Maheshbabu Globetrotter Varanasi Rudhra.. సూపర్ స్టార్ మహేష్‌బాబు ‘రుద్ర’ తాండవం చేసేశాడు.! జస్ట్ గ్లింప్స్ మాత్రమే. నందీశ్వరుడిపై రాముడు అధిరోహించాడు.!
ఇదంతా, రాజమౌళి దర్శకత్వంలో తెరకెక్కుతున్న ‘వారణాసి’ సినిమా గ్లింప్స్ తాలూకు విశేషం.!
మహేష్‌బాబు లుక్కుని పరిచయం చేస్తూ, ‘గ్లోబ్‌ట్రోటర్’ ఈవెంట్‌లో, ‘రుద్ర’ తాండవం చేసేశాడు దర్శక ధీరుడు రాజమౌళి.!
గ్లోబ్‌ట్రోటర్ ఈవెంట్ కోసం భారీ ఏర్పాట్లు జరిగినా, సాంకేతిక సమస్యలు ఇబ్బంది పెట్టాయి.. గ్లింప్స్‌ని డిజిటల్ స్క్రీన్ మీద ప్రదర్శించడానికి.
భయపడుతూనే, ప్రతి చిన్న విషయంలోనూ జాగ్రత్తలు తీసుకున్నామనీ, ఎక్కడా ఎలాంటి లీకులూ లేకుండా ప్రయత్నించామనీ రాజమౌళి ఎమోషనల్‌గా చెప్పాడు.
మహేష్‌లో కొంటెతనం కనిపిస్తుందనీ.. కృష్ణుడి పాత్రకు మహేష్ బాగా సూటవుతాడనీ, అయితే ఈ ‘వారణాసి’ కోసం, రాముడి పాత్రలో మహేష్ అందర్నీ ఆశ్చర్యపరుస్తాడనీ రాజమౌళి చెప్పుకొచ్చాడు.
లైఫ్ టైమ్ అఛీవ్‌మెంట్..
మరోపక్క, ‘వారణాసి’ సినిమాని లైఫ్ టైమ్ అఛీవ్‌మెంట్‌గా అభివర్ణించాడు హీరో మహేష్. ‘ఈ సినిమా మీకూ నచ్చుతుంది..’ అని అభిమానుల్ని ఉద్దేశించి చెబుతూ ఎమోషనల్ అయ్యాడు మహేష్.
గ్లింప్స్‌ని డిజిటల్ స్క్రీన్ మీద ప్రదర్శించిన సమయంలో, నటీనటులంతా చాలా చాలా ఎమోషనల్ అయ్యారు. మహేష్‌బాబుని, నంది ఆకారంలోని ఓ బొమ్మ ద్వారా వేదిక మీద ‘షో’ చేయించాడు రాజమౌళి.
అంతెత్తున క్రేన్ లాంటి నిర్మాణం సాయంతో మహేష్‌బాబుని నిలబెట్టించారు. అయితే, విపరీతమైన చలి.. బోల్డంత భావోద్వేగం కారణంగా, మహేష్ వాయిస్ ఒకింత కొత్తగా అనిపించింది.
Also Read: బుర్రలు బద్దలాసుపోయే ప్రశ్న: అల్లు అర్జున్ రెమ్యునరేషన్ ఎంత.?
ఏడు వేల సంవత్సరాల క్రితం.. లంకా నగరం.. ఆనాటి రామాయణ యుద్ధ కాండ.. మంచుతో నిండిన సముద్రంలో.. ఇలా భిన్నమైన ప్రాంతాల్లో అద్భుతాల్ని రాజమౌళి చూపించబోతున్నాడు.
వాటికి సంబంధించిన విజువల్స్ వేరే లెవల్‌లో వున్నాయ్. ప్రతి విజువల్ దేనికదే భిన్నం.! చివర్లో మహేష్, నంది మీద వస్తోంటే.. అభిమానులకు గూస్ బంప్స్ రావడం ఖాయం.
అభిమానులేంటి, రాజమౌళికే గూస్ బంప్స్ వచ్చేశాయ్.! ‘రుద్ర’ పాత్రలో మహేష్ ఈ ‘వారణాసి’ సినిమాలో కనిపించబోతున్నాడు.
సినిమాలో మహేష్ వేసిన రాముడి గెటప్, థియేటర్లలో ప్రేక్షకులకి పూనకాలు తెప్పిస్తాయనడం నిస్సందేహం.!
