Prashant Kishor IPAC Bihar.. ప్రశాంత్ కిషోర్ తెలుసు కదా.? అదేనండీ, ఐ-ప్యాక్ ప్రశాంత్ కిషోర్.! ఎందుకు తెలీదు.? తెలుగు రాష్ట్రాల ప్రజలకు సుపరిచితుడే ఈ బీహారీ వ్యూహకర్త.!
దేశంలో ఎక్కడ ఏ ఎన్నికలు జరిగినా, ‘పీకే’ పేరు ప్రస్తావనకు వస్తుంటుంది. ఆయా రాజకీయ పార్టీలకు వ్యూహకర్తగా వ్యవహరించి, ఆయా పార్టీలను అధికారంలోకి తీసుకొచ్చాడు పీకే.
అసలు ఐ-ప్యాక్ పీకే ఏం చేస్తాడు.? ఎలాంటి వ్యూహాలు అమలు చేస్తాడు.? ఈ ప్రశ్నలకు సమాధానాలు చాలా తేలిక.! అందరికీ తెలిసిన వ్యూహాలే.!
ఏ రాజకీయ పార్టీ కోసం పని చేస్తాడో, ఆ పార్టీకి ప్రత్యర్థులైన రాజకీయ నాయకుల ఆత్మస్థయిర్యం దెబ్బతినేలా చేస్తాడు.!
అంతే కాదు, ప్రజల్లో విష బీజాలు నాటేందుకు ప్రయత్నిస్తాడు. ఇందుకోసం అవసరమైతే, విద్యావంతుల్ని కూడా ఉపయోగిస్తాడు.!
ఐ-ప్యాక్ టీమ్‌లో అత్యున్నత విద్యా సంస్థల్లో పట్టభద్రులైనవారు.. అంటే, ఎంటెక్ – ఎంబీఏ వంటి చదువులు చదివినవారు పని చేస్తుంటారు.
Prashant Kishor IPAC Bihar.. తెలుగు రాష్ట్రాల్లో ఇలా..
ఆంధ్ర ప్రదేశ్ రాజకీయాల్లో వైసీపీ కోసం పని చేశారు ప్రశాంత్ కిషోర్. ఆయన దర్శకత్వంలోనే, ‘కోడి కత్తి’ డ్రామాకి తెరలేచింది. గులక రాయి ఎపిసోడ్ కూడా అతనిదే.
పశ్చిమబెంగాల్‌లో మమతా బెనర్జీ కాలికి గాయం కూడా, ఐ-ప్యాక్ ప్రశాంత్ కిషోర్ స్క్రిప్టులో భాగమే. ఇలాంటి చాలా ఐడియాలు, దాదాపు ఒకేలా వుంటాయ్.
అయితేనేం, సత్ఫలితాలను ఇస్తుంటాయి ఐ-ప్యాక్ ప్రశాంత్ కిషోర్ వ్యూహాలు. అరవింద్ కేజ్రీవాల్, వైఎస్ జగన్, కేసీయార్, స్టాలిన్.. ఎందరో వున్నారు.. పీకే వల్ల ముఖ్యమంత్రులైనవారు.
ఇంతమందిని అధికార పీఠమెక్కించాడు సరే.. ప్రత్యక్ష రాజకీయాల్లోకి వచ్చి, ప్రశాంత్ కిషోర్ ఏం సాధించాడు.?
బీహార్‌లో బొక్క బోల్తా పడ్డాడు..
బీహార్ అసెంబ్లీ ఎన్నికల వేళ జన సురాజ్ పార్టీ పేరుతో ఓ కొత్త పార్టీని ప్రారంభించాడు ప్రశాంత్ కిషోర్. దాదాపు అన్ని చోట్లా ఆ పార్టీ పోటీ చేసింది.
చిత్రమేంటంటే, పోటీ చేసిన అన్ని చోట్లా ప్రశాంత్ కిషోర్ పార్టీ అభ్యర్థులంతా ఓడిపోయారు.
వివిధ రాజకీయ పార్టీలకు వ్యూహాలు అందించి, సంపాదించిన వేల కోట్ల రూపాయల్ని బీహార్ అసెంబ్లీ ఎన్నికల్లో తన సొంత పార్టీ కోసం పీకే ఖర్చు చేయడం గమనార్హం.
నిజానికి, బీహార్ అసెంబ్లీ ఎన్నికల్లో ప్రధాన పార్తీలతో పొత్తు పెట్టుకోవడానికి ప్రశాంత్ కిషోర్ చాలా ప్రయత్నాలే చేశాడు.
పాత మిత్రులెవరూ తనను దగ్గరకు కూడా రానివ్వకపోవడంతో, సోలో ఫైట్‌కి దిగాడు పీకే. ఫలితం.. గుండు సున్నా.!
