Nayanthara Black Badge Spectra.. సెలబ్రిటీలకు కొత్త కార్ల మీదుండే మోజు గురించి ఎంత చెప్పుకున్నా తక్కువే.! గ్యారేజ్‌లలో ఎప్పటికప్పుడు కొత్త కార్లు వచ్చి చేరుతుండాలి సెలబ్రిటీలకి.!
హీరోలు, హీరోయిన్లు, దర్శక నిర్మాతలు, కమెడియన్లు, ఇతర టెక్నీషియన్లు.. ఇలా చెప్పుకుంటూ పోతే, ‘లగ్జరియస్ కారు’ మీద మోజు పడని సినీ ప్రముఖులుండరంటే అతిశయోక్తి కాదేమో.!
సినీ ప్రముఖులేనా.? రాజకీయ ప్రముఖులు, క్రీడా రంగ ప్రముఖులు, ప్రముఖ వ్యాపార వేత్తలు.. లగ్జరియస్ కార్లపై మమకారాన్ని చాటుకుంటూనే వుంటారు.
Nayanthara Black Badge Spectra.. ఖరీదైన కారంటే.. స్టేటస్ సింబలే.!
అత్యంత ఖరీదైన కారుని వినియోగించడం, ఓ ‘స్టేటస్ సింబల్’ కూడా.! అందుకే, మార్కెట్‌లోకి ఎప్పటికప్పుడు అత్యంత ఖరీదైన కార్లు వస్తుంటాయి.
కార్ల కంపెనీలు, ఎక్స్‌క్లూజివ్‌గా కొన్ని కార్ల మోడళ్ళను కేవలం సెలబ్రిటీల కోసమే రంగంలోకి దించుతుండడం కూడా చూస్తుంటాం.
అసలు విషయానికొస్తే, సినీ నటి నయనతార పుట్టిన రోజు సందర్భంగా, అత్యంత ఖరీదైన కారు ఆమె గ్యారేజీలోకి వచ్చి చేరింది.!
రోల్స్ రాయిస్ కంపెనీకి చెందిన ‘బ్లాక్ బ్యాడ్జ్ స్పెక్టర్’కారు అది.! ఖరీదు అక్షరాలా తొమ్మిదిన్నర కోట్లు.! ఎలక్ట్రిక్ వెహికల్ ఇది.! అత్యంత విలాసవంతమైన కారుగా, ఈ ‘బ్లాక్ బ్యాడ్జ్ స్పెక్టర’ కారుని చెబుతారు.
నయనతారకి ఆమె పుట్టిన రోజు కానుకగా, భర్త విఘ్నేష్ శివన్ ఈ కారుని ఇచ్చాడుట. నయనతార, విఘ్నేష్ శివన్.. తమ ఇద్దరు పిల్లలతో కలిసి కొత్తగా తమ గ్యారేజీలో చేరిన కారుతో ఫొటోలకు పోజులిచ్చారు.
గతంలో కూడా నయనతారకి ఆమె భర్త విఘ్నేష్ శివన్, లగ్జరియస్ కార్లను వివిధ సందర్భాల్లో బహుకరిస్తూ వచ్చాడు.
తెలుగులో ‘మన శంకర వర ప్రసాద్’ సినిమాతో ఈ సంక్రాంతికి ప్రేక్షకుల ముందుకు రానుంది నయనతార. మెగాస్టార్ చిరంజీవి హీరో.
అనిల్ రావి పూడి దర్శకత్వంలో ‘మన శంకర వర ప్రసాద్ గారు’ సినిమా తెరకెక్కుతోంది.
మరోపక్క, నందమూరి బాలకృష్ణ హీరోగా తెరకెక్కబోతున్న సినిమాలోనూ హీరోయిన్‌గా నయనతార నటించనుంది. గోపీచంద్ మలినేని ఈ చిత్రాన్ని తెరకెక్కిస్తాడు.
