Pawan Kalyan Power Politics.. సినీ రంగంలో తిరుగులేని పవర్ స్టార్ ఆయన.! రాజకీయాల్లో అయితే, ‘ఆంధీ’ అనిపించుకున్నారు.! ఆయనే జన సేన అధినేత, ఏపీ డిప్యూటీ సీఎం పవన్ కళ్యాణ్.
‘అసెంబ్లీ గేటు కూడా తాకలేడు’ అని పవన్ కళ్యాణ్ మీద 2024 ఎన్నికల సమయంలో వెకిలితనం ప్రదర్శించిన వైసీపీ నాయకులెవ్వరూ, పవన్ కళ్యాణ్‌ని ఆపలేకపోయారు.
పవన్ కళ్యాణ్, అసెంబ్లీలో అడుగు పెట్టారు. ఆయన్ని అసెంబ్లీ గేటు తాకనివ్వబోమని చెప్పిన వైసీపీ నాయకులు, అసెంబ్లీ గేటు బయట ఆగిపోయారు.
అంతెందుకు, పులివెందుల ఎమ్మెల్యేగా గెలిచిన వైఎస్ జగన్, ఏపీ అసెంబ్లీకి వెళ్ళడానికే భయపడుతున్నారు.. అసెంబ్లీలో పవన్ కళ్యాణ్‌ని ఎదుర్కోవాల్సి వస్తుందని.!
రాజకీయాల్లో పవన్ కళ్యాణ్ సంపాదించుకున్న స్థాయి, సాధించుకున్న స్థానం.. ఎంత బలమైనవో చెప్పడానికి ఇంతకన్నా నిదర్శనం ఇంకేం కావాలి.?
ఆంధ్ర ప్రదేశ్ ఎంతో మంది ముఖ్యమంత్రుల్ని చూసింది.. ఆయా ముఖ్యమంత్రుల హయాంలో ఎంతోమంది ఉప ముఖ్యమంత్రుల్నీ చూసింది.
వైసీపీ హయాంలోనూ ఉప ముఖ్యమంత్రులుగా పని చేసినవారున్నారు. అలా పని చేసినవారే, కానీ, వారెవరికీ వారి వారి అనుచరుల నుంచి కూడా ‘ఉప ముఖ్యమంత్రి’ అన్న గుర్తింపు లభించలేదు.
ఎవరు ఔనన్నా ఎవరు కాదన్నా.. ఆంధ్ర ప్రదేశ్ రాజకీయాల్లో, ఉప ముఖ్యమంత్రి పదవికి తిరుగులేని గౌరవాన్ని తీసుకొచ్చింది పవన్ కళ్యాణ్ మాత్రమే.
‘ఉప ముఖ్యమంత్రి అంటే, ముఖ్యమంత్రి కంటే పవర్ ఫుల్..’ అనే స్థాయికి, రాజకీయాల్లో చర్చ జరుగుతోందంటే, ఉప ముఖ్యమంత్రి పదవికి పవన్ కళ్యాణ్ తీసుకొచ్చిన గౌరవం అలాంటిది.
మొత్తం 15 మంది ఉప ముఖ్యమంత్రులుగా పని చేశారనీ, పదహారో ఉప ముఖ్యమంత్రి పవన్ కళ్యాణ్ అనీ.. ఓ తొక్కలో విశ్లేషణ, నీలి కూలి మీడియా నుంచి తెరపైకొచ్చింది.
ముందే చెప్పుకున్నట్లు, ఇంతకు ముందు ఎంతమంది ఉప ముఖ్యమంత్రులుగా పని చేసినా, ఉప ముఖ్యమంత్రి పదవికి ఓ స్థాయి.. తీసుకొచ్చిన ఘనత ముమ్మాటికీ పవన్ కళ్యాణ్‌దే.
ఏదన్నా సమస్య పవన్ కళ్యాణ్ దృష్టికి వెళితే, వెంటనే పరిష్కారమవుతోంది. అటు ప్రధాని, ఇటు ముఖ్యమంత్రి.. పవన్ కళ్యాణ్ స్థాయి గురించి పదే పదే చెబుతున్నారు.
కానీ, ‘పవన్ కళ్యాణ్ అలా మిగిలిపోతారా.?’ అంటూ, పవన్ కళ్యాణ్ స్థాయిని తక్కువ చేసి చూపించే దిక్కుమాలిన ప్రయత్నాలు నీలి కూలి మీడియా నుంచి నిస్సిగ్గుగా జరుగుతూనే వున్నాయి.
‘నెత్తి మీద కాలు వేసి, అదః పాతాళానికి తొక్కుతాం కదా..’ అని చెప్పి మరీ, వైసీపీని పాతాళానికి తొక్కేసిన జన సేన అధినేత పవన్ కళ్యాణ్, ఖచ్చితంగా రాజకీయాల్లో మరింత మెరుగైన ముందడుగు వేస్తారు రానున్న కాలంలో.
పవన్ కళ్యాణ సాధించబోయే విజయాలు, అధిరోహించబోయే శిఖరాలు.. ఇవన్నీ ముందు ముందు చూడబోతున్నాం. ఈలోగా నీలి కూలి మీడియా ‘తుత్తర’ ఆగదు.. కడుపు మంట అస్సలు చల్లారదు.!
