Raju Weds Rambai.. సినిమా అన్నాక, చిన్నదీ.. పెద్దదీ.. అనే తేడా ఏమీ వుండదని, చాలా చిన్న సినిమాలు పెద్ద విజయాలు సాధించి, నిరూపించాయి.
అదే సయంలో, పెద్ద సినిమాలు డిజాస్టర్లుగా మారి, చిన్న చిత్రాల ముందు పరువు పోగొట్టుకున్నాయి. అయినా, సినిమా అన్నాక.. సక్సెస్, ఫెయిల్యూర్.. ఎవరూ ముందుగా ఊహించలేరు.
ఇక, ఓ చిన్న సినిమా.. ఈ రోజు ప్రేక్షకుల ముందుకొచ్చింది. అదీ, అతి తక్కువ టిక్కెట్ ధరలతో.! ‘మా సినిమా టిక్కెట్ ధరల్ని తగ్గించేశాం.. ప్రేక్షకులూ థియేటర్లకు పోటెత్తండి’ అంటోంది ఆ చిత్ర యూనిట్.
Raju Weds Rambai,, ఫ్రీ టిక్కెట్స్..
‘రాజు వెడ్స్ రాంబాయి’ సినిమా టైటిల్. నటీనటులంతా దాదాపు కొత్తవారే. సినిమాకి పబ్లిసిటీ బాగానే జరిగింది. ప్రీ రిలీజ్ బజ్ కూడా బావుంది.
నేడు సినిమా రిలీజ్.. నిన్ననే ప్రీమియర్స్ పడ్డాయ్.! ఇక్కడే చిక్కొచ్చి పడింది. సినీ మీడియాకి పెద్ద యెత్తున టిక్కెట్లు ఉచితంగా పంచింది చిత్ర యూనిట్.
పదుల సంఖ్యలో కాదు, వందల సంఖ్యలోనే టిక్కెట్లు ఉచితంగా పంచారు. సోషల్ మీడియా వేదికగా ఆయా సినీ మీడియా సంస్థలు, ఆయా టిక్కెట్లను సినీ అభిమానులకు పంచడమూ జరిగింది.
టాక్ ఏంటి.?
ప్రీమియర్స్ వేశారు కదా.. సినిమాలోని ‘కీ ప్లాట్’ రివీల్ అయిపోయింది. కొందరికి ఎక్సయిటింగ్‌గా అనిపిస్తే, కొందరికి ‘నాన్సెన్స్’ అనిపించడం సహజం.
ముఖ్యమైన ప్లాట్ రివీల్ అయిపోయాక, సినిమా మీద ఇంట్రెస్ట్ ఇంకేముంటుంది.? ఈ తరహా ఇబ్బందులు ఈ మధ్య చాలా సినిమాలకు తప్పడంలేదు.
నటీనటులు బాగా చేశారనీ, సినిమా బావుందనీ.. పాజిటివ్ మౌత్ టాక్ అయితే కొంత మేర కనిపిస్తోంది. అదే సమయంలో, సాగతీత కామెంట్లు కూడా వినిపిస్తున్నాయి.
ఇంతకీ, టిక్కెట్ ధరలు తగ్గాయి కదా, ప్రేక్షకులు థియేటర్లకు పోటెత్తుతారా.? అంటే, ఇదొక మిలియన్ డాలర్ క్వశ్చన్.!
ఒక్కటి మాత్రం నిజం.. టిక్కెట్ ధరలు తగ్గినా ప్రేక్షకులు థియేటర్లకు వస్తారో రారో చెప్పలేంగానీ, టిక్కెట్ ధరలు మరీ ఎక్కువైపోతే, థియేటర్లు వేస్ట్.. ఓటీటీ వరకు వెయిట్ చెయ్యడం బెస్టని ప్రేక్షకులు అనుకుంటారు.
చాలా చిన్న సినిమాలకి, ఓటీటీ కోసం వెయిట్ చేసే ప్రేక్షకులే తప్ప, థియేటర్లకు వెళ్ళే ఇంట్రెస్ట్ అయితే ఎవరికీ వుండడంలేదు.
డంపింగ్ తరహాలో, ఈ రోజు పలు సినిమాలు థియేటర్లలోకి వచ్చేశాయి. వాటిల్లో ఎన్ని ప్రేక్షకుల్ని ఎట్రాక్ట్ చేస్తాయన్నది వేచి చూడాల్సిందే.
అల్లరి నరేష్ సినిమా ‘12ఎ రైల్వే కాలనీ’ కూడా ఇందులో వుంది.
