Chitti Reddy Ambati Rambabu.. సోషల్ మీడియాలో ట్వీటెయ్యడం ఓ కళ.! రాజకీయాల్లో సెటైర్లకు, ‘ఎక్స్’ (ఒకప్పటి ట్విట్టర్) భలే వేదిక.!
కానీ, రాజకీయ నాయకులన్నాక ఒకింత బాద్యతగా వుండాలి కదా.!
పైగా, మంత్రిగా పని చేసిన వ్యక్తి.. ఇంకెంత బాధ్యతగా వ్యవహరించాలి.? ఇంకెంత హుందాతనం ప్రదర్శించాలి.? అందునా, ‘కుల ప్రస్తావనతో సెటైర్ వేసే క్రమంలో’ ఒళ్ళు దగ్గర పెట్టుకోవాలి.
అసలీ ప్రస్తావన ఎందుకంటే, డిప్యూటీ సీఎం మీద ‘కుల ప్రస్తావన’ తెస్తూ, ఓ మాజీ మంత్రి రాజకీయ కోణంలో సెటైర్ వేశారు మరి.!
Chitti Reddy Ambati Rambabu.. అంబటి అత్యుత్సాహం..
మాజీ మంత్రి, వైసీపీ నేత అంబటి రాంబాబు సోషల్ మీడియా వేదికగా జన సేన అధినేత పవన్ కళ్యాణ్ మీద సెటైర్లేయడం కొత్త కాదు.!
సెటైరేస్తారు, చీవాట్లు తింటారు.! ఇది రాంబాబుకి అలవాటే.! ఒకరిద్దరు వైసీపీ సానుభూతిపరులు ఆయన్ని అభినందిస్తారేమో ఇలాంటి ట్వీట్లు చూసి.
కానీ, వందల సంఖ్యలో వేల సంఖ్యలో ఆయనకు చీవాట్లే పడుతుంటాయి.. ఆయన ట్వీట్ల కింద కామెంట్ల రూపంలో.!
సరే, అలా అందరూ తిడితేనే తనకు పాపులారిటీ పెరుగుతుందని అంబటి రాంబాబు అనుకుంటే, అంతకన్నా హాస్యాస్పదం ఇంకోటుండదు.
చిన్న కమ్మ కళ్యాణ్..
విశాఖపట్నంలో ఆర్భాటంగా జరిగిన CII సమ్మిట్ లో మన చిన్న కమ్మ కళ్యాణ్ గారు కనిపించలేదేoటబ్బ! ఇదీ అంబటి రాంబాబు, ‘ఎక్స్’ వేదికగా వేసిన ట్వీట్.!
సీఎం చంద్రబాబు, మంత్రి నారా లోకేష్, డిప్యూటీ సీఎం పవన్ కళ్యాణ్‌లను ట్యాగ్ చేశారు కూడా. దాంతో, సహజంగానే జన సేన మద్దతుదారుల నుంచి అంబటి రాంబాబు మీద కౌంటర్ ఎటాక్ మొదలైంది.!
కొందరు బూతులు తిట్టారు.. ఇంకొందరు, అంబటి రూటులోనే అంబటి మీద సెటైర్లు వేశారు.! ఆ సెటైర్లు, తిట్లని అంబటి రాంబాబు చదువుకున్నారో లేదో.!
సరే, పవన్ కళ్యాణ్ చిన్న కమ్మే.. అనుకుందాం.! అదే నిజమైతే, అంబటి రాంబాబుని ఏమనాలి.? చిట్టి రెడ్డి రాంబాబు.. అనాలా.? అంతేనేమో.!
కమ్మ సామాజిక వర్గానికి చంద్రబాబుతో రాజకీయంగా పొత్తు పెట్టుకున్నందుకే పవన్ కళ్యాణ్ ‘చిన్న కమ్మ’ అయితే, రెడ్డి సామాజిక వర్గానికి చెందిన జగన్ పార్టీలో వున్న అంబటి రాంబాబు, ముమ్మాటికీ.. ‘చిట్టి రెడ్డే’ అవుతారు మరి.!
పవన్ కళ్యాణ్, అంబటి రాంబాబు.. ఇద్దరూ ఒకే సామాజిక వర్గానికి చెందినవారు.!
ఇద్దరూ కాపు సామాజిక వర్గానికి చెందినవారైనా.. పవన్ కళ్యాణ్ మీద, ‘చిన్న కమ్మ’ అంటూ అంబటి, ‘కులం’ పేరుతో సెటైరేయడం హాస్యాస్పదం. రాజకీయాల్లో విమర్శలు సహజమే.. కానీ, ఇదేంటి.?
