Hbd Meesala Pilla Nayanthara.. ఆమె వద్దంటే మాత్రం.. మేమెందుకు వింటాం.? ‘లేడీ సూపర్ స్టార్’ నయనతార విషయంలో ఆమె అభిమానుల వాదన ఇదీ.!
తెలుగు, తమిళ సినీ పరిశ్రమల్లో తిరుగులేని స్టార్‌డమ్ నయనతార సొంతం.! దాదాపు అగ్ర హీరోలందరితోనూ నయనతార సినిమాలు చేసేసింది.
బాలీవుడ్ సూపర్ స్టార్ షారుక్ ఖాన్‌తో నయనతార ‘జవాన్’ సినిమాలో నటించిన సంగతి తెలిసిందే. లేడీ సూపర్ స్టార్ అంటే, నయనతార మాత్రమే.. ఇప్పుడున్న ఈక్వేషన్స్ ప్రకారం.
Hbd Meesala Pilla Nayanthara.. రెమ్యునరేషన్.. ఆ స్థాయిలో వుంటుందిగానీ..
నయనతారతో సినిమా అంటే, అంత ఆషామాషీ వ్యవహారం కాదు ఏ నిర్మాతకి అయినా. చాలా కండిషన్లు పెడుతుంటుంది నయనతార.!
సినిమా ప్రమోషన్ల విషయంలో నయనతారకి కొన్ని కండిషన్స్ వుంటాయ్. నిజానికి, సినిమా ప్రమోషన్లంటే నయనతార ఆసక్తి చూపించదు.
అయినాగానీ, నయనతారతో సినిమాలు చేయడానికి దర్శక నిర్మాతలు పోటీ పడతారు. ఆమెకున్న స్టార్‌డమ్ అలాంటిది మరి.!
విఘ్నేష్ శివన్‌ని పెళ్ళాడాక నయనతార స్టార్‌డమ్ మరింత పెరిగిందని చెప్పొచ్చేమో. ఇద్దరు పిల్లల తల్లయ్యాక కూడా నయనతార స్టార్‌డమ్ అస్సలేమాత్రం తగ్గలేదు.
తాజాగా, నయనతారతో ‘మీసాల పిల్ల’ అంటూ మెగాస్టార్ చిరంజీవి ‘మన శంకర వర ప్రసాద్ గారు’ కోసం పాటేసుకుంటే, మిలియిన్ల కొద్దీ వ్యూస్ కొల్లగొట్టేస్తోందది.
‘మీసాల పిల్ల’లో నయనతారతో చిరంజీవి కెమిస్ట్రీ గురించి ఎంత చెప్పుకున్నా తక్కువే. చిరంజీవి డాన్సులు.. నయనతార చిరు కోపం.. ఆ పాటకి ప్రధాన ఆకర్షణ.
స్క్రీన్ ప్రెజెన్స్.. ఇదే నయనతారని అత్యున్నత స్థాయిలో నిలబెట్టింది నటిగా.. సినీ పరిశ్రమలో.! తరచూ నయనతార వివాదాల్లోకెక్కుతుంటుందనుకోండి.. అది వేరే సంగతి.
ఇంతకీ, ‘వద్దన్నా వినరే’ అన్న ప్రస్తావన ఎందుకో తెలుసా.? ‘లేడీ సూపర్ స్టార్’ అనే ట్యాగ్ అస్సలేమాత్రం ఇష్టం వుండదు నయనతారకి.!
కానీ, అభిమానులు ఊరుకోరు. నయనతారని ‘లేడీ సూపర్ స్టార్’ అనే పిలుస్తారు.! పుట్టినరోజు సందర్భంగా లేడీ సూపర్ స్టార్ నయనతారకి బర్త్ డే విషెస్ చెప్పేద్దాం.!
హ్యాపీ బర్త్ డే లేడీ సూపర్ స్టార్ నయనతార.
