HBD OG Thaman.. నటుడిగా తెరపై కనిపించాడు, చాలా ఏళ్ళ క్రితమే.! డ్రమ్స్ బాగా వాయిస్తాడు.! పాటలు కూడా బాగా పాడతాడు.!
స్టార్ మ్యూజిక్ డైరెక్టర్ అవుతాడని ఎవరన్నా అనుకున్నారా.? ఎందుకు అనుకోలేదు.. చాలామంది అనుకున్నారు.!
తమన్ సంగీతం కంటే, తమన్ బ్యాక్‌గ్రౌండ్ స్కోర్ ఎక్కువ మాట్లాడుతుంటుంది.! అది, తమన్ సినిమాలు చూసిన వారందరికీ అనుభవమే.!
థియేటర్లలో సౌండ్ బాక్సులు తగలబడిపోతాయ్.. అన్నమాట, తమన్ బ్యాక్‌గ్రౌండ్ స్కోర్‌తోనే మొదలయ్యిందంటే, అతిశయోక్తి కాదేమో.!
కొన్ని ఎంపిక చేసుకున్న థియేటర్లలో ‘సౌండ్ సిస్టమ్’ ఎలా వుంటుంది.? వాటితో, ప్రేక్షకులకు ఇవ్వగల ‘సౌండ్ ఎక్స్‌పీరియన్స్’ ఏంటి.? అనే లెక్కలేసుకుంటాడట తమన్.
అన్నట్టు, తమన్ బాగా క్రికెట్ ఆడతాడు.! కానీ, బొద్దుగానే వుంటాడు. అందుకే, తమన్‌ని అంతా ‘టెడ్డీ’ అని ముద్దుగా పిలుచుకుంటుంటారు.
నందమూరి తమన్.. అంటారు.. కొణిదెల తమన్ అంటారు.. ఎవరికి తోచిన ఇంటి పేరుతో వాళ్ళు, తమన్‌ని తమలో కలిపేసుకుంటుంటారు.
ఒక్కమాటలో చెప్పాలంటే, సంగీతానికి అర్థం బ్యాక్‌గ్రౌండ్ స్కోర్‌గా మార్చేసిన ఘనుడు తమన్. అలాగని, తమన్ పాటలు బాగోవా.? అంటే, ఎన్నో సూపర్ హిట్ సాంగ్స్ కూడా వున్నాయ్.!
‘వకీల్ సాబ్’, ‘భీమ్లా నాయక్’, ‘ఓజీ’.. ఇలా దేనికదే స్పెషల్.! ఒకదానికి మించి ఇంకోటి.! థియేటర్లలో ప్రేక్షకులకి పూనకాలు తెప్పించేస్తాడు తమన్, తన సంగీతంతో.!
పవన్ కళ్యాణ్ భక్తుడు తమన్. ఇది అందరికీ తెలిసిన విషయమే. అదే సమయంలో, నందమూరి బాలకృష్ణకి కూడా తమన్ అత్యంత సన్నిహితుడు.
చిరంజీవి మీద కూడా, తమన్‌కి బోల్డంత అభిమానం వుంది. చిరంజీవి సినిమాకి సంగీతం అందించినా, పవన్ కళ్యాణ్ సినిమాతో వర్క్ చేసినప్పుడు వుండే ఎంజాయ్‌మెంట్ తమన్‌లో కనిపిస్తుంది.
ఆ మాటకొస్తే, సినిమా సంగీతం విషయంలో దర్శక నిర్మాతలు ఎంత చేయించుకుంటే అంత.. అన్నట్లు తమన్ ఔట్‌పుట్ ఇస్తుంటాడు.
ప్రతి సినిమాకీ పడే కష్టం ఒకేలా వుంటుందనీ, కొన్ని సినిమాలకు అనుకోకుండా ఇంకాస్త ఎక్కువ ఎఫర్ట్స్ పెట్టడం అనేది జరుగుతుంటుందని తమన్ చెబుతాడు.!
హ్యాపీ బర్త్ డే తమన్.! నీ నుంచి మరిన్ని మంచి మ్యూజికల్ హిట్స్ రావాలి.
