Home » ఓజీ వర్సెస్ వారణాసి.! ‘పవన్ – మహేష్’ మధ్య ఈ పోలికెందుకు.?

ఓజీ వర్సెస్ వారణాసి.! ‘పవన్ – మహేష్’ మధ్య ఈ పోలికెందుకు.?

by hellomudra
0 comments
OG Pawan Kalyan Maheshbabu Varanasi

OG Pawan Mahesh Varanasi.. పవర్ స్టార్ పవన్ కళ్యాణ్, సూపర్ స్టార్ మహేష్ బాబు.. ఇద్దరూ మంచి స్నేహితులు.!

‘అర్జున్’ సినిమా పైరసీ సమయంలో, మహేష్‌బాబుకి అండగా నిలిచింది పవన్ కళ్యాణ్.

అయితే, సోషల్ మీడియా వేదికగా పవన్ కళ్యాణ్ – మహేష్ బాబు.. ఈ ఇద్దరి అభిమానుల మధ్య ‘వార్’ జరుగుతుంటుంది.

నిజానికి, మహేష్ అభిమానుల ముసుగులో వైసీపీ కార్యకర్తలు చేసే అరాచకానికి, పవన్ కళ్యాణ్ అభిమానుల నుంచి కౌంటర్ ఎటాక్.. అనుకోవచ్చది.

మహేష్ సినిమా ‘వారణాసి’, పవన్ సినిమా ‘ఓజీ’ మధ్య పోలిక వస్తోందిప్పుడు సోషల్ మీడియా వేదికగా. ఓ వర్గం మీడియా, పవన్ – మహేష్ అభిమానుల మధ్య రచ్చకోసం ఈ పోలిక తెస్తోంది.

పవన్, మహేష్.. మధ్యలో వైసీపీ.!

దానికి, వైసీపీ కార్యకర్తలు ఆజ్యం పోస్తున్నారు, పవన్ కళ్యాణ్ మీద ద్వేషంతో.! దాంతో, మహేష్ అభిమానులూ ట్రిగ్గర్ అవుతున్నారు.

‘వారణాసి’ సినిమాకి సంబంధించిన ఈవెంట్ తాజాగా జరిగింది. సాంకేతిక సమస్యలతో, టీమ్ విడుదల చేయాలనుకున్న వీడియో, ఆలస్యమయ్యింది.

మొన్నామధ్య ‘ఓజీ’ ప్రీ రిలీజ్ ఈవెంట్‌లో సినిమా ట్రైలర్‌కీ సాంకేతిక ఇబ్బందులు తలెత్తాయి. వాతావరణమూ అనుకూలించలేదు. భారీ వర్షం ఇబ్బంది పెట్టింది.

ఆ సమయంలో, పవన్ కళ్యాణ్.. అన్నీ తానే అయి వ్యవహరించారు. ఆ ఈవెంట్‌ని విజయవంతం చేయడంలో పవన్ కళ్యాణ్, తన శక్తికి మించి కష్టపడిన సంగతి తెలిసిందే.

కటానా చేతపట్టిన జనసేనాని

డిప్యూటీ సీఎం అయినప్పటికీ, ‘ఓజీ’ గెటప్‌లో కనిపించారు, పైగా కటానా కూడా చేత పట్టారు. ఈ విషయమై విపరీతమైన ట్రోలింగ్ కూడా జరిగింది.

ఇక, ‘వారణాసి’ ఈవెంట్‌లో, మహేష్ ఓ నంది బొమ్మ మీద కూర్చుని.. పోజులిచ్చారు. త్రిశూలాన్నీ చేతబట్టారు. డ్రెస్సింగ్ విషయంలో అప్పుడు పవన్, ఇప్పుడు మహేష్.. దర్శకులు చెప్పినట్లు చేయాల్సి వచ్చింది.

తన ఇబ్బందికర పరిస్థితిని అపట్లో పవన్ చెబితే, ఇప్పుడు మహేష్ కూడా అదే విషయాన్ని కుండబద్దలుగొట్టేశాడు. ఏం చేసినా, అభిమానుల్ని అలరించడానికేననుకోండి.. అది వేరే సంగతి.

అయితే, పవన్ చేసినట్లు ‘వారణాసి’ ఈవెంట్‌లో మహేష్ చేయలేకపోయారనీ, దాంతో బాధ్యతంతా యాంకర్ సుమ తీసుకున్నారనీ.. సోషల్ మీడియా వేదికగా పెద్ద చర్చే జరిగింది.

సుమకి హేట్సాఫ్..

ఇందులో కొంత నిజం లేకపోలేదు. యాంకర్ సుమ, టెక్నికల్ స్నాగ్ ద్వారా ఏర్పడ్డ గందరగోళాన్ని భలే కవర్ చేశారు. ఈ విషయంలో సుమని అభినందించి తీరాలి.

కానీ, ఆ పేరు చెప్పి, హీరో మహేష్‌బాబుని అవమానించకూడదు కదా.! ఓ వర్గం మీడియా, మహేష్‌బాబుని అవమానిస్తోంది. దానికి, మహేష్ అభిమానుల కౌంటర్, పవన్ కళ్యాణ్ మీదకు వెళుతోంది.

దాంతో, ఈ మొత్తం వ్యవహారం పొలిటికల్ టర్న్ తీసుకుంటోంది. మహేష్ మాత్రం ఏ పొలిటికల్ పార్టీతోనూ అసోసియేట్ అయి లేడు. మహేష్ పేరుతో, పవన్ కళ్యాణ్‌ని టార్గెట్ చేస్తున్నారంతే.

You may also like

Leave a Comment

Welcome to Mudra369, your one-stop destination for stories that matter, trends that inspire, and updates that keep you ahead. At Mudra369, we believe in delivering content that informs, entertains, and empowers.

Edtior's Picks

Latest Articles

Website Hosting Sponser

Fully Managed WordPress Hosting

© 2020-25, Mudra369 – All rights reserved. Designed By: KiTek Group