Deepika Padukone Work Hours.. సినీ నటి దీపికా పదుకొనే, రెండు ప్రెస్టీజియస్ ప్రాజెక్టుల నుంచి తప్పుకుంది.!
తప్పుకుందా.? తప్పించారా.? అన్నదానిపై మళ్ళీ భిన్నాభిప్రాయాలున్నాయి.
అసలెందుకు, దీపికా పదుకొనేని ఆయా సినిమాల నుంచి తప్పించారు.. లేదా, వాటి నుంచి ఆమె తప్పుకుంది.. అన్న ప్రశ్నలకు మళ్ళీ బోల్డన్ని సమాధానాలొస్తున్నాయ్.!
రెమ్యునరేషన్ ఎక్కువ డిమాండ్ చేస్తోందని కొందరు.. షూటింగ్ సమయం విషయమై అనవసరపు కండిషన్లు పెడుతోందని ఇంకొందరు అంటున్నారు.
అయితే, ఇంతవరకు దీపికా పదుకొనే విషయమై ఏ దర్శకుడు లేదా ఏ నిర్మాత.. బాహాటంగా విమర్శలు చేసింది లేదు.! క్రియేటివ్ డిఫరెన్సెస్.. అని మాత్రమే అంటున్నారు.
Deepika Padukone Work Hours.. క్రియేటివ్ డిఫరెన్సెస్.. ఎలా.?
నిజానికి, ‘క్రియేటివ్ డిఫరెన్సెస్’ అనేది షరా మామూలుగా వాడేసే పదం. ఆ ప్రస్తావన వెనుక, మళ్ళీ పెద్ద కథే వుంటుంది.! పేరుకి క్రియేటివ్ డిఫరెన్సెస్ అయినా.. తెరవెనుకాల.. పెద్ద పంచాయితీలే వుంటాయ్.
తాజాగా, దీపికా పదుకొనే ‘వర్క్ అవర్స్’.. అనగా ‘పని గంటలు’ విషయమై సంచలన వ్యాఖ్యలు చేసింది. ఎనిమిది గంటల పని సమయం మాత్రమే తాను ఇష్టపడతానని చెప్పింది దీపిక.
‘తల్లిని కదా.. ఓ వైపు నటన.. ఇంకో వైపు కుటుంబ బాధ్యతలు.. ఈ రెండిటినీ బ్యాలెన్స్ చేసుకోవడం కష్టం. ఈ విషయాన్ని వాళ్ళే అర్థం చేసుకోవాలి’ అంటూ బంతిని, నిర్మాతలు అలానే దర్శకుల కోర్టులోకి పడేసింది.
కరెక్టే.! దీపిక చెప్పిన దాంట్లో తప్పేమీ లేదు. ఇదే అభిప్రాయాన్ని మరో నటి శ్రద్ధా దాస్ కూడా చెప్పింది. అయితే, తాను సింగిల్ కాబట్టి, తనకు వర్క్ అవర్స్ ఎక్కువే వున్నా ఇబ్బంది లేదని పేర్కొంది.
మరీ ఎనిమిది గంటల నిబంధన పెట్టడం కంటే, 8 నుంచి పది గంటల వరకు అయితే అందరికీ బావుంటుందనీ శ్రద్ధా దాస్ అభిప్రాయపడింది.
దీపిక చెప్పినట్లు, ‘తల్లిగా’ బాధ్యతలున్నవారికి, 8 గంటలే పని సమయం వుండాలన్నది శ్రద్ధా దాస్ అభిప్రాయం కూడా.!
కానీ, సినిమా అనేది క్రియేటివ్ అండ్ కమర్షియల్ ఆర్ట్.! ఒక్కోసారి సరైన ఔట్‌పుట్ కోసం ఎక్కువ సమయం తీసుకోవాల్సి వస్తుంది. ఇది అందరికీ తెలిసిన విషయమే.
ఓ సీన్ షూట్ చేస్తున్నప్పుడు, అది సరిగ్గా రాకపోతే.. ఎంత టైమ్ అయినా తీసుకోవాల్సి వస్తుంది కదా.! అలా, సమయం పెరిగిపోతుంది.
అదే లొకేషన్.. అదే టీమ్.. మళ్ళీ ఇంకో రోజు సమకూరడం.. అంటే, అదేమంత తేలికైన వ్యవహారం కాదు. ‘పని గంటల’ విషయమై దర్శక నిర్మాతలు ‘అదనపు’ ఆలోచన చేసేది ఇందుకే.
ఎవర్నీ కష్టపెట్టాలని దర్శక నిర్మాతలూ అనుకోరు. కష్టపెడితే, బలవంత పెడితే.. ఔట్‌పుట్ సరిగ్గా రాదని వాళ్ళకి మాత్రం తెలియదా ఏంటి.?
