Paanch Minar Raj Tarun.. యంగ్ హీరో రాజ్ తరుణ్, సక్సెస్ ఫెయిల్యూర్‌లకు అతీతంగా సినిమాలు చేస్తూనే వున్నాడు.
ఫ్లాపుల మీద ఫ్లాపులొస్తున్నా.. సినిమాల వరద మాత్రం ఆగడంలేదు రాజ్ తరుణ్ నుంచి.
మధ్యలో నానా రకాల కాంట్రవర్సీలు.. ఎక్స్‌ట్రా బోనస్.! ఎలాగైతేనేం, రాజ్ తరుణ్ వార్తల్లో వుంటూనే వస్తున్నాడు. కథల ఎంపికలో జాగ్రత్తలు తీసుకుంటే, సక్సెస్ ట్రాక్ మీదనే వుండేవాడు రాజ్ తరుణ్.
అనవసర వివాదాలు, నోటి దురద.. చెప్పుకుంటూ పోతే, రాజ్ తరుణ్ కెరీర్ ఇలా గందరగోళంలో పడటానికి చాలా కారణాలున్నాయ్.
డైరెక్షన్ డిపార్ట్‌మెంట్ నుంచి అనుకోకుండా హీరో అయిన రవితేజ కోవలోనే, రాజ్ తరుణ్ కూడా.. అనూహ్యంగా స్టార్‌డమ్ దక్కించుకున్నమాట వాస్తవం.
Paanch Minar Raj Tarun.. ట్రాక్ తప్పిన రాజ్ తరుణ్..
కెరీర్‌లో చెప్పుకోవడానికి కేవలం ఒకట్రెండు చిత్రాలు మాత్రమే వున్నాయి రాజ్ తరుణ్‌కి ఇన్నేళ్ళలో. ఎప్పుడో కమిట్ అయిన సినిమాలే, ఒక్కొక్కటిగా విడుదలవుతూ వస్తున్నాయి.
ఆ కోవలోనే, ‘పాంచ్ మినార్’ సినిమా ప్రేక్షకుల ముందుకొస్తోంది. రాశి సింగ్ హీరోయిన్. కొన్నాళ్లుగా ‘పాంచ్ మినార్’ పేరు తరచూ వార్తల్లోకెక్కుతూ వస్తోంది.
ఇదిగో.. అదిగో.. అంటూ, ఎట్టకేలకు సినిమాని విడుదల చేసేందుకు రంగం సిద్ధం చేశారు. ప్రమోషన్లు కూడా గట్టిగానే జరుగుతున్నాయ్.!
ట్రైలర్‌ని బాగానే కట్ చేశారు. క్రైమ్స్ జరుగుతూ వుంటాయ్.. దాంతోపాటే, కామెడీ.. అమాయకుడిగా కనిపిస్తోంది రాజ్ తరుణ్ పాత్ర.
ఈ ఫార్మాట్‌లో చాలా సినిమాలొచ్చాయ్.. కొన్ని హిట్టయ్యాయి.. చాలావరకు ఔట్ అయిపోయాయి. ఔట్‌డేటెడ్ ఫార్మాట్ అనలేంగానీ.. కంటెంట్ ఆడియన్స్‌కి కనెక్టవ్వాలంతే.!
ఏమో.. గుర్రం ఎగరావచ్చు..
అనవసర వివాదాల జోలికి వెళ్ళకూడదని రాజ్ తరుణ్ కూడా ఫిక్సయ్యాడట. అన్నట్టు, హీరోయిన్ రాశి సింగ్ కూడా, సక్సెస్ ఫెయిల్యూర్లకి అతీతంగా సినిమాలు చేసుకుంటూ వెళ్ళిపోతోంది.
ఏమో, గుర్రం ఎగరావచ్చు.. అన్న చందాన, ‘పాంచ్ మినార్’ గనుక సక్సెస్ అయితే, రాజ్ తరుణ్ కెరీర్ మళ్ళీ గాడిన పడుతుంది.!
ఇంతకీ, ఈ ‘పాంచ్ మినార్’తో బాక్సాఫీస్ మీద రాజ్ తరుణ్ చేయనున్న దండయాత్ర ఏమవుతుందో.! జస్ట్ వెయిట్ అండ్ సీ.!
