హోరెత్తించేస్తున్నారు.
