Samyuktha Item Song Jajikaya.. మాంఛి మాస్ బీట్ వున్న సాంగ్ కాస్తా, ఐటమ్ సాంగ్‌గా ప్రొజెక్ట్ అవుతోందేంటబ్బా.?
‘జాజికాయ జాజికాయ’ అంటూ, నందమూరి బాలకృష్ణతో ‘అఖండ-2’ కోసం ఆడిపాడిన సంయుక్త మీనన్‌కి ఇప్పుడు కొత్త చిక్కు వచ్చి పడింది.
సంయుక్త మీనన్ చాలా మంచి నటి.! నటిగా, మంచి సినిమాలే పడ్డాయ్.! ‘విరూపాక్ష’ సినిమాలో ఆమె నటనకు విమర్శకుల ప్రశంసలు దక్కాయ్.
గ్లామర్ విషయంలో పెద్దగా మొహమాటాలేం లేవుగానీ, అలాంటి పాత్రలు ఎంచుకున్నప్పుడు మాత్రం, బొమ్మ బోర్లా పడిందన్న విమర్శలున్నాయ్.
Samyuktha Item Song Jajikaya.. కథల ఎంపికలో జాగ్రత్తలు తీసుకుంటున్నా..
‘అందుకే, కథల ఎంపికలో జాగ్రత్తలు తీసుకుంటూ వస్తోంది. తొలుత ‘జాజికాయ జాజికాయ’ సాంగ్ చేయడమై కొంత వెనకడుగు వేసిందట సంయుక్త.
ఇదే విషయాన్ని ‘అఖండ-2’ దర్శకుడు బోయపాటి శ్రీను తాజాగా వెల్లడించాడు. తానే ఒప్పించి మరీ, సంయుక్తతో ‘జాజికాయ’ సాంగ్ చేయించినట్లు ఘనంగా చెప్పుకున్నాడు కూడా.
అయితే, ఇదే ఇప్పుడు సంయుక్త మీనన్‌కి కొత్త తలనొప్పి తెచ్చిపెట్టింది. ‘మాస్ సాంగ్ కాదు.. ఐటమ్ సాంగ్‌లా వుంది.. ఈ సాంగ్ చేసి తప్పు చేశావ్’ అంటూ నెటిజనం, సంయుక్తకి క్లాసులు తీసుకుంటున్నారు.
దాంతో, సంయుక్త ఇప్పుడు ఈ సాంగ్ విషయమై తీవ్ర ఆందోళనలో వుందిట. తెరపై సాంగ్ చూశాక ఆడియన్స్, తన డాన్సుల్ని మెచ్చుకుంటారని పైకి చెబుతున్నా, లోలోపల అనుమానాలు పెరిగిపోతున్నాయ్ ఆమెకి.
Also Read: అధరామృతం.. అవ్వకూడదు విషపూరితం.!
అయినా, తప్పేముంది.? మాస్ సాంగ్.. ఐటమ్ సాంగ్.. పెద్దగా తేడా ఏమీ లేదు.! కాకపోతే, ఐటమ్ సాంగ్ అనే ముద్ర పడిందో.. ఇక అంతే సంగతులు.!
వచ్చే నెలలో ‘అఖండ-2’ సినిమా విడుదల కానున్న సంగతి తెలిసిందే. తెలుగుతో పాటు పలు ఇతర భాషల్లోనూ ‘అఖండ-2’ సినిమాని విడుదల చేయబోతున్నారు.
