Bhagyashri Ram Pothineni AKT Love.. ఎవరీ మహాలక్ష్మి.? ఎవరీ సాగర్.? అవన్నీ తెలియాలంటే, ‘ఆంధ్రా కింగ్ తాలూకా’ సినిమా చూడాల్సిందే.!
రామ్ పోతినేని, ఉపేంద్ర, భాగ్యశ్రీ బోర్సే కాంబినేషన్‌లో వస్తున్న సినిమా ఇది. సినిమా హీరోకి వీరాభిమానిగా రామ్ పోతినేని నటిస్తున్నాడు.
ఆ సినిమా హీరో ఎవరో కాదు, కన్నడ నటుడు ఉపేంద్ర.! సినిమా ప్రమోషన్లు కొత్తగా చేస్తున్నారు. కర్నాటకలోనూ ప్రమోషనల్ ఈవెంట్ చేశారు.
సినిమా ప్రమోషన్లలో భాగ్యశ్రీ బోర్సే ఎంత చురుగ్గా వుంటుందో ప్రత్యేకంగా చెప్పాల్సిన పని లేదు. తొలి సినిమా నుంచీ, ఆమెది అదే డెడికేషన్.!
ఇక, రామ్ పోతినేని సంగతి సరే సరి.! అతనికీ నిఖార్సయిన అభిమానులున్నారు. ఆ అభిమానుల్ని అలరించేందుకు, శక్తి వంచన లేకుండా కృషి చేస్తుంటాడు రామ్ పోతినేని.
‘ఇంతకు ముందు చేసిన సినిమాలన్నీ ఓ యెత్తు.. ఇప్పుడు చేస్తున్న ఈ సినిమా ఒక్కటీ ఇంకో యెత్తు..’ అన్నట్లుగా రామ్ పోతినేని ‘ఆంధ్రా కింగ్ తాలూకా’ సినిమాని ప్రమోట్ చేసుకుంటున్నాడు.
తాజాగా, సినిమా ప్రమోషనల్ ఈవెంట్ కోసం విశాఖ వెళుతూ భాగ్యశ్రీ బోర్సే, రామ్ పోతినేని ఇలా సెల్ఫీలో తమను తాము బంధించేసుకున్నారు.!
పెయిర్ ఎంత క్యూటుగా వుందో కదా.! రామ్ పోతినేని మంచి డాన్సర్.. తెరపై అతని ఎనర్జీ అన్ మ్యాచబుల్.! భాగ్యశ్రీ బోర్సే కూడా అంతే, డాన్సుల్లో దుమ్ము రేపేస్తుంది.!
భాగ్యశ్రీ, రామ్.. ఇద్దరి ఆన్ స్క్రీన్ కెమిస్ట్రీ అదిరిపోయిందని ఇన్‌సైడ్ సోర్సెస్ నుంచి సమాచారం అందుతోంది.
అన్నట్టు, భాగ్యశ్రీ బోర్సే, రామ్ పోతినేని మధ్య ఆఫ్ స్క్రీన్ కెమిస్ట్రీ కూడా నడుస్తోందన్న పుకార్లు షికార్లు చేస్తున్న సంగతి తెలిసిందే.
అయితే, సినిమాలోని మహాలక్ష్మి – సాగర్ మధ్య లవ్ ట్రాక్ తప్ప, తమ మధ్య అలాంటిదేమీ లేదని ఆల్రెడీ ఈ ఇద్దరూ స్పష్టతనిచ్చేశారు.!
