Restaurants In Multiplexes.. చెగొడీలు, బజ్జీల రోజులు కావివి. పాప్ కార్న్, కేక్స్, కూల్ డ్రింక్స్ రోజులివి.
మల్టీఫ్లెక్స్‌లకి వెళితే, మోత మోగిపోవల్సిందే. సింగిల్ స్క్రీన్స్‌లో కూడా ధరలు వాచిపోతున్నాయ్.
పిల్లల కోసం అవసరమైన తిండిని క్యారేజీల్లో సర్దుకుని ధియేటర్లకు వెళ్లే పాత కాలం రోజులు కావు. స్కాన్ చేసుడు.. సీటు దగ్గరికే నచ్చిన తిండి తెప్పించుకొనుడు.
అందుకే సినిమా టిక్కెట్ ధర 300 రూపాయలైతే, తిండి ఖర్చు ధర వెయ్యి దాటేస్తోంది. రేట్లు భరించలేమ్ మహా ప్రభో.! అనుకుని మల్టీ ఫ్లెక్సులకెళ్లి చేతి చమురు వదిలించుకొస్తున్నాం.
Restaurants In Multiplexes.. కిక్కు బాబూ కిక్కు..!
మల్టీఫ్లెక్సుల్లో సినిమా చూస్తే ఆ ఏంబియన్స్, పిక్చర్ క్వాలిటీ, సౌండ్ క్వాలిటీ.. అదంతా వేరే లెవల్. ఈ తరం పిల్లల్ని సింగిల్ ధియేటర్లకి తీసుకెళ్లడం కనాకష్టమైపోతోంది.
మల్టీఫ్లెక్సుల్లో ఆ కిక్కుని ఎంజాయ్ చేయడానికి ‘జెన్ – జీ’ కిడ్స్ అలవాటు పడిపోయారు. ఈ నేపథ్యంలో మల్టీ ఫ్లెక్స్‌లు కూడా ఎప్పటికప్పుడు ట్రెండీ వ్యూహాలు అమలు చేస్తున్నాయ్.
తిండి ద్వారానే ఆదాయం ఎక్కువగా రాబట్టేందుకు ప్రణాళికలు సిద్ధం చేసుకుంటున్నాయ్. విదేశాల్లో ఓపెన్ ఎయిర్ ధియేటర్స్ అందుబాటులో వున్నాయ్.
డ్రైవ్ ఇన్ ధియేటర్స్ అనే ట్రెండ్ కూడా వుందక్కడ. పేద్ద మైదానంలో పేద్ద స్క్రీన్.. అందులోకి కారేసుకుని వెళ్లిపోవడం.. కార్లో కూర్చునే స్క్రీన్ మీద సినిమా చూడడం.. అదొక గొప్ప అనుభూతి.
కార్లోకే కావల్సిన ఆహార పదార్ధాలు ఆర్డర్ చేసుకుంటే వచ్చేస్తాయ్. మద్యం సేవిస్తూ కూడా సినిమాని ఎంజాయ్ చేయొచ్చు.
మన దేశంలో కూడా ఇకపై ఆ ముచ్చట..
విదేశాల్లో ధియేటర్లు లిక్కర్‌ని కూడా అనుమతిస్తున్నాయ్. ఇక్కడ కూడా ముందు ముందు ఆ వైభవాన్ని చూడబోతున్నామ్.
తాజాగా ఇండియాలోని ఓ మల్టీ ఫ్లెక్స్ చైన్ ధియేటర్లనే రెస్టారెంట్లుగా మార్చేస్తోంది. ధియేటర్లో సీటింగ్ సెటప్ డైనింగ్ టేబుల్ తరహాలో వుంటుంది.
సినిమా చూస్తూ.. నచ్చిన ఆహారాన్ని కడుపు నిండా తినేయొచ్చు. తింటూనే సినిమానీ చక్కగా ఆస్వాదించేయొచ్చు. టిక్కెట్ ధరలు ఎక్కువే వుంటాయ్ మరి వీటిలో.
ఆల్రెడీ కొన్ని ధియేటర్లు దేశంలో ఈ సేవల్ని అందిస్తున్నాయ్. హైద్రాబాద్‌లో మల్టీ ఫ్లెక్స్ చైన్స్ కొన్ని ఎంపిక చేసిన ధియేటర్లలో ఈ తరహా సౌకర్యాల కల్పనకు సిద్ధమవుతున్నాయ్.
రెస్టారెంట్లలో లైటింగ్ ఒకింత డల్‌గా వుంటుంది. అది మనలో చాలా మందికి అనుభవమే.
ఆ లెక్కలో ధియేటర్లలోని రెస్టారెంట్లు కూడా అదే డల్ లైటింగ్‌తో వుంటాయ్ కాబట్టి.. సినిమా వీక్షించడానికి పెద్దగా ఇబ్బంది పడాల్సిన పని లేదు.
కేవలం సినిమాలే కాకుండా.. క్రికెట్ మ్యాచ్‌లు వంటివి కూడా ఈ తరహా ధియేటర్లలో చూసేందుకు వీలుంది.
