Andhra King Taluka RAPO.. సాధారణంగా సినిమాలంటే, ‘పోస్ట్‌పోన్మెంట్’ గురించిన వార్తలే వుంటాయ్.! అనుకున్న సమయానికి సినిమాల్ని రిలీజ్ చేయడం, ఈ రోజుల్లో చాలా చాలా కష్టం.!
కానీ, రెండు మూడేళ్ళ తర్వాత విడుదలయ్యే సినిమాల డేట్స్, ముందుగానే ప్రకటించేస్తున్నారు కొందరు. అదో చిత్రం. అప్పటికి చూసుకోవచ్చులే.. అన్న ఆలోచన కావొచ్చు.
కొన్ని ప్రాజెక్టులు అనౌన్స్ అవుతాయి, వివిధ కారణాలతో ఆయా సినిమాలు అటకెక్కిపోతాయ్. అలాంటివాటికి కూడా ముందే రిలీజ్ డేట్స్ ప్రకటించేయడం చూస్తూనే వున్నాం.
చాలా చాలా అరుదుగా మాత్రమే, సినిమాలకి ‘ప్రీపోన్మెంట్’ అనే మాటని వింటుంటాం.! తాజాగా, ఆ అరుదైన లిస్టులోకి చేరిపోయింది ‘ఆంధ్రా కింగ్ తాలూకా’ సినిమా.
‘బయోపిక్ ఆఫ్ ఎ ఫ్యాన్’ అంటూ, ఇంట్రెస్టింగ్ కాన్సెప్ట్‌తో ఈ ‘ఆంధ్రా కింగ్ తాలూకా’ సినిమాని తెరకెక్కిస్తున్న సంగతి తెలిసిందే.
Andhra King Taluka RAPO.. ఒక్కరోజు మాత్రమే..
ముందుగా అనుకున్నదాని ప్రకారం ఈ నెల 28న ‘ఆంధ్రా కింగ్ తాలూకా’ సినిమా ప్రేక్షకుల ముందుకు రావాల్సి వుంది.
కానీ, ఏమయ్యిందో.. చిత్ర నిర్మాతలు సినిమాని ఒక్క రోజు ముందుగా రిలీజ్ చేయాలని తాజాగా డిసైడ్ అయ్యారు. అంటే, ఒక రోజు సినిమా ప్రీ-పోన్ అయ్యిందన్నమాట.
భాగ్యశ్రీ బోర్సే ఈ ‘ఆంధ్రా కింగ్ తాలూకా’ సినిమాలో హీరోయిన్‌గా నటించింది. కన్నడ నటుడు ఉపేంద్ర, ఈ సినిమాలో కీలక పాత్రలో నటించాడు. మహేష్‌బాబు పి ఈ చిత్రానికి దర్శకుడు.
మైత్రీ మూవీ మేకర్స్ ఈ ‘ఆంధ్రా తాలూకా’ చిత్రాన్ని నిర్మించింది. సినిమాపై ప్రీ-రిలీజ్ బజ్ ఒకింత ఇంట్రెస్టింగ్‌గానే వుంది.
Also Read: ప్రియాంక చోప్రా జోనాస్.. రెమ్యునరేషన్ ఎంత.?
ఎటూ, ప్రీమియర్స్ పేరుతో ముందు రోజే ఎక్కువ సంఖ్యలో థియేటర్లలో విడుదల చేయడం ఈ మధ్య పరిపాటిగా మారిపోయింది.
ఈ నేపథ్యంలో, ఒక రోజు ముందుగానే సినిమాని రెగ్యులర్ రిలీజ్ చేసేస్తే ఎలా వుంటుందన్న ఆలోచన మైత్రీ మూవీ మేకర్స్ చేసిందని అనుకోవాలా.?
