Pawan Kalyan YSRCP Parada Politics.. ఆంధ్ర ప్రదేశ్ రాజధాని అమరావతిలో, ముఖ్యమంత్రి హోదాలో వైఎస్ జగన్ మోహన్ రెడ్డి ‘కారులో’ తిరిగేందుకు, ‘పరదాలు’ అవసరమయ్యాయి.!
అది కూడా, వైఎస్ జగన్ తాడేపల్లిలోని తన ఇంటి నుంచి, అసెంబ్లీకి వెళ్ళే క్రమంలో, రాజధాని రైతుల మొహాలు అస్సలు కనిపించకుండా వుండేందుకోసం, ‘పరదాల్ని’ ఏర్పాటు చేయించారు.
రాజధాని అమరావతిపై ‘కమ్మరావతి’ అని విషం చిమ్మడం, అమరావతిని స్మశానంగా, ఎడారిగా అభివర్ణించడం తెలిసిన విషయాలే.
రాజధాని మహిళల్ని ‘కూకట్‌పల్లి ఆంటీలు’ అంటూ అసభ్యకరంగా వ్యాఖ్యానించడంపై.. అప్పట్లో రాజధాని మహిళలు తీవ్ర ఆవేదన వ్యక్తం చేశారు.
పరదాల మాటున జగన్ పాలన.!
అమరావతినే రాజధానిగా కొనసాగించాలంటూ, లాఠీల దెబ్బల్ని తట్టుకుని మరీ అమరావతి మహిళలు గట్టిగా నిలబడ్డారు. అది జీర్ణించుకోలేక, వైఎస్ జగన్ పరదాల్ని ఆశ్రయించారు.
కారులో, అది కూడా హై సెక్యూరిటీ నడుమ, రాజధాని అమరావతి వీధుల గుండా అసెంబ్లీకి వెళ్లడానికి అప్పట్లో ముఖ్యమంత్రి హోదాలో వైఎస్ జగన్ పడ్డ ‘పరదా కష్టాలు’ అవి.!
ఆ పరదాలకీ, మ్యాజిక్ డ్రైన్ల నిర్మాణం సందర్భంగా, తాత్కాలికంగా కట్టిన పరదాలకీ తేడా తెలియడం లేదు వైసీపీ నాయకులకి.!
కొందరేమో, ‘పిఠాపురం పరదాల పీఠాధిపతి’ అంటూ పవన్ కళ్యాణ్ మీద అభ్యంతకర వ్యాఖ్యలు చేస్తున్నారు.
ప్రజలు తమని తరిమి కొడతారేమోనని భయపడి, ప్రజలంటే అసహ్యంతో.. పరదాలు కట్టించుకుంటే తప్పుగానీ, ప్రజలతో మమేకమైతే తప్పెలా అవుతుందో వైసీపీ శ్రేణులకే తెలియాలి.
Pawan Kalyan YSRCP Parada Politics.. పరదాలు కావివి.. ప్రజలతో మమేకం..
ఐఎస్ జగన్నాథపురం అనే గ్రామంలో, ఓ దేవాలయ అభివృద్ధి పనులకు శంకుస్థాపన చేశారు ఏపీ డిప్యూటీ సీఎం పవన్ కళ్యాణ్, గతంలో ఇచ్చిన హామీ మేరకు.
ఈ క్రమంలోనే, మ్యాజిక్ డ్రెయిన్ల నిర్మాణం జరుగుతున్న తీరుని ఏపీ డిప్యూటీ సీఎం పవన్ కళ్యాణ్, ప్రత్యక్షంగా పరిశీలించారు.
అధికారులతో చర్చించడమే కాదు, స్థానిక మహిళల్ని కూడా పనులు జరుగుతున్న తీరు గురించి అడిగి తెలుసుకున్నారు. ప్రజల నుంచి వినతులూ స్వీకరించారు ఏపీ డిప్యూటీ సీఎం పవన్ కళ్యాణ్.
ఇందులో ‘పరదా’ అన్న ప్రస్తావన ఏముంది.? మహిళలతో, మహిళా రైతు కూలీలతో పవన్ కళ్యాణ్ వివిధ అంశాలపై మాట్లాడారు. దీనికి సంబంధించిన ఫొటోలూ, వీడియోలూ వున్నాయి.
నిజానికి, ఏపీ డిప్యూటీ సీఎం పవన్ కళ్యాణ్ పర్యటనలో పోలీసుల అత్యుత్సాహం లేదు. జనం నేరుగా, డిప్యూటీ సీఎం వద్దకు వచ్చి మాట్లాడగలిగారు.
గతంలో, ఈ పరిస్థితి వుండేదా.? పరదాలు దాటి ప్రజలు వచ్చే పరిస్థితి వుండేది కాదు. ఎంపిక చేసిన వైసీపీ కార్యకర్తలని మాత్రమే, వైఎస్ జగన్ వద్దకు అనుమతించేవారు.. అదీ పరదాలు దాటించి.!
పవన్ కళ్యాణ్ మీద ‘ప్యాకేజీ’ ఆరోపణలు చేసి, వైఎస్ జగన్ సాధించిందేంటి.? 151 సీట్ల నుంచి 11 సీట్లకు పడిపోవడం తప్ప.!?
