Horse Maximum Running Speed.. వేగంగా పరిగెత్తడం.. అంటే, కొందరు ‘చిరుత’తో పోల్చుతారు.. ఎక్కువమంది గుర్రంతో పోల్చుతుంటారు.! ‘హార్స్ పవర్’ అనే మాట అందరికీ తెలిసిందే.!
ఇంతకీ, అత్యంత వేగంగా పరిగెత్తే గుర్రం ఏది.? గుర్రం పరిగెత్తే వేగానికి సంబంధించి, నమోదైన రికార్డులు ఏమైనా వున్నాయా.?
అసలెందుకీ ప్రస్తావన.? అంటే, ‘అఖండ-2’ సినిమా సాంగ్ రిలీజ్ ఈవెంట్‌లో దర్శకుడు బోయపాటి శ్రీను, గంటకి 110 కిలోమీటర్ల వేగంతో దూసుకెళ్ళిన గుర్రం.. అంటూ కామెడీ చేశాడు కాబట్టి.
సినిమాలో ఓ సీన్ షూట్ చేస్తున్నప్పుడు, గంటకు 110 కిలోమీటర్ల వేగంతో, గుర్రం.. గ్లాస్ డోర్‌ని ఢీ కొట్టిందనీ, అది చూసి, అంతా ఆశ్చర్యపోయారనీ బోయపాటి శ్రీను చెప్పాడు.
గుర్రం గంటకు 110 కిలోమీటర్ల వేగంతో దూసుకెళ్ళడమేంటి.? అంటూ, ఇప్పుడంతా బోయపాటి శ్రీనుని ట్రోల్ చేస్తున్నారు. ఇంకో వైపు, గుర్రం పరిగెత్తగలిగే వేగం గురించీ చర్చ జరుగుతోంది.
అందుబాటులో వున్న రికార్డుల ప్రకారం, ఓ రేసింగ్‌లో నమోదైన అత్యధిక వేగం.. గంటకు సుమారు 70 కిలో మీటర్లు.! అది కూడా, 20 సెకెన్లలో 400 మీటర్లు పరిగెత్తిందంతే.! విన్నింగ్ బ్రూ.. దాని పేరు.
కొన్ని గుర్రాలు.. అత్యధికంగా గంటకు 88 కిలో మీటర్ల వేగాన్ని అందుకునే అవకాశం వున్నా, చాలా తక్కువ సెకెన్లు మాత్రమే, ఆ వేగాన్ని కొనసాగించగలవని నిపుణులు పేర్కొంటారు.
అయితే, ఆ స్థాయి వేగంతో పరిగెత్తిన గుర్రాలకు సంబంధించిన ఎలాంటి రికార్డులూ లేవు. అదొక అంచనా మాత్రమే.!
వేగంలో, చిరుత టాప్.. అని చెప్పుకుంటాం కదా.! అది కూడా, తక్కువ సమయం మాత్రమే, అంటే కొన్ని నిమిషాల పాటు మాత్రమే, ఆ వేగంతో ప్రయాణించగలవు.
చిరుతలు వేటాడే జింకలు ఇంకాస్త ఎక్కువ వేగంతో పరిగెత్తగలవు.! బోయపాటి శ్రీను చెబుతున్నట్లు గంటకు 110 కిలోమీటర్ల వేగంతో పరిగెత్తే జంతువులేవీ లేవు.!
దర్శకుడు బోయపాటి శ్రీను తెరకెక్కించే సినిమాల్లోనే కాదు, బోయపాటి మాటల్లోనూ ‘అతి’ వేరే లెవల్‌లో వుంటుందనడానికి ఇదొక నిదర్శనం.
గుర్రం వేగం గురించి బోయపాటి చేసిన అతి, ‘అఖండ-2’ సినిమా మీద నెగెటివిటీకి కారణమవుతోంది.!
