Kumbha Mandakini Rudhra Varanasi.. ‘వారణాసి’ సినిమా నుంచి, మూడు ప్రధాన పాత్రల పరిచయం పూర్తయిపోయింది.!
తొలుత పృధ్వీరాజ్ సుకుమారన్‌ని ‘కుంభ’గా పరిచయం చేశాడు దర్శకుడు రాజమౌళి. ఇది సినిమాలో విలన్ రోల్.! వీల్ చెయిర్ మీద, స్పైడర్ మ్యాన్ సినిమాలోని విలన్‌ని తలపించేలా వుందీ పాత్ర.
రెండోది, చీరకట్టులో ‘మందాకిని’ పాత్రని పరిచయం చేస్తూ రివీల్ చేసిన పోస్టర్. ప్రియాంక చోప్రా, చీరకట్టులోనే యాక్షన్ గర్ల్‌గా కనిపించింది.
ముచ్చటగా మూడో పాత్ర, హీరో మహేష్‌బాబుది. ‘రుద్ర’గా మహేష్‌బాబుని పరిచయం చేస్తూ, సినిమా టైటిల్ ‘వారనాసి’ అని ప్రకటించేశారు. దీనికి సంబంధించిన గ్లింప్స్ కూడా బయటకు వచ్చింది.
ముగ్గురిలో ఎవరు బెస్ట్.?
పృధ్వీరాజ్ సుకుమారన్ ‘కుంభ’ పాత్రకి బోల్డంత ట్రోలింగ్ జరిగింది. ‘కాపీ క్యాట్’ అంటూ రాజమౌళి మీద విమర్శలు వెల్లువెత్తాయి కూడా.
కానీ, ప్రియాంక చోప్రా లుక్ విషయానికొస్తే, అది కొంత ఇంట్రెస్టింగ్‌గా అనిపించింది.
బుల్లెట్ల వర్షం కురుస్తోంటే, ధీటుగా నిలబడి, చాలా స్టైలిష్‌గా తుపాకీతో కాల్పులు జరుపుతూ కనిపించింది ప్రియాంక చోప్రా ‘మందాకినా’ పాత్రలో.
ప్రియాంక శరీరంపై గాయాలు, చీరకట్టు.. ఆ పోజు.. దేనికదే ప్రత్యేకం.. అన్నట్లున్నాయి ‘మందాకిని’ పోస్టర్‌లో.!
‘రుద్ర’ పరిస్థితి ఏంటి.?
గ్లింప్స్ వరకూ ‘రుద్ర’ పాత్రని తప్పు పట్టడానికేమీ లేదు.! పోస్టర్ విషయంలోనూ అంతే.! కాకపోతే, మరీ అంత ఆసక్తికరంగానూ అనిపించలేదన్నది అంతటా వినిపిస్తోన్న వాదన.
పైగా, ‘గ్లోబ్‌ట్రోటర్’ ఈవెంట్ సందర్భంగా, నంది బొమ్మ తీసుకొచ్చి, దాని మీద మహేష్‌ని కూర్చోబెట్టి, చేతిలో త్రిశూలం పెట్టి.. నడిపించిన వ్యవహారం, డ్రమెటిక్‌గా అనిపించింది.
సినిమాలోని ‘రుద్ర’ పాత్ర మీద సెటైర్లు పడేలా చేసింది, ఈవెంట్‌లో మహేష్‌తో చేయించిన ఫీట్.!
ఎలా చూసినా కూడా, ‘వారణాసి’ సినిమా నుంచి విడుదలైన మూడు పోస్టర్లలో, ‘మందాకిని’ పోస్టరే టాప్.. అని నిస్సందేహంగా చెప్పొచ్చు.
అదే సమయంలో, రాజమౌళి గత చిత్రాలతో పోల్చాల్సి వస్తే, ‘వారణాసి’ పోస్టర్లలో ఏదీ, ఆ స్థాయికి తలతూగదన్నది నిర్వివాదాంశం.
