Table of Contents
Daahad Telugu Review.. ఈ మధ్య సినిమాల కంటే వెబ్ సిరీస్‌లు కొన్ని బాగా ఎట్రాక్ట్ చేస్తున్నాయి.! వెబ్ సిరీస్‌లు అనగానే దాదాపుగా ‘అడల్ట్ కంటెంట్’ అన్న భావన ఒకప్పుడు వుండేది.
సినిమాల్లోనూ ఆ తరహా సన్నివేశాలు పెరిగిపోతున్న రోజులివి. సో, అదసలు ‘వెబ్ సిరీస్’ విషయంలో నెగెటివ్ పాయింట్ కానే కాదేమో ఇప్పుడు.!
అసలు విషయానికొస్తే, ‘దాహడ్’ పేరుతో ఓ వెబ్ సిరీస్ వచ్చింది. బాలీవుడ్ బ్యూటీ సోనాక్షి సిన్హా ప్రధాన పాత్రధారి.
నాని హీరోగా నటించిన ‘ఎంసీఏ’ సినిమాలో విలన్‌గా నటించిన విజయ్ వర్మ గుర్తున్నాడా.? ఈ సినిమాలో అతను ఇంకో కీలక పాత్రధారిగా కనిపిస్తాడు.
Daahad Telugu Review.. కిల్లర్ వర్సెస్ లేడీ పోలీస్.!
ఓ లేడీ పోలీస్.. ఓ సైకో కిల్లర్.! సో, స్టోరీ గురించి పూర్తిగా చెప్పాల్సిన పనిలేదు. వెనుకబడిన వర్గాలకు చెందిన యువతి అంజలి భాటి పాత్రలో సోనాక్షి సిన్హా మెరిసింది.
అమ్మాయిల మిస్సింగ్ వ్యవహారానికి సంబంధించి, ఒకదానితో ఇంకోటి లింకులు దొరుకుతూ వుంటాయ్. అది కూడా మొబైల్ ఫోన్ లింకులు.!
ఇంతకీ, మిస్ అవుతున్న అమ్మాయిల పరిస్థితేంటి.? ఎవరైనా బతికి వున్నారా.? కిల్లర్‌ని అంజలి భాటి ఎలా పట్టుకుంది.? ఇది మిగతా కథ.
ఉన్నతాధికారుల నుంచి ఎదురయ్యే సమస్యలు, మద్దతు.. ఇవే కాదు, ‘దాహడ్’ వెబ్ సిరీస్‌లో చాలానే వున్నాయ్.! మిగతా వ్యవహారాల్ని పక్కన పెడితే, డైనమిక్‌గా కనిపిస్తుంది సోనాక్షి సిన్హా.
తెలంగాణ స్లాంగ్.. సోనాక్షి ఆటిట్యూడ్.!
తెలుగు వెర్షన్ కోసం తెలంగాణ స్లాంగ్ తీసుకొచ్చారు. దేశానికి సరిహద్దు రాష్ట్రంలో జరుగుతుంది ఈ వెబ్ సిరీస్ కథ.
అక్కడినుంచి, గోవా వరకూ.. లాక్కొచ్చారు కథని.. నిందితుడ్ని పట్టుకోవడం కోసం.! అమ్మాయిలపై సైనేడ్ ప్రయోగం.. కిల్లర్ చాలా సింపుల్‌గా తప్పించుకోవడం.. ఇవన్నీ నమ్మబుల్‌గా వుండవ్.!
Also Read: ‘లైగర్’ బాబూ.! అనసూయ సంగతేంటో చూడు.!
సినిమాటోగ్రఫీ, బ్యాక్‌గ్రౌండ్ స్కోర్.. అన్నీ బావున్నాయ్.! పోలీసులు ఆయా కేసుల్ని ఛేదించే క్రమంలో పడే మానసిక సంఘర్షణని బాగానే క్యాప్చర్ చేశారు.
ఆ ఒక్కటీ ఎందుకో.?
సిన్సియర్ పోలీస్ అధికారి అయినా, తోటి మహిళా పోలీస్ అధికారిని బెడ్రూమ్‌లో తన భార్యతో శృంగారం సమయంలో గుర్తు చేసుకోవడం.. ఒకింత ఆశ్చర్యకరంగా అనిపిస్తుంది.
ఓవరాల్‌గా చూస్తే, పాసబుల్ అండ్ వాచబుల్ వెబ్ సిరీస్‌గానే ‘దాహడ్’ గురించి చెప్పొచ్చేమో.!
