Prithviraj Sukumaran Success Failure.. పొగడ్తలకు పొంగిపోకూడదు.. విమర్శలకు కుంగిపోకూడదు.!
విజయం వస్తే, విర్రవీగేవాడు.. ఓటమికి భయపడిపోయేవాడు.. బాగుపడే సమస్యే లేదు.!
ఇవన్నీ అందరూ చెప్పే మాటలే.! కానీ, ఆచరించేవారెవరు.? ఆచరించగలిగితే అద్భుతాలే.! ఆచరించినవారే అద్భుతాలు సృష్టించగలరు.
తాజాగా, ఓ సందర్భంలో మలయాళ నటుడు, దర్శకుడు పృధ్వీరాజ్ సుకుమారన్ తన సినిమాల గురించీ.. నటుడిగా అలానే దర్శకుడిగా జయాపజయాల గురించీ మాట్లాడాడు.
Prithviraj Sukumaran Success Failure.. పొగడ్తల్లానే.. విమర్శలూ.!
పొగిడితే బావుంటుంది.. విమర్శిస్తేనే బాధగా వుంటుంది.. చాలామందికి. నేనూ ఆ కోవకే చెందుతాను. కాకపోతే, రెండిటినీ సమానంగా తీసుకోవడానికి ప్రయత్నిస్తానని చెప్పాడు పృధ్వీరాజ్ సుకుమారన్.
పృధ్వీరాజ్ సుకుమారన్ మంచి నటుడు, మంచి దర్శకుడు కూడా.! అంతే కాదు, నిర్మాతగానూ పలు సినిమాల్ని నిర్మించాడు.
కొన్ని సినిమాల విషయంలో తీవ్ర విమర్శలు ఎదుర్కొంటుంటాడు.. కొన్ని సినిమాలు అతనికి అత్యద్భుతమైన విజయాల్ని అందిస్తాయి.
సినిమా ఫ్లాప్ అయినప్పుడే, తదుపరి సినిమా మీద ‘కసి’ పెరుగుతుందనీ, ఆ సినిమా అద్భుతంగా వస్తుందని పృధ్వీరాజ్ సుకుమారన్ చెప్పుకొచ్చాడు.
అలానే, తన సినిమా విజయవంతమైనప్పుడు కూడా, కొంత భయం వేస్తుందనీ, తదుపరి సినిమా ఇంకా బాగా చేయాలన్న కసితో పని చేస్తానని అన్నాడు ఈ విలక్షణ నటుడు, దర్శకుడు, నిర్మాత.
తిట్టే హక్కు కూడా వుంటుంది..
అభిమానులు మనల్ని పొగుడుతారు.. అలానే, మన సినిమాలు నచ్చనప్పుడు.. వాళ్ళే తిడుతుంటారు. తిట్టేవాళ్ళందర్నీ శతృవుల్లా చూడాల్సిన పనిలేదన్నది పృధ్వీరాజ్ సుకుమారన్ వాదన.
అదీ నిజమే కదా.! ‘వాళ్ళకి తిట్టే హక్కు కూడా వుంటుంది.. ఎందుకంటే, మన సినిమాలు వాళ్ళని డిజప్పాయింట్‌కి గురిచేస్తే, వారి ఆవేదన తిట్ల ద్వారానా వెలిబుచ్చుతారు..’ అంటున్నాడు పృధ్వీరాజ్ సుకుమారన్.
తిట్లు, విమర్శలు.. హద్దులు దాటితేనే అభ్యంతకరమని పృధ్వీరాజ్ సుకుమారన్ అభిప్రాయపడ్డాడు.
కాగా, రాజమౌళి తెరకెక్కిస్తున్న ‘గ్లోబ్‌ట్రోటర్’ సినిమాలో ‘కుంభ’ పాత్రలో విలనిజం పండించబోతున్నాడు పృధ్వీరాజ్ సుకుమారన్.
మాతృభాష మలయాళంతోపాటు.. తమిళ, తెలుగు, హిందీ సినీ పరిశ్రమల్లోనూ నటుడిగా ప్రత్యేకమైన గుర్తింపు పృధ్వీరాజ్ సుకుమారన్ సంపాదించుకున్నాడు.
